حارة العشق «قيد التعديل»

الفصل الخامس عشر..

نكمل روايتنا(حارة العشق)بقلم سلسبيل كوبك..
الفصل ال15..
آخر حاجة وقفنا عندها في الفصل ال14..
عدنان رجع بيته لقي الكل نايم طلع شقته و فتح الباب لقي كل الانوار مطفية..
عدنان(باستغراب):بنت المجانين دي مش بتخاف من الضلمة!
عدنان شغل النور و كان لسة هيتحرك وقف مكانه من الصدمة لما لقي غصون مرمية في الارض و بتنزل دم..
عدنان جري علي غصون بسرعة و بدأ يشوف نبضها و ضربها علي خدها بخفة كذا مرة..
عدنان:فوقي انتي يا بنتي..
عدنان شال غصون بين ايديه و دخل أوضته حطها علي السرير و جاب مناديل و بدأ يمسح الدم اللي نازل من أنفها..
عدنان دخل المطبخ جاب ماية و بدأ يرش علي وش غصون برضو مفاقتش,عدنان دخل المطبخ تاني عمل ماية بسكر و خرج قعد جمبها و حاوطها بدراعه و بدأ يشربها..
عدنان استغرب أن غصون لسة مفاقتش و ضربها علي خدها تاني و فجأة سمع صوت خافت جدا من غصون..
عدنان:انتي كويسة؟!
غصون فتحت عينيها ببطء شديد و بصت لعدنان..
عدنان:كويسة؟!
غصون(بخفوت):الدواء خلص ع..
عدنان:في دواء معين بتأخديه؟!
غصون هزت رأسها ببطء بمعني اه,عدنان قام وقف و جاب ورقة و قلم..
عدنان:اكتبي اسمه هنا و انزل اجيبه..
غصون مسكت القلم بضعف و كتبت الاسم ببطء..
عدنان:هنزل اصحي ماما تطلع تقعد معاكي عقبال ما أجي..
غصون مسكت ايد عدنان و هزت رأسها بمعني لا..
غصون(بخفوت):بلاش تتعبها معايا انا كويسة...
عدنان:طيب هنزل و اطلع..
عدنان ساب غصون اللي رجعت رأسها لورا بتعب شديد,عدنان نزل من البيت راح صيدلية بتفتح لوقت متأخر..
عدنان:دكتور شريف..
شريف:ازيك يا عدنان اخبارك؟!
عدنان:الحمدلله بخير...بس معلش كنت عايز الدواء ده..
شريف:الف سلامة مين تعبان؟!
عدنان:المدام تعبانة شوية بسرعة يا شريف..
شريف(باستغراب):متأكد ان ده للمدام؟!
عدنان:أيوه في ايه؟!
شريف:جالها السكر و هي في سن صغير كده..
عدنان(باستغراب):قصدك أنها عندها السكر؟!
شريف:أيوه..
عدنان:طيب جيب الدواء..
شريف:لحظة..
شريف جاب الدواء اللي غصون كتبته لعدنان و حطه قدام عدنان اللي طلع محفظته علشان يحاسب..
شريف:خليها المرة دي يا عدنان..
عدنان:لا شكرا يا شريف حسابك كام..
شريف:ا..
عدنان:هي مريضة سكر كدة؟!
شريف:أيوه بس المرحلة اللي هي فيها مش خطر يعني بيتعالج بالأقراص دي..الحمدلله أنها مش بتأخد انسولين..
عدنان:تمام شكرا..حسابك..
عدنان حاسب شريف و خد الدواء و رجع البيت تاني جاب كوباية ماية و حط الأقراص جمب غصون..
عدنان:خدي..
غصون(بتعب):شكرا..
غصون خدت كوباية الماية و الأقراص و رجعت رأسها لورا ببطء و غمضت عينيها...
عدنان:أحسن؟!
غصون:يعني الحمدلله..
عدنان:ممكن أفهم إيه اللي حصل؟!
غصون:مفيش غيبوبة سكر بسيطة..
عدنان:و انتي مقولتيش ليه أنك عندك السكر؟!
غصون:مجتش مناسبة..
عدنان:و يا تري كنتي بتنزلي دم ليه؟؟
غصون:الجنوب الانفية عندي ضعيفة..
عدنان:قصدك إني خدتك من غير ضمان؟!
غصون بصت لعدنان بصدمة و عدنان سابها و دخل الحمام و هو بيضحك علي منظرها..
عدنان خرج من الحمام بعد ما غير هدومه و لف الناحية التانية من السرير علشان ينام..
غصون:لو عايزنا نطلق معنديش مانع..
عدنان(ببرود):الطلاق مش سهل زي ما أنتي فاكرة و كمان مش كل ما تتزنقي نطلق..و اقفلي علي السيرة بقي..
عدنان:اقفلي النور..
غصون:علفكرة انا تعبانه انت معندكش دم..
عدنان:لو كنت زي باقي الرجالة كان زماني سيبتك لما فوقتي تاني يوم عادي...
غصون طفت النور و ودت ضهرها لعدنان و بدأت تنام بس معرفتش قعدت تتقلب كذا مرة..
عدنان(بضيق):ما تنامي..
غصون:ما انا مأكلتش أي حاجة من ساعة ما جنابك نزلت و قفلت عليا الباب..
عدنان(ببرود):و الله محدش قالك متأكليش..
غصون(بضيق):أنت رخم كدة ليه..
عدنان بص لغصون و نام من كتر تعبه,غصون قامت عملت ليها تأكل و بعد ما خلصت قعدت شوية علي موبايلها و بعدها نامت...
_في الصباح الباكر..
غصون فتحت عينيها بكسل و اتنهدت بسبب تليفون عدنان اللي بيرن بقاله كتير..
غصون(بنوم):عدنان يا عدنان..
غصون هزت عدنان كذا مرة لغاية ما فاق..
عدنان(بنوم):ايه؟!
غصون:قوم موبايلك بيرن..
عدنان مد ايده و مسك التليفون و فتح الخط من غير ما يفتح عينه...
عدنان:مين؟!
حسن:يا اسطا عدنان أنت نسيت إن النهاردة الجمعة اول الشهر و لا ايه؟!
عدنان(بضيق):طيب يا حسن جهز كل حاجة و بعد صلاة الجمعة نبدأ..
حسن:حاضر..
عدنان قفل مع حسن و قام قعد نص قعدة على السرير بص ناحية غصون لقاها بصاله..
عدنان(بضيق):ما تيجي تأخديني صورة..
غصون:أنت علطول مش طايقني انا عملتلك حاجة..
عدنان:طب قومي جهزي الحمام علشان استحمي و اروح اصلي الجمعة يلا..
غصون:انا لسة مأخدتش كفايتي في النوم..
عدنان:عايزك في نص ساعة تكوني مجهزة الحمام و الفطار و هدومي علشان أنزل أصلي..
عدنان(بحدة):يلا..
عدنان قام وقف و وقف في البلكونة بتاعته شوية,غصون اتنهدت و قامت ملت البانيو بالماية الدافية و دخلت المطبخ عملت أكل لعدنان و بعدها دخلت الاوضة..
عدنان خرج من البلكونة بص علي غصون و دخل الحمام و خرج كانت غصون طلعت هدوم ليه و حطتها جمب باب الحمام...
غصون كانت بتطلع هدوم ليها و لفت لقت عدنان وراها بحركة تلقائية منها حطت ايديها علي وشها..
عدنان(بهدوء):بعد كدة ابقي طلعي ليا عباية يوم الجمعة..
غصون(بخجل):كنت ممكن تقولي و كنت احطها جمب الباب لكن مش تطلعلي بصدرك ده و كمان هتأخد برد...
عدنان(بهدوء):ابقي انزلي تحت بعد صلاة الجمعة هدبح..
عدنان خد عباية من ورا غصون و بدأ يلبس و غصون واقفة و حاطة ايديها علي وشها..
عدنان:هتفضلي كدة لحد امتي؟!
غصون:انا عايزة أشوف غيث..
عدنان:بعد ما نصلي صلاة الجمعة سوا هرجع انا و هو..
غصون:أنت بتكلمه؟!
عدنان:أيوه..
عدنان:اياكي تخرجي بره البيت آخرك لغاية تحت فهماني يا غصون؟!
غصون هزت رأسها بمعني اه كذا مرة و عدنان سابها و مشي..
عدنان:ايه الهبلة اللي وقعت فيها دي بس؟!
عدنان خرج بره الشقة و غصون شالت ايديها من علي وشها و رمت نفسها علي السرير..
غصون:الواحد ينام ساعتين كدة..
الباب خبط..
غصون افتكرته عدنان فقامت و فتحت الباب..
غصون:افندم عايز ايه؟!
غصون:زينة..
زينة:عدنان لسة نازل مش هيطلع يعني..
زينة:مالك شكلك منمتيش كويس؟!
غصون:ما تليفون عدنان عمال يرن مية مرة فوق رأسي و هو مصحيش...
زينة:معلش عدنان لما بيكون تعبان أوي بيبقي نومه تقيل..
غصون:يا ستي..
زينة:احكيلي أخويا بيعاملك ازاي؟!
غصون:احكيلك ايه و لا ايه ده بيحسسني إني مجرمة و قتالة قتلة..
زينة:ليه بس؟!
غصون:معرفش معرفش و الله..
زينة:معلش استحمليه علشان خاطري هو طيب و الله و ابن حلال..
غصون:ما انا مستحملة أهو..
زينة:طب يلا البسي بسرعة علشان ننزل تحت نستني لما عدنان و بابا يرجعوا علشان يدبحوا..
غصون:هما بيدبحوا ليه؟!
زينة:عدنان كل يوم جمعة في كل أول شهر بيدبح لله كدة و بيوزع علي الحارة كلها و كل اللي محتاج..
غصون:بسم الله ما شاء الله..
زينة:يلا قومي..
غصون:هخش أغير هدومي..
زينة:ماشي هستناكي هنا..
غصون دخلت الحمام غسلت وشها كذا مرة و خرجت بدأت تغير هدومها...
"غصون لبست بنطلون جينز كحلي و فوقه تي شيرت بكم باللون الأبيض قصير لغاية الخصر و لبست كوتشي أسود عالي شوية و رفعت شعرها علي شكل كحكة عالية"...
غصون خرجت لزينة اللي بصتلها بابتسامة..
زينة:بسم الله ما شاء الله ربنا يحميكي..
غصون:تسلمي...
غصون:بقولك يا زينة..
زينة:نعم..
غصون:هي إيه الأوضة اللي مقفولة هناك دي؟!
زينة:دي عدنان بيشيل فيها حاجته يلا بسرعة نلحق الدبيحة من أولها..
زينة و غصون نزلوا لتحت و سوسن أول ما شافت غصون بصتلها بسخرية..
سوسن:ايه يا أختي ده ما تتحشمي..
غصون:يلا بينا يا زينة نروح لطنط زينب المكان هنا مفهوش أوكسجين..
سوسن:استني هنا يا بت هو انا مش بتكلم..
غصون:سوري مش واخدة بالي منك..يلا يا زينة..
غصون و زينة دخلوا المطبخ لزينب و حنان..
زينب:غصون ايه اللي نزلك بس دلوقتي؟!
حنان:تقعد أكتر من كدة تعمل إيه؟!ما خلاص زي القردة اهي..
غصون:شكرا جدا لاهتمامك يا طنط حنان..
حنان:متقوليش طنط يا بت انتي..
غصون:بتضايقك طنط؟!
حنان:اه..
غصون(بضحك):طب طنط طنط طنط يا طنط..
حنان:ما انت مش متربية تعالي يا بت..
غصون طلعت تجري و حنان قلعت شبشبها و حدفته علي غصون اللي جه فيها..
غصون(بوجع):آه حرام عليكي كنت بهزر..
حنان:متعصبنيش يا بت و تعالي يلا سوي الرز..
زينب:فين مقصوفة الرقبة عهد؟!
عهد:انا جيت يا ست الكل..
زينب:تعالي يا بت اغسلي المواعين دي..
عهد:هو انا ليه كل مرة بتوقفوني علي المواعين بقي؟!
حنان:يلا يا مقصوفة الرقبة يلا..
عهد:اوف طيب..
غصون:اساعد بايه؟!
حنان:قولتلك اقفي عند الرز...
غصون:ده كله رز!!!
زينب:أيوه علشان الغداء و يكفينا..
غصون:طيب..
حنان(بصوت عالي):سوسن يا سوسن..
سوسن:خير؟!
حنان:ما تيجي تشتغلي بدل ما انتي قاعدة ملكيش لازمة كدة..
سوسن(بغيظ):في ايه يا حنان بتكلميني كدة قدام واحدة غريبة..
زينب:مين اللي غريبة؟!غصون دي مرات ابني يعني بنتي مش غريبة..
زينة:شوفي انتي بتقولي ايه يا مرات ابويا قبل ما تتكلمي..
سوسن:بقيتوا كلكم عليا دلوقتي..
حنان(بحدة):يلا كلكم اشتغلوا... زمان عدنان جاي في الطريق هو و الحاج..
_عند عدنان..
عدنان و الرجالة اللي معاه كانوا خلصوا صلاة في الجامع و عدنان مع غيث..
عدنان:هتيجي تشوف الدبح النهاردة..
غيث:اه و بالمرة أشوف غصون...
عدنان:تمام يلا يا بطل..
شهاب:خلصت كل حاجة يا عدنان؟!
عدنان:اه يا حاج..تقبل الله..
شهاب:منا و منكم يا ابني...ازيك يا غيث؟؟
غيث:الحمدلله ازيك أنت حضرتك؟!
شهاب:حضرتك ايه انت زي عدنان ابني متقوليش حضرتك..
غيث:شكرا لذوقك..
شهاب:بيتكلم كدة ليه يا عدنان؟!
عدنان(بضحك):معلش بقي يا حاج مش متربي في الحارة..
غيث:مش يلا نروح علشان أشوف غصون..
عدنان:يلا..
عمر:يا حاج..
غيث وقف و بص لعمر ببرود و عمر بصله بحدة..
شهاب:ايه يا عمر؟!
عمر:مش فاضي انا للدبح النهاردة هروح المصنع اللي في القاهرة..
شهاب:طيب و حاول تخلص لاني زهقت بقاله سنين و هو مش شغال...
عمر:حاضر يا حاج عن اذنك..
عمر ساب شهاب و مشي,شهاب و غيث و عدنان خرجوا بره الجامع...
شهاب:حسن ظبط كل حاجة؟!
عدنان:أيوه يا حاج..
شهاب:طب يلا بقي ننجز..
كلهم وصلوا للبيت و غيث كان مبسوط بالجو..
عهد(بحماس):هطلع بره أشوفهم و هما بيدبحوا..
زينة:و انا..
زينب:روحي معاهم يا غصون..
غصون:حاضر.
عدنان:امسك يا يوسف..
يوسف:حاضر يا اسطا..
غصون قرفت و جريت علي المطبخ تاني...
حنان:مالك..
غصون:هما هيقتلوها ليه حرام؟!
زينب(بضحك):قلبك رهيف كدة ليه يا بت؟!
غصون:اوف لا المنظر فظيع..
عدنان دبح و باقي الرجالة كملت,يوسف قرب من عدنان..
يوسف:عايزك في كلمتين..
عدنان:قول..
يوسف:علي انفراد..
عدنان خد يوسف و راح لمكان بعيد نسبيا عن الدبيحة و الناس..
عدنان:قول..
خضير:اسطا عدنان..
عدنان:ازيك يا خضير..
خضير:الحمدلله هروح انا هناك..
عدنان:طيب..قول يا يوسف..
يوسف:انا عايز أبطل شغل في الفرن..
عدنان لا رد..
عدنان:عمر ضايقك؟!
يوسف:لا..
عدنان:و طلبك مرفوض يا يوسف مش هخسر حد كويس زيك و خصوصا انك مجتهد في شغلك و مخلص امين و صادق و انا مش هقدر أسيب الفرن في امانة أي حد غيرك..
يوسف:يا اسطا عدنان بلاش انا..
عدنان:خلاص الكلام خلص يلا بينا علي هناك..
عدنان خد يوسف و رجعوا للباقي كان الاطفال بيعملوا خمسات بالدم علي الحيطان..
عدنان:خليك يا يوسف هنا خمسة..
عدنان:يلا يا غيث..
غيث:عايز أعمل زيهم..
عدنان:أعمل..
غيث غمس بايده في الدم و حط علي الحيطة كذا مرة و كان مبسوط و دخل مع عدنان البيت..
عدنان:غصون يا غصون..
كل الستات خرجت بره المطبخ..
زينب:ربنا يزيدك يا حبيبي..
عدنان:شكرا يا أمي..
حنان:ربنا يباركلك في مالك يا رب..
غصون(بصريخ):يا نهار أسود!!!
زينة(بخضة):في ايه؟!
غصون:ايه الدم ده؟!
غيث استخبي ورا عدنان و خبي ايده..
غيث(بهمس):خبي عليا و انا هشيلهالك جميلة..
غصون(بصوت عالي):غيث اطلع من وراه..
غصون(بعصبية):و انت عملت ايه في العباية بتاعتك ايه الدم ده كله؟!
عدنان رفع حاجبه تلقائيا و غيث طلع من ورا عدنان وحط ايده جمبه و بص في الارض..
غصون(بعصبية):عملت مصيبة ايه؟!
غيث مد ايه اللي فيها الدم ناحية غصون اللي شهقت...
غصون:يا نهارك أسود تعالي هنا..
غيث:عدنان..
غيث استخبي ورا عدنان و كانت غصون راحت ناحيته..
عدنان:اهدي..
غصون:طلعه من ورا ضهرك..
كلهم كانوا بيضحكوا علي غصون اللي متعصبة..
غصون:وسع كدة..
غصون كانت تحاول تمسك غيث اللي ورا عدنان و مش عايزة تلمس عدنان بسبب هدومه اللي عليها دم..
غصون شهقت لما هدومها لمست هدوم عدنان اللي فيها الدم و بِعدت عنه بصدمة..
غصون(بصوت عالي):غيث أطلع من وواه و الا قسما بالله انت عارف هعمل فيك ايه..
غيث:خلاص يا غصون كنت بجرب..
غصون:فوضت أمري لله..
غصون قعدت علي الكنبة و هي بتأخد نفسها..
حنان:جيبيلها كوباية ماية يا عهد..
عهد:حاضر..
زينة(بضحك):اهدي خلاص حصل خير..
زينب:يا بنتي تاعبة نفسك ليه بس خلاص اللي حصل حصل..
غيث و عدنان ضحكوا مع بعض علي غصون..
******************************
-في مكان تاني...
_عند نور..
نور كانت قاعدة في الشقة بتاعتها ماسكة موبايلها بايديها لقت الباب بيخبط..
نور قامت فتحت الباب لقت قدامها عدي نور خافت و كانت هتقفل الباب بسرعة بس عدي زقه..
نور(بخوف):انت عايز ايه مني؟!رامي مش هنا..
عدي:جاي اتكلم معاكي كلمتين..
نور(بخوف):خليك بره البيت و متدخلش..
عدي:طيب بس هتجاوبيني علي سؤالي..
نور:و الله ما أعرف غصون فين..
عدي:نور أنتي عارفة غصون بالنسبة ليا ايه..
نور:انت مش بتحبها و كلنا عارفين..
عدي(بانفعال):لا بحبها و انتي عارفة كدة كويس..
نور:حد بيحب حد يعمل فيه اللي انت عملته..
عدي:انتي عارفة إني كنت بعمل كدة علشان نكمل مع بعض..
نور:و لو..
عدي:غصون و غيث فين يا نور؟!
نور:معرفش..
عدي مسك نور من رقبتها بغضب..
عدي(بغضب):غصون فين يا نور؟!
نور(بدموع):معرفش رامي هو اللي يعرف..
رامي(بغضب):عدي..
رامي مسك ايد عدي بعيد عن نور و ضربه بوكس في وشه و ضربه بركتبه في بطنه..
رامي(بغضب):قولتلك نور خط احمر..
رامي(بغضب):و مبحبش حد يقرب منها..
رامي ضرب رأس عدي برأسه و زقه علي الحيطة و خنقه بايده..
رامي(بغضب):قولتلك غصون معرفش فين و لا أعرف حتي ازاي اروحلها هي في مكان بعيد عني و عنك فابعد عنها بقي...
رامي(بغضب):ابعد عنها و لو فعلا بتحبها حاول تنقذها بدل ما تدور عليها..
عدي:قولتلك هحل كل حاجة بس و هي معايا..
رامي(بغضب):غبي و هتفضل طول عمرك غبي..
رامي:و لو فعلا بتحب غصون روح قول لأبوك ينسي أن أملاك غصون تبقي باسمه..
رامي:فاهم..
عدي:بابا!
رامي:أيوه أبوك يا عدي عايز يستخدم اسم غصون علشان يعمل أعمال ال***** و في الاخر غصون هي اللي تلبس التهمة دي...أبوك قد ايه ***..
رامي:و قوله كمان ان غصون عملالي توكيل و شركاتها هتفضل في الحفظ و الصون لغاية ما هي ترجع و ينسي خالص بأنها تكون بتاعته...
رامي:و يلا غور في داهية..
رامي طرد عدي بره بيته و قفل الباب لف لنور لقاها واقفة حاطة ايديها علي بوقها بتكتم شهقاتها و بتعيط..
رامي حضن نور و باس رأسها كذا مرة..
رامي:انا آسف آسف يا حبيبتي..
نور(بعياط):متسبنيش تاني لوحدي..
رامي:حاضر مش هسيبك تاني اوعدك انا آسف خلاص متعيطيش..
رامي:انا موجود و مش هسيبك..
نور حضنت رامي جامد و رامي وطي شال نور و دخل بيها أوضته و حطها علي السرير و فضل حاضنها لغاية ما لقاها سكتت..
رامي بص علي نور لقاها نامت ابتسم عليها و باس رأسها و غطاها و قام بدأ يغير هدومه و خرج لاوضة مكتبه يقعد يشتغل فيها شوية..
***************************
-في مكان تاني..
_عند شهد..
أم عبده:هنعمل إيه؟!
شهد:بفكر بفكر مش عارفة مبقتش أعرف أشوفه..
أم عبده:البت خلاص واكلة بعقله حلاوة..
شهد:اه لو عيني بس تلمحها و الله ما أسيب حتة فيها سليمة بس...بس هي مخرجتش من ساعة اللي حصل..
أم عبده:احمدي ربك إن اسطا عدنان معملكيش حاجة..
شهد:انا اطلع من بئر انزل في بئر تاني..
أم عبده:هنخلص منها متخافيش..
شهد:يا رب...و عارفة لو ساعدتيني و مبقتيش بتجري ورا المصلحة طول ما انتي معايا هغرقك فلوس و دهب..
أم عبده:انا معاكي ده احنا حتي ولاد بلد واحدة...
شهد:اه منا عارفاكي بتجري ورا الفلوس علطول..
أم عبده:أعمل إيه يعني من بعد ما عبدالله ابني مات و انا بقيت لوحدي مليش راجل يسندني و لا ليا ابن استناه يرجع من الجيش..و لو دلوقتي مش هعيش ليا هعيش لمين..
شهد:بسم الله ما شاء الله عبدالله كان أخلاق و نعمين...ربنا يرحمه..
أم عبده:يا رب..
أم عبده:الحق انا امشي..
شهد:طيب يلا طريق السلامة..
أم عبده سابت شهد و خرجت من بيتها و هي ماشية قابلت منار..
منار:اتقي ربنا يا أم عبده عايزة تأذي بنت ملهاش ذنب..
أم عبده:نقطيني ب سكاتك يا منار..
منار:ربنا ينتقم من شهد يا ستي..
منار سابت أم عبده و دخلت مكتبه باباها...
منار:ازيك يا بابا..
عيسي:الحمدلله ادخلي يا حبيبتي جبتي الاكل...
منار:اه يا بابا..
عيسي:كدة غصون مش جاية تاني؟!
منار:اكيد لا دي اتجوزت عدنان العربي عارف يعني ايه عدنان العربي..
عيسي:ما هو إنسان زي أي إنسان..إذا كان هو ذات نفسه مش بيفضل يمشي يقول انا عدنان العربي هيتفاخر ليه يعني..
منار:نفسي أعرف بتفكر ازاي..
عيسي:هتفهمي لما تكبري..
منار:أكتر من كدة..
عيسي(بضحك):بطلي لماضة و كُلي..
***************************
-في مكان تاني..
_في بيت العربي..
غصون:ممكن تقوم بقي تنضف نفسك..
عدنان:يا الله مالك يا بنتي قرفانة ليه كدة ده دم عادي يعني..
غصون:اياك تقرب مني..
غصون:و انت يا غيث تروح تأخد دوش و تنضف نفسك فاهم..
غيث:يا ستي ماشي اهو ماشي..
غيث سابهم و مشي رجع بيته..
شهاب:تعالي جهزيلي الحمام يا زينب..
زينب:حاضر يا حاج..
شهاب و زينب قاموا دخلوا أوضة شهاب,سوسن سابتهم و دخلت أوضتها..
حنان:اطلعي مع جوزك يلا يا غصون..
غصون:تمام..
غصون:قدامي..
عدنان(بهمس):كلمة كمان هضربك زيدتي فيها أوي..
زينة و عهد و حنان بدأوا يشيلوا الأكل ودخلوه المطبخ..
عدنان و غصون طلعوا شقتهم و عدنان دخل خد دوش و خرج غير هدومه"لبنطلون بيتي باللون الرمادي و فوقه تي شيرت باللون الأسود بكم"..
غصون غيرت التي شيرت بتاعها"غصون لبست تي شيرت طويل لغاية رجليها و مفتوح من الجمبين لغاية الخصر مبين جزء بسيط من بطنها باللون الأسود في أبيض ب ¾كم"..
غصون:عدنان..
عدنان:امممم..
غصون:انا عايزة أشتغل..
عدنان:يوووه تاني!!
غصون:أيوه تاني و تالت انا بزهق من القعدة كدة..
عدنان:اللي عايز يشتغل ده بيكون محتاج فلوس و انتي مش محتاجة لانك متجوزاني..
غصون:مش عايزة فلوسك عايزة أشتغل انا..
عدنان:أيوه ممكن تفهميني هتشتغلي ايه؟!
غصون:في مكتبة عمو عيسي..
عدنان:عمو عيسي اه قولتيلي بقي مراتي هتشتغل في مكتبة القيامة قامت..
غصون(بضيق):أي شغلانة بدل الملل ده..
عدنان:أشغلي وقتك في البيت تحت روقي بيتك هنا لو بصيتي حواليكي هتلاقي نفسك بتعملي حاجات كتيرة و مش لاقية وقت تتنفسي حتي..
غصون:لا..
عدنان(بحدة):هو انا اتكلم معاكي بهدوء مش نافع و لما ازعق تزعلي اعملك ايه يعني..
غصون:طلق..
عدنان بص لغصون بغضب و هي خافت من منظره..
عدنان:كمليها يلا..ما انتي مش فالحة غير في طلقني دي..
غصون لا رد..
عدنان:سكتي ليه ما تتكلمي؟!
غصون(بضيق):انا عايزة أشتغل..
عدنان:بصي ليا و انتي بتتكلمي..
غصون(بضيق):أوف بقي..
عدنان:ا..
الباب خبط..
عدنان:احمدي ربك ان الباب خبط و الا..
غصون(برفعة حاجب):و الا؟!
عدنان:هعرفك و الا ايه بس اصبري عليا..
عدنان قرب من الباب و فتحه لقي قدامه عهد..
عهد:انزل...
عدنان:طيب..
عهد سابت عدنان و جريت علي تحت...
عدنان:انا نازل شوية و طالع..
غصون:خدني معاك..
عدنان نزل و غصون وراه,غصون وقفت علي أول السلالم من فوق و عدنان نزل كام سلمة..
يارا(بفرحة و حماس):بابي..
************************
يتبع:::::