حارة العشق «قيد التعديل»

الفصل الخامس و العشرون..

نكمل روايتنا(حارة العشق)بقلم سلسبيل كوبك..
الفصل ال25..
آخر حاجة وقفنا عندها في الفصل ال24..
عدنان حضن غيث و سابه و خرج بره الڤيلا،غيث كان في قمة عصبيته من موقف غصون..
غيث طلع للدور التاني و راح ناحية أوضة غصون و فتح الباب بكل غضب..
غيث(بصدمة):غصون!!
غيث دخل لقي غصون مرمية في الأرض و حواليها شنطتين سفر و شنطة ايديها و موبايلها و الأهم من ده كله أن غيث لقي في دم حوالين رأسها..
غيث(بصوت عالي):غصون..
صبا سمعت صوت غيث فطلعت تجري علي بره تلحق عدنان و كان لسة هيركب عربيته لقاها جاية ناحيته بسرعة..
صبا:الحقني يا بيه غيث شكله بيتخانق مع الهانم..
عدنان(بحدة):هو مجنون؟!
عدنان دخل لجوا الڤيلا تاني و طلع لأوضة غصون اول ما طلع و لقي غصون مرمية في الأرض بالشكل ده و غيث جمبها ماسك ايديها و بيعيط..
عدنان حس كأنه أنفاسه اتقطعت و جري بسرعة علي غصون و حط ايده تحت رأسها..
عدنان(بقلق):غصون فتحي عينك..
عدنان(بقلق):غصون ردي عليا يا غصون..
عدنان حاوط غصون بايده و شالها و خرج بيها بره الڤيلا و وراه غيث اللي مش مصدق اللي حصل..
عدنان كان خايف علي غصون و ابنه و حط غصون في العربية و غيث ركب جمبها و عدنان لف بدأ يسوق..
عدنان بدأ يسوق لغاية ما لقي أول مستشفي قدامه وقف العربية بسرعة ونزل..
عدنان:روح جيب نقالة يا غيث بسرعة..
عدنان وطي و شال غصون تاني و دخل بيها للمستشفي كان غيث اتصرف و جاب نقالة بممرضين و عدنان حط عليها غصون..
ممرضة:نادي دكتور وائل بسرعة..
دخلوا غصون أوضة الطوارئ و غيث و عدنان كانوا واقفين بره قلقانين علي غصون..
غيث:هتبقي كويسة؟!
عدنان:إن شاء الله..
الدكتور دخل و بدأ يفحص غصون وخرج لعدنان..
عدنان:ها يا دكتور؟!
وائل:خير متقلقوش..بس باين أنه تم الهجوم علي المريضة بإزاز لأننا لقينا بقايا إزاز في شعرها و مكان الجرح..
وائل:أنتوا كنتوا معاها؟!
عدنان:لا..
وائل:انا هضطر أبلغ البوليس لأن دي تعتبر حادثة بفعل فاعل..
عدنان:ماشي يا دكتور اعمل اللازم..
عدنان:طب ممكن نشوفها امتي؟!.
وائل:لما تفوق..
عدنان:تمام شكرا..
غيث:يعني ايه بفعل فاعل يعني هيكون مين اتجرأ و دخل بيت جابر الأسيوطي..
عدنان:اهدي يا غيث الأمور دي لازم يبقي فيها هدوء علشان تتعامل بحكمة..و أيا كان مين هيتعاقب متخافش حق أختك مش هيروح كدة..
غيث:انا عمري ما شوفتك بتتخانق مع حد خالص..
عدنان:مش لازم كل حاجة تتحل بالخناق..الخناق بيضر ممكن الواحد يبقي منفعل و بيتخانق فيمسك أي حاجة جمبه و يضرب بيها اللي قدامه يموت ساعتها استفاد ايه و لا استفاد أي حاجة لازم تتحكم في انفعالاتك في عصبيتك أينعم غصب عنك في مواقف هتتعصب فيها بس الأصل ايه..
غيث:تعرف؟!
عدنان:إيه؟!
غيث:انا مبسوط أنك جوز غصون انا مبسوط أنها مراتك لأن والدي كان دايما بيتمني يجوز غصون لشخص زيك و انا متأكد أنه مبسوط دلوقتي من اللي حصل..
عدنان(بابتسامة خفيفة):و انا مبسوط أن غصون و انت موجودين في حياتي..
بعد فترة الممرضة خرجت من أوضة غصون و قربت ناحية عدنان..
ممرضة:حضرتك جوزها؟!
عدنان:أيوه...
ممرضة:المريضة فاقت..
عدنان:تمام شكرا..
عدنان و غيث دخلوا أوضة غصون و غيث قرب من غصون و باس رأسها و حضنها..
غيث:انتي كويسة؟!
غصون(بوجع):اه الحمدلله...
غيث:ايه اللي حصل؟!
غصون(بوجع):انا حاسة بوجع أوي في رأسي..
عدنان(بقلق):انادي الدكتور؟!
غصون(بوجع):يا ريت..
غيث:هناديه انا..
غيث خرج و عدنان قرب من غصون و قعد قدامها علي السرير و بصلها...
عدنان:حصل إيه؟!
غصون(بوجع):انا عايزة أمشي من هنا يا عدنان...
عدنان:ليه؟!
غصون:عدي..
عدنان:ماله!! عملك حاجة هو اللي عمل فيكي كدة؟!
عدنان:قولي..
غصون:هو و أبوه عايزين يخلصوا عليا و بعتوا حد من رجالتهم النهاردة يعمل كدة و افتكرني مُت..
عدنان:طب منادتيش ليه و لا عملتي أي صوت؟!
غصون:ملحقتش..
الباب خبط و الدكتور دخل و معاه ظابط..
وائل:مدام غصون...
وائل قرب من غصون و بدأ يفحص جرحها ببطء...
عدنان:هتفضل طول اليوم بتشوف الجرح و لا ايه..
وائل(بتوتر):ها؟!لا آسف خلاص...
وائل:خلي بالك من نفسك و لازم تتغذي كويس علشانك و علشان الطفل اللي في بطنك..
غصون:شكرا.
ظابط:مدام غصون ممكن نأخد أقولك لان تقرير الدكتور وائل قال أن الحادث بفعل فاعل صح..
غصون:فعلا كنت بجهز شنطتي و هنزل لقيت اللي بيدخل من بلكونتي و لسة كنت هصرخ رفع في وشي مسدس فسكت..
ظابط:كملي..
غصون:قعد يقول أنه هيخلص مني و هيقتلني فانا لمحت ڤازة أزاز و كنت لسة هضربه بيها كان أسرع مني و خدها و ضربني انا بيها..و بعدها اغمي عليا معرفش إيه اللي حصل تاني..
ظابط:طب شاكة في حد؟!
غصون:أيوه عدي...
ظابط:مين عدي؟!
غصون:شخص بيني و بينه عداوة و المفروض أنه هرب من الحكم اللي عليه..
ظابط:دي كل حاجة؟!
غصون:أيوه..
ظابط:تمام...عن أذنك و ألف سلامة عليكي..
غصون:شكرا..
ظابط:أستاذ عدنان حضرتك زوج المدام؟!
عدنان:أيوه..
ظابط:لو في جديد هبلغ حضرتك و هاخد رقمك من الاستقبال عن أذنك..
عدنان:شكرا ليك..
الظابط مشي، عدنان خد غيث علي جمب و كلمه و غيث مشي هو كمان..
عدنان قرب من غصون و وائل لقي وائل بيكلم غصون..
وائل:بس مش صغيرة علي الحمل يا غصون؟!
غصون لا رد..
عدنان وقف و ربع ايده و بص لوائل ببرود..
عدنان(بحدة):و أنت مالك صغيرة علي الحمل و لا مش صغيرة علي الحمل هي كانت اشتكت ليك..
عدنان(بحدة):و كمان ايه غصون دي؟!هو انتوا راضعين علي بعض و انا مش عارف..
غصون(باحراج):خلاص يا عدنان حصل خير..
عدنان(بحدة):اسكتي انتي و انت يا بيه يا محترم اتفضل بره مش عايز اشوف وشك..
عدنان(بحدة):يلا بره..
وائل:علفكرة دي اهانة لا أقبل بيها..
عدنان(بسخرية):لا و النبي أقبل..
عدنان طلع من جيبه مطوته و قرب من وائل اللي خاف و رجع لورا..
وائل(بانفعال):دي همجية و انا لا اقبل بيها هناديلك الأمن..
عدنان:روح هاتهم ما انت تبع العيال الفرفورة بتاعت بابي و مامي..
غصون:عدنان خلاص بقي نزل اللي في ايدك دي..
غصون:عدنان..
عدنان(بحدة):ملكيش دعوة..و انت يا حلو عينك تنزل تحت ما هو مش معني انك دكتور و دي مريضتك تفضل تبص ليها كل شوية بنظرات اظن انا و انت فاهمينها كويس يلا اخرج بره الباب ده و مش عايز اشوف وشك تاني..
عدنان(بحدة):و لو فضلت تبحلق فيا و فيها لحظة كمان شكلك هتخرج من هنا بس بعد ما مطوتي تعلم عليك..
وائل بص لعدنان بغيظ و سابه و خرج بره أوضة غصون و رزع الباب و هو خارج..
عدنان(بصوت عالي):لا راجل يالا..
غصون(بحدة):انت ايه اللي عملته ده؟!اتجننت يا عدنان..
غصون:احرجتني قدام الدكتور ازاي ترفع اللي انت ماسكها في ايدك ده في مكان محترم زي ده..
غصون:و ده كله ليه يعني؟!ما هو طبيعي هيبصلي و هو بيكشف عليا..و كمان ايه يعني فيها ايه متضايق ليه؟!
عدنان:فيها انك مراتي يا هانم لو ناسية و انا مقبلش أيا كان مين يبص لمراتي ببصة متعجبنيش..
غصون(بضيق):علشان بس مراتك...
غصون رجعت ضهرها لورا و ربعت ايديها و فضلت باصة للاشئ..
عدنان:هتفضلي مقموصة كتير مش شايف سبب يعني لده؟!
غصون:و هو انت بتشوف أصلا غير اللي انت عايز تشوفه..
غصون:احرجتني قدام الدكتور و كمان في راجل محترم يمشي بمطوة في جيبه ايه الهمجية دي..
عدنان:انا همجي و طبعي كدة و انتي قبلتي تكملي معايا كدة و بمزاجك..
غصون:بس لازم تحترمني شوية مش تخلي شكلي وحش قدام الدكتور...
عدنان(بعصبية):ينعل أبو الدكتور يا غصون هو من بقية عائلتنا و لا ايه؟!
عدنان(بعصبية):انا محدش بيعصبني قدك في ايه بقي ما تهدي شوية..ده كله علشان خاطر طلعت مطوة قدام دكتور ما هو يستاهل و كمان انتي مش هتقعدي هنا و لا لحظة تاني..
عدنان:انا بعت غيث يجيب هدومك و هدومه علشان نمشي..
غصون(بضيق):انا هنام لغاية ما غيث يبقي يرجع..
غصون سابت عدنان و ودته ضهرها و بدأت تنام أو بمعني أصح تعمل نفسها نايمة...
عدنان قعد علي الكنبة و هو باصص عليها....
-بعد فترة بسيطة..
عدنان:قومي يلا علشان نروح..
غصون قامت اتعدلت و بصت لعدنان بضيق و نزلت من علي السرير بدأت تبص حواليها..
غصون:فين صندلي؟!..
عدنان:قدامك أهو..
غصون قربت من الصندل و خدته و قعدت علي الكنبة و حاولت تلبس نفسها بس معرفتش حست بوجع في بطنها كل ما توطي علشان تلبسه..
غصون فجأة لقت عدنان قدامها و بيلبسها الصندل بهدوء و غصون اتصدمت من تصرفه...
عدنان:في حاجة ناقصة؟!
غصون:ها؟!
عدنان:يلا غيث مستنينا..
عدنان مسك ايد غصون و خرج بره المستشفي تليفونه رن..الخط اتفتح..
عدنان:ألو يا يارا..
داليا:انا داليا مش يارا...
عدنان(بضيق):خير يا داليا عايزة ايه؟!
عدنان فجأة لقي غصون حطت ودنها علي تليفونه علشان تسمع المكالمة كلها..
عدنان:معاكي معاكي يا غصون قصدي يا داليا عايزة ايه...
عدنان حاول يزق غصون بس هي مسكت فيه..
داليا:أنت لسة في القاهرة؟!
عدنان:أيوه..
داليا:طب يارا كانت عايزة ترجع معاك الحارة تقضي يومين معاك لان الاجازة جت و هي عايزة تغير جو شوية..
عدنان:ماشي جهزي هدومها هأجي أخدها..
داليا:و انا كمان..
عدنان:انتي كمان ايه؟!
داليا:هأجي معاكوا أكيد مش هسيب بنتي لوحدها هناك..
عدنان بص لغصون اللي بصتله برفعة حاجب..
عدنان:خلي يارا تجهز يا داليا..
عدنان قفل مع داليا و فتح باب العربية لغصون..
غصون:أيوه احنا رايحين فين انا مش هسمح بده يحصل...
عدنان:بنتي..
غصون:انا مش معترضة علي البنت انا معترضة علي أم البنت..
عدنان:متخافيش..
غيث:ايه هنفضل واقفين كتير...
غصون ركبت عربية عدنان و عدنان لف و ساق ناحية العمارة اللي ساكنة فيها داليا..
داليا كانت واقفة قدام البوابة أول ما شافت عدنان اتبسطت و جريت فتحت باب العربية اللي جمب عدنان لقت غصون...
غصون(بلامبالاة):هاي..
داليا:أنت رجعتها يا عدنان؟!...
غصون:لا يا حلوة رجعنا انا و ابني..
داليا تلقائي بصت ناحية بطن غصون و شافت بطنها ظاهرة شوية بصتلها بغيظ شديد و ركبت ورا مع يارا و غيث..
غصون:اطلع يا حبيبي علشان نلحق نوصل...
كان الجو متوتر شوية و بعد فترة كبيرة عدنان وصل للحارة كان الجو بدأ يليل....
عدنان:انزلوا يلا..
الكل نزل ما عدا غصون...
داليا(بضيق):يلا يا حبيبتي نمشي احنا..
يارا:مامي..
داليا:عايزة ايه؟!
يارا:هو انا هيبقي عندي أخ؟!
داليا:اه..
داليا(بشرود):بس احتمال كبير لا..
عدنان:غصون يلا انزلي..
عدنان لقي غصون نامت و هي ساندة علي الشباك بتاعها نزل من العربية و فتح الباب بتاعها..
داليا:هي الغندورة مش قادرة تنزل..
غيث(ببرود):لا مش قادرة..
عدنان وطي و شال غصون بين ايديه و مشي بيها ناحية البيت و كانت الحارة كلها اتجمعت و بدأوا يتكلموا علي غصون و أنها ازاي رجعت و أزاي حامل.
حسن:اسطا عدنان نورت...
عدنان:متشكر يا حسن في شنط في العربية هاتها..
عدنان دخل بغصون البيت و زينب و حنان كانوا قاعدين قاموا بسرعة..
زينب:يا ألف أهلا و سهلا...
حنان:مالها غصون يا ابني جرالها حاجة؟!..
عدنان:لا نامت بس في الطريق..
زينب:أخيرا يا عدنان هشوف ابنك...
زينب بدأت تزغرط من فرحتها و غصون قامت مفزوعة من نومها و كانت هتقع بس عدنان مسكها كويس..
غصون(بخضة):في ايه؟!..
عدنان:بيرحبوا بيكي...
سوسن:أهلا انتي شرفتي..
حنان:لمي لسانك يا سوسن..
داليا:ايه هتفضل شايلها كدة....
عدنان بص بأحراج للكل و نزل غصون علي الأرض..
غصون(بدوخة):آه آه عدنان مش قادرة.
عدنان(بقلق):مالك؟!.
غصون(بدوخة):تعبانة مش قادرة حاسة أن الدنيا كلها بتلف بيا آه شيلني...
عدنان وطي بسرعة شال غصون و غصون لفت ايديها حوالين رقبته..
عدنان:هطلع بيها لفوق..خلي حسن يبعت الشنط لفوق..
عدنان طلع بغصون لفوق بس غصون بصت لداليا بانتصار و طلعت ليها لسانها...
داليا شهقت بصدمة من تصرف غصون و الكل ضحك عليها لأنهم شافوا غصون..
عدنان(بهدوء و همس):نهدئ اللعب شوية..
غصون(برفعة حاجب):طالما أنت معايا أهو علي الخط نزلتني ليه!؟
عدنان:ممكن تقولي علشان أعرف دماغك دي هتفكر ازاي..
غصون:و طلعت ازاي؟!
عدنان:البقرة بتعرف تفكر أحسن منك يا غصون..
غصون:يا حيوان..
غصون ضربت عدنان علي كتفه بحدة و عدنان حط غصون علي السرير و قعد جمبها..
عدنان:بص يا غصون يمكن للمرة المليون هقولهالك بس عادي...انا اختارتك انتي مش داليا..
عدنان:و انا مش هظلم حد معايا أبدا علشان كدة كوني اختارتك يبقي تأكدي إني هفضل مخلص ليكي و الزوج اللي بتتمنيه طول ما انتي مطيعة و بتسمعي الكلام..
عدنان:بلاش مشاكل يا غصون العمر بيجري و احنا مش عايزين نفكر في الحوارات التافهة دي بعد كدة..داليا بتيجي هنا هنقول يومين كل شهر و 2 في 12 شهر يبقي 24 يوم خلال السنة كلها فاهدي كدة..
عدنان:يلا نامي..
عدنان باس غصون علي خدها و قام وقف خد هدوم ليه و دخل الحمام غير هدومه و خرج لقي غصون بتنام لسة جه نام جمبها و طفي النوم..
غصون قربت من عدنان و حاوطته بايديها و كملت نوم، عدنان باس رأس غصون و غمض عينه علشان ينام...
***************************
_*عدت فترة بسيطة و الحياة مستقرة إلي حدا ما*..
كان الكل بيتغدي مع بعض عمر كل شوية يبص عليهم كلهم و بعدها يكمل أكل..
عمر:أحم يا حاج..
شهاب:قول يا عمر..
عمر:انا قررت أخطب..
سوسن(بشهقة):تخطب!!من غير ما تقولي و لا تأخد رأيي..
حنان:و من امتي الرأي بيبقي رأيك يا سوسن طول عمره رأي سيد الرجالة شهاب..
شهاب(بهدوء):حنان سوسن خلاص اسكتوا..
غصون:خلاص يا طنط بطني اتملت..
زينب:يا بنتي انتي زي عود القصب لازم تتغذي شوية حتي علشان الواد اللي في بطنك..
داليا:و هو مين قال أنه ولد؟!
زينب:احساس و كمان كل اللي يجيبه ربنا كويس..
عمر اضايق أن شهاب متكلمش و لا علق علي موضوعه..
شهاب:مين هي يا عمر؟!
عمر(بلهفة):داليدا بنت خالي إيهاب..
سوسن:يا مصيبتي انت اتجننت؟!عايز تخطب بنت خالك اللي زي البومة دي و كمان خالك مين اللي عايز تناسبه علشان يأخد فلوسك..
عمر:انا مليش دعوة غير بداليدا يا أمي و البنت محترمة..
سوسن:كله الا دي يا عمر..
قاسم:ليه طالما هو عايز يتجوزها؟!
سوسن:أنت ملكش دعوة..
حنان:هو محدش مالي عينك و لا ايه؟!
عدنان(بحدة):كله يسكت البيت ليه كبير أنتوا نسيتوا نفسكوا الحاج شهاب قاعد و اللي عنده كلمة يقولها غير كدة يقعد ساكت زيه زي أي حاجة مش بتتكلم..
شهاب(بهدوء):معترضة ليه يا سوسن؟!
سوسن:مش مستوانا..
حنان:كويس أنك عارفة أنك مش مستوي و احنا اللي خليناكي عارفة تأكلي حتي..
شهاب(بحدة):حنان علي جوا..
حنان:ا..
شهاب(بحدة):حنان..
حنان بصت لشهاب بغضب و سابته و مشيت دخلت أوضتها..
غصون(بضيق):حاجة تسد النفس..
غصون قامت و دخلت ورا حنان اللي كانت مصدومة من اللي شهاب عمله،عدنان بصلها بحدة بسبب كلمتها..
شهاب(بضيق):كلم خالك يا عمر و حدد ميعاد..
شهاب ساب القعدة و خرج بره المكان و لحقه عدنان.
قاسم:تسلم ايدك يا امي..
عهد:مش عارفة انتي لسة قاعدة معانا ليه يا داليا ما تمشي بقي قارفانا اوي..
داليا:مش همشي من هنا يا عهد و اتعودي أنك تشوفيني الأيام التانية كتير أصل بفكر أقيم هنا..
عهد:ليه يا أختي المكان بقي فيه سكر لما بقي مكان غيرك و لا ايه..
عهد:انتي اللي خسرانة و متفكريش انك ممكن تبقي مكان غصون أبدا...
عمر:عن اذنكم..
عمر سابهم و خرج بره البيت قبل ما سوسن تكلمه و سوسن قامت دخلت أوضتها..
داليا سابت الأكل و دخلت أوضتها اللي في الدور الارضي و يارا كانت قاعدة بتلعب بلعبها..
_عند غصون و حنان..
غصون:طب متزعليش طب..
غصون:معلش هو عمو شهاب كدة عمري ما شوفته من ساعة ما اتجوزت عدنان ضحك بس ضحكة واحدة و لا هزر معانا و لا عمل أي حاجة من تصرفات الناس الطبيعية دي....
غصون:متزعليش منه معلش..
حنان:ده أول مرة يزعقلي و علشان مين علشان واحدة متسواش زي سوسن..
غصون:لا مش علشان سوسن علشان هي مراته حتي لو مكنش بيحبها بس برضو أنتي هنتيها جامد و قدامنا كلنا و كرامة الست من كرامة الراجل..
غصون:متزعليش منه بقي علشان خاطري..
حنان(بدموع):لا برضو مهما حصل مكنش ينفع يزعقلي قدامكوا كدة..
غصون:مهما حصل هتفضلي عندك هيبة و سيبك من الناس الوحشة اللي زي سوسن و داليا دي..
غصون:و كمان كلها ساعة بالكتير و تلاقيه جه و باس رأسه و قالك متزعليش مني..
حنان:برضو مش هصالحه..
غصون:ليه بس؟!.
حنان:كدة..
_عند شهاب و عدنان...
الاتنين كانوا بيتمشوا مع بعض و هما الاتنين مفيش حد بيتكلم خالص لغاية اعدنان بدأ يتكلم..
عدنان:مش شايف أنك زودتها شوية؟!يعني مكنش في داعي أنك تزعق لعمتي..
شهاب بص لعدنان بطرف عينيه وكمل مشي..
شهاب:و انت فاكرني مبسوط؟!
عدنان:لا..
شهاب:أول مرة من يوم ما اتولدت ازعق ليها..
عدنان:ما انا برضو مستغرب..
شهاب:انفعلت غصب عني..
عدنان:هتروح طبعا تصالحها..
شهاب:هي مش هتكون طايقة تبص في وشي أصلا..
عدنان:عمتي قلبها طيب..
شهاب:بس وقت زعلها صعب أوي..
عدنان:عندك حق...عموما هتعمل فرح قاسم امتي؟!
شهاب:آخر الشهر ده..
عدنان:و موضوع عمر؟!
شهاب:متردد..
عدنان:ليه؟!
شهاب:ميكونش يستحق البنت..
عدنان:غريبة المفروض تقول متكنش البنت تستحقه..
شهاب:طالما عمر اختار بنت معينة يبقي هي دي اللي هتمشيه علي عجين ميلغبطش و متنساش أنه حاله أتغير 180 درجة..
شهاب:بس انا مش عاجبني حالك..
عدنان:ليه في إيه؟!
شهاب:بتحب غصون؟!
عدنان:أكدب لو قولت اه..
شهاب:طب و داليا؟!.
عدنان(بتنهيدة):ماضي و مستقبل للأسف اما غصون حاضر و مستقبل.
شهاب:محتار؟!.
عدنان:جدا..بس مهما حصل عمري ما هرجع لداليا أبدا..
شهاب:في حاجة حصلت بينك و بين أخوك عمر؟!.
عدنان:لا..
شهاب:متأكد؟!
عدنان:متأكد..
شهاب:بص يا ابني هقولك كلمتين داليا كلت معانا عيش و ملح بس مصانتش العيش و الملح و كدة كدة بعد اللي حصل بينها و بين أخوك عمرها ما كانت تنفعلك مكنتش هتقبلها علي نفسك و هي في الأول و الآخر ام بنتك..
شهاب:اما غصون دي من ساعة ما جت اه حصلت مشاكل بس كانت معانا علي الحلوة و المُرة و في النهاية مراتك و ام ابنك اللي جاي بس خلاص داليا ماضي انساه ركز في مراتك و ابنك اللي جاي و بنتم يارا يا ابني...بطل حيرة البنت بتحبك او خليني اكون صادق معاك الاتنين بيحبوك سواء داليا او غصون بس شوف مين اللي حبه هينفعك مش هيضرك..
شهاب:هروح انا اقابل عم عيسي بقالي كتير مشوفتهوش يلا همشي..
عدنان(بشرود):تمام..
_Flash back..
عدنان كان بيشتغل في الورشة بتاعته لقي عمر داخل عليه و وقف قدامه..
عدنان:خير ايه اللي خلاك تنور؟!
عمر:انا جاي اقولك كلمتين..
عدنان:أحب اسمعهم..
عمر:بس لوحدنا..
عدنان:روح يا خضير جيب قهوة ليا و لعمر..
خضير:حاضر يا اسطا عدنان..
عدنان:ايه؟!
عمر:انا جاي علشان أقولك أنه..
عدنان:أنه؟!كمل مش هأخد الكلام علي مقاطع..
عمر:داليا متستاهلش أنها تكون لسة في قلبك..
عدنان(بهدوء):دي حاجة أقررها انا و كمان كنت جيت اشتكيت ليك..
عمر:لا بس زي ما قولتلك داليا متستاهلش حبك ليها ركز مع غصون..
عدنان(بهدوء):متشكر علي النصيحة بس مش محتاجها..
عدنان ساب عمر و كان هيدخل لمكتبه بس وقف فجأة مصدوم من اللي عمر قاله..
عمر:داليا اتفقت معايا أنها تجيب قاسم لحد عندها و يحصل اللي انت شفته ده و ده كله علشان تجبرك و تحطك قدام الأمر الواقع انك لازم تسيب الحارة..
عدنان لف لعمر و قرب منه بغضب و مسكه من قميصه بغضب شديد..
عدنان:أنت بتقول ايه؟!
عمر:بقول الحقيقة بقول حقيقة اللي لسة حاططها في قلبك و مفضلها علي اللي أحسن منها..
عدنان:فهمني حصل ايه و ازاي؟!
عمر:زي ما قولتلك داليا مراتك جت و اتفقت أنها هتخدر قاسم أخوك و يحصل اللي انت شوفته علشان في الأخر تجبرك أنك تسيب الحارة..
عدنان زق عمر بغضب بعيد عنه..
عدنان(بغضب):و طبعا انت ساعدتها..
عدنان(بغضب):علشانكم *** زي بعض..
عدنان(بغضب):اطلع بره اطلع..
عمر:انا لو كنت زيها مكنتش قولتلك..
عمر ساب عدنان و خرج بره الورشة،عدنان فضل طول اليوم مصدوم و مش عارف يشتغل..
عدنان رجع البيت بتاعه كان الكل قاعد..
داليا:عدنان شكلك مرهق..
غصون(بضيق):خير يا داليا يا حبيبتي عايزة حاجة؟!
داليا:بطمن علي عدنان...
غصون(بضيق):مرة تانية بقي..
غصون:عدنان أنت كويس؟!
عدنان بص ناحية غصون و بعدها بص علي داليا و كان حاسس بدوخة و كان هيقع بس غصون سندته و هو مسك في دراعها خوف عليها لتقع..
غصون(بقلق):اطلب الدكتور؟!
عدنان(بخفوت):لا طلعيني فوق و بس..
غصون:حاضر..
حنان:خدي عدنان و اطلعي يا غصون شكله تعبان اوي..
زينب:خليكي معاه يا حبيبتي..
غصون:حاضر..
غصون سندت عدنان و طلعت لشقتهم فوق و دخلت عدنان أوضته و نيمته علي السرير..
غصون:انت كويس اعملك حاجة؟!
عدنان:لا متعمليش حاجة انا بخير..خدي انتي دؤاكي..
غصون(برفعة حاجب):من امتي و أنت بتهتم بعلاجي؟!
عدنان:انا غلطان تصبحي علي خير..
عدنان غمض عيونه و نام و غصون قرب منه باست خده و خرجت بره الاوضه..
عدنان بدأ يفتح عينه و كلمات عمر بتتردد في ودانه..
_Back..
****************************
-في مكان تاني..
_عند زينة و يوسف.
زينة:مش فاهمة هنفضل كدة لحد امتي؟!
يوسف:اللي هو مش فاهم..
زينة:حالنا ده يا يوسف..
زينة:علطول مشغول او بره البيت و مش بتخليني اطلع خالص و لا حتي اروح بيت اهلي..
يوسف:غصب عني قولتلك و كمان قولتلك هفضي يوم و هروح معاكي..
زينة:بس غصون جت لازم اروح اسلم عليها علي الاقل..
يوسف:زينة انا مش فايق..
زينة:انت رايح فين؟!
يوسف:في داهية تاخدني تحبي تيجي؟!
زينة:انت في حاجة مخبيها عليا انت اتغيرت كدة ليه؟!!!!ليه خدعتني فيك؟!
زينة:ليه اتغيرت أوي كدة يا يوسف؟!
يوسف:ليه!!!!! علشان اعيشك في مستوي علي الاقل زي المستوي اللي انتي كنتي عايشة فيه..
يوسف:بشتغل ليل نهار مش بنام الا مجرد ساعتين علشان اجيب فلوس و ارتقي بيكي انتي و امي..
يوسف:باجي علي نفسي علشانك..
يوسف:ببعد عنك غصب عني..بقسي غصب عني ما هو من قسوة الشغل و الشقى..
زينة:و انا مش عايزة فلوس يا يوسف هتعملي ايه الفلوس و احنا مش بينا سعادة..
زينة:يوسف انا لما حبيتك حبيتك زي ما أنت الواد اللي بيشتغل في فرن العيش..
زينة:حبيتك كلك علي بعضك يا يوسف مكنتش محتاجة غير حضنك مش الفلوس اللي هتبعدك عني دي..
يوسف قرب من زينة و مسح الدموع اللي نزلت علي خدها و باس خدها و زينة حضناه جامد..
يوسف:ربنا يخليكي ليا..
زينة:و يخليك ليا..
يوسف:ايه رأيك نروح بكرة لبيت أهلك..
زينة(بفرحة):ماشي..
يوسف(بابتسامة):ماشي هسيبك انا هروح الشغل..
يوسف باس رأس زينة ببطء و سابها و خرج بره البيت..
************************
-في مكان تاني...
_عند غيث..
غيث كان قاعد في بيته لقي الباب بيخبط قام فتح الباب لقي زياد واقف قدامه..
زياد:استنيتك تيجي كتير بس مجتش..
غيث:مكنتش لسة ظبطت أموري..
زياد:طب ممكن أدخل؟!
غيث:اتفضل..
غيث ساب زياد و دخل الشقة و زياد دخل وراه..
زياد:عارف أنك مش عايز تبص في وشي..
غيث:ا..
زياد:عارف إني وحش بس مش ذنبي..
زياد:مش ذنبي انا ولدت لقيتني كدة..
غيث:انت بتبرر لإيه يا زياد الإنسان لو عايز يبقي كويس هيبقي انت استسهلت بس و مدورتش عن الصح..
زياد:آسف إني ضريتك يا صاحبي..
زياد ساب غيث و كان هيمشي بس غيث نادي عليه..
غيث:توعدني مش هتعمل كدة تاني؟!
زياد:وعد..
غيث:هنذاكر و هننجح؟!
زياد:أكيد..
غيث ابتسم لزياد و قرب منه حط ايده علي كتفه و زياد فرح من تصرف غيث و حضنه..
غيث:بس يا ابني مش كدة..
زياد:من الفرحة الله..
غيث بص لزياد و ضحك و كذلك زياد..
*****************************
-*عدي يومين*..
عدنان:يلا يا غصون..
غصون:طيب طيب جيت أهو..
غصون:خد الجاكت أهو..
عدنان:متخرجيش بره للبيت..
غصون(بضيق):كنت هروح لزينة..
عدنان:زينة كل يوم عندنا يا غصون مجتش من يوم..
غصون(بضيق):أيوه يعني أنت مش عايزني أخرج ليه بقي؟
عدنان:علشان محبش مراتي تخرج كتير و انا مش معاها..
غصون:عدنان..
عدنان:نعم..
غصون:انت مش قادر تشوفني غير إني مراتك و أم ابنك صح؟!
عدنان لا رد..
غصون:ساكت ليه؟!
عدنان(بهدوء):علشان مهما أقول مش هتقتنعي يا غصون..
غصون:قول..
عدنان(بتنهيدة):مش هنكر و أقول إني مش بحبك لا بحبك يا غصون بحكم المواقف اللي بينا بحكم شخصيتك و جمالك و أصلك..
عدنان:بس حب العشاق لسة بدري عليه بالعِشرة با غصون.
عدنان(بضحك):مقولتيش بقي مين اللي سماكي غصون و ليه؟!
غصون:بابا سماني غصون و ليه بقي ابقي أساله..
غصون سابت عدنان و خرجت بره الأوضة قعدت في الصالة و حاوطت بطنها بايديها..
عدنان اتنهد و خرج وراها و سند علي الباب..
عدنان:عايزاني أموت يعني علشان أروح أساله..
غصون(بخفوت):بعد الشر..
عدنان(بغمزة):هروح مع عمر المشوار ده و هرجع أصالحك..
غصون(بضيق):وفر وقتك لحاجة تانية..
غصون(بضيق):مثلا استغله في أنك ترجع الماية لمجاريها مع داليا...
عدنان(بحدة):ابه جاب سيرتها دلوقتي؟!.
غصون(بلامبالاة):ما هي محشورة في كل حاجة في حياتنا اشمعنا اضايقت دلوقتي!؟
عدنان:عمرك ما هتكبري يا غصون؟!
غصون(بسخرية):لما تبطل تحبها هبقي اكبر يا سي عدنان...
عدنان ساب غصون و خرج بره البيت و نزل لتحت كان قاسم و سوسن و عمر و شهاب جاهزين..
شهاب:جاهز؟!
عدنان:اه يا حاج يلا بينا..
كلهم خرجوا ركبوا العربية و راحوا ناحية بيت داليدا.
سوسن(بضيق):معرفش جبتوني معاكوا ليه؟!
شهاب:هو مش ده أخوكي و بنت أخوكي يا سوسن..
سوسن(بضيق):أيوه..
عمر:يلا يا حاج ندخل..
قاسم:مستعجل أنت صح؟!
عمر اتحرج من قاسم و قاسم ضحك عليه..
قاسم:انا عن نفسي مستعجل اتجوز النهاردة قبل بكرة..
شهاب:متقلقش يا قاسم هجوزك قريب..
قاسم:با ريت علشان قربت اخلل جمبك..
عدنان:ليه هو انت بنت و لا ايه؟!
عمر:مش يلا و لا ايه..
كلهم دخلوا و قابلوا إيهاب خال عمر و قعدوا يتكلموا في مواضيع متنوعة و سوسن قاعدة مش طايقة حد فيهم، بعد فترة...
شهاب:الصراحة كدة يا حاج إيهاب احنا جايين نتكلموا في موضوع مهم..
إيهاب:جول انا سامعك يا حاج..
شهاب:جايين نطلبوا ايد بنتك داليدا..
إيهاب:لمين من ولادك يا حاج؟!
شهاب:لعمر ابني..
إيهاب:أنتوا فأجتوني..
شهاب:معلش بقي ابننا مستعجل..
إيهاب:طبعا مش هلاجي أنسب من ولد خيتي اجوزه لبتي..
إيهاب:الخميس موافق نكتبوا الكتاب..
عمر(بتسرع):طب و ليه نروح و نرجع ما نكتب الكتاب دلوقتي؟!
كلهم بصوا لعمر باستغراب و داليدا اللي كانت واقفة علي أول السلم مصدومة و محرجة..
عدنان:و إيه رأيك دخلة بالمرة هو في حاجة بتيجي بالساهل كدة..
عمر(بأحراج):اللي تشوفه يا حاج..
شهاب:كتب الكتاب و الدخلة الخميس الجاي..
إيهاب:اكدي من غير فرح..
شهاب:الفرح في القلب يا حاج..
إيهاب:بس هي بتي الوحيدة...
شهاب:تترد في ولادهم..
عدنان:طب ما نسأل العروسة؟!
قاسم:فكرة كويسة..
إيهاب:بت يا داليدا داليدا..
داليدا(بتوتر):نعم يا أبوي..
إيهاب:عمر ولد عمتك طلب يدك و انا وافجت...موافجة تدخلي من غير فرح..
داليدا(بتوتر):اللي تشوفه يا أبوي..
داليدا سابتهم و طلعت جري علي فوق و عدنان و قاسم ضحكوا عليها مع بعض..
إيهاب:يبجي الخميس كتب الكتاب و الدخلة يا ابن الغالي..
شهاب:مبروك..
كلهم قعدوا يهنئوا بعض و بعد فترة رجعوا تاني الحارة..
كانت غصون و داليا و يارا ماشين و غصون كانت بتتكلم مع داليا فجأة لقوا شهد جاية عليهم و حالتها غريبة و ماسكة في ايديها سكينة..
شهد(بصوت عالي):غصون..
شهد جريت ناحية غصون و داليا و لسة هتضرب غصون الضربة جت في داليا و غصون خدت يارا في حضنها اللي مسكت فيها بخوف.
عدنان كان جاي و وقف فجأة مصدوم من المنظر اللي قدامه...
***************************
يتبع:::::::