حارة العشق «قيد التعديل»

الفصل الحادي عشر..

نكمل روايتنا(حارة العشق)بقلم سلسبيل كوبك..
الفصل ال11..
آخر حاجة وقفنا عندها في الفصل ال10..
شهد سابت غصون و مشيت..
غصون فتحت عينيها علي آخرهم و هي حاسة بوجع شديد في جمبها حطت ايديها علي جمبها لقت في دم...
غصون بدأت الرؤية تقل تدريجيا و تغمض عينيها و تقفلهم لغاية ما الرؤية انعدمت..
غصون مالت علي عدنان اللي كان لسة بيبصلها و اتصدم من منظر الدم..
عدنان لحق غصون قبل ما تقع علي الارض..
عدنان(بصوت عالي)غصون!!!!
زينب(بشهقة):يالهوي..
حنان(بصدمة):ده إيه الحظ ده؟!
زينة(بخوف):هنعمل إيه يا ماما؟!
غيث أول ما سمع صوت عدنان لف ليهم لقي غصون مرمية في الارض في حضن عدنان و ايديها فيها دم,غيث جري بسرعة كبيرة لغاية ما وصل لـ غصون..
غيث(بخوف):غصون غصون فتحي عينك ردي عليا يا غصون..علشان خاطري..
عدنان(بعصبية):قاسم فضي المكان بسرعة..
قاسم(بقلق):حاضر حاضر..
شهاب(بحدة):تعالوا يا رجالة عايزكم تشوفوا مين اللي عمل كدة..
كان في مجموعة رجالة قدام شهاب و هزوا رأسهم بمعني اه و سابوه و مشيوا بدأوا يحققوا في الموضوع بطريقتهم هما..
عدنان:وسع يا غيث..
عدنان شال غصون بين ايديه و مشي بين الناس و ساب الفرح و راح ناحية عربيته حط غصون في العربية و ركب و بدأ يسوق و كان معاه غيث و منار..
منار:يالهوي يالهوي..
منار:ايده تنشك فيها رصاصة اللي حاول يعمل كدة..
عدنان مسك تليفونه و اتصل بالدكتور..
عدنان:عادل عايزك تيجي علي بيتي في أسرع وقت..
عادل:حاضر هقفل العيادة و اجي..
عدنان(بحدة):عايزك هناك قبل ما أوصل..
عادل(بتوتر):حاضر..
غيث كان حاضن وش غصون و بيعيط..
بعد فترة كان عدنان واقف قدام بيته نزل بسرعة و فتح الباب اللي ورا منار نزل..
عدنان شال غصون بسرعة بين ايديه و دخل للبيت..
كانت ستات العائلة جت ورا عدنان علطول..
سوسن(بسخرية):حظه نحس من يوم ما أتولد..
حنان(بعصبية):سوسن انا دلوقتي ممكن اقلب و ابقي قتالة قتلة ابعدي عن وشي احسنلك..
عهد:احنا في ايه و انتي في ايه!!
عدنان طلع لـ شقته و الكل وراه و كان داخل أوضته..
زينب:لا فال وحش يا عدنان متدخلهاش الاوضة و هي بالدم ده..
عدنان(بعصبية):ده وقته!
حنان:أسمع كلامها يا عدنان تعالي في الاوضة التانية...
عدنان دخل أوضة غير أوضته و حط غصون عليها..
منار:أخرج انت يا اسطا عدنان خد غيث و اخرجوا..و انا الستات هنغير ليها هدومها عقبال ما يجي الدكتور..
عدنان:طيب..
عدنان:تعالي يا غيث..
غيث(بدموع):هتسبني و تمشي؟!..
عدنان:اهدي بس هي بخير متخافش..هتفوق صدقني..
عدنان خد غيث و قعدوا في الصالة..
حنان خرجت من أوضة غصون و دخلت اوضة عدنان جابت ليها هدوم و دخلت ليها تاني...
حنان:خدي يا زينب..
زينب:طيب..
حنان قربت من سوسن و مسكتها من دراعها..
حنان(بحدة,همس):قسما بالله يا سوسن لو ابنك السبب هطربق الدنيا عليكي و عليه..
حنان(بحدة):يلا امشي..
حنان(بحدة):انزلي علي تحت يلا..
سوسن(بسخرية):علي اساس يعني هموت و اقعد..
سوسن:وسعي كدة..
سوسن زقت حنان و خرجت بره شقة بضيق,كان عادل وصل مع قاسم و شهاب و طلع لشقة عدنان..
عادل:ازيك يا اسطا عدنان..
عدنان:اصبر عندك..
عدنان دخل لاوضة غصون لقاها لابسة عباية بيتي طويلة بكم و شاور للكل يغطي رأسهم..
عدنان:اللي ملهوش لزوم هنا يخرج مش عدد علي الفاضي..
عدنان:ادخل يا دكتور..
عادل دخل بشنطته الطبية و قعد جمب غصون..
عادل:فين الجرح؟!
عدنان:كان هنا..
عادل طلع مقص من شنطته و قطع عباية غصون من مكان ما عدنان شاور لقي في جرح عميق في جمبها..
عادل:ممكن تحتاج نقل دم..
عدنان:نروح للوحدة؟!
عادل:هشوف..
عادل بدأ يطهر الجرح تحت أنظار عدنان و زينب و حنان,اما الباقي كان بره الاوضة..
عادل بدأ يخيط جرح غصون اللي بان علي وشها ملامح الالم,عدنان قرب منها و مسك ايديها و ضغط عليها شوية...
عادل:هتحتاج ڤيتامينات الفترة الجاية مناعتها شكلها ضعيفة..
عادل:و لازم يتغير علي الجرح يوميا علشان ميتلوثش..
عادل كتب كذا دواء بمواعيده و ودي الروشتة لـ عدنان اللي خدها منه و خد عادل و خرج لـ بره..
عدنان:قاسم حاسب الدكتور و خد جيب العلاج ده..
قاسم:طيب...تعالي يا عادل..
قاسم و عادل مشيوا,غيث قرب من عدنان...
غيث:هي كويسة؟!
عدنان:اه متخافش..
شهاب:لما تفضي يا عدنان نبقي نتكلم..
عدنان:حاضر يا حاج..
حنان:مين هيقعد معاها؟!
غيث(بلهفة):انا..
عدنان:لا خليك أنت يا غيث انا هقعد معاها انت متتعبش نفسك و هي هتفوق بكرة إن شاء الله..
غيث:مش هعرف انام و هي بالشكل ده..
عدنان:هتصرف انا..
عدنان:يلا يا جماعة انزلوا انتوا تحت..
زينب:طب في اكل جوا لو جوعت انت او هي..
عدنان:طيب..
حنان طبطبت علي كتف عدنان و سابته و نزلت,البنات بدأت تنسحب و تنزل..
عدنان(بابتسامة بسيطة):متخافش كدة هي بخير..هدخل اجبلك حاجة تلبسها..
عدنان دخل اوضته و جاب ترنج صغير عليه و وداه لـ غيث...
عدنان:يا رب يجي مقاسك..
غيث:شكرا..
عدنان:ادخل غير انت..
غيث دخل الحمام و غير لبيجامة عدنان اللي كانت واسعة شوية عليه,غيث خرج لقي عدنان قاعد علي الكرسي و حاطط رأسه بين ايديه...
غيث:انت كويس؟!
عدنان:اه الحمدلله..هقوم أغير هدومي..
عدنان دخل أوضته غير هدومه و خرج لـ غيث..
عدنان:تأكل؟!
غيث:مليش نفس..
عدنان قعد جمب غيث و اتنهد...
عدنان:انا آسف إني مقدرتش أحميها..
غيث:و أنت كان بأيدك ايه يعني تعمله؟!
غيث:انا مش زعلان منك انا زعلان علي غصون..
عدنان:انا واثق انها هتفوق و هتبقي بخير متخافش..
غيث:يا رب..
عدنان:تعالي بقي نأكل..
عدنان و غيث دخلوا للمطبخ و قعدوا و بدأوا يأكلوا...
عدنان:خش نام أنت في الاوضة اللي هناك دي..
غيث:تمام شكرا..
غيث دخل اوضة جمب أوضة غصون و قعد فيها كان قلقان علي غصون  و فضل يقاوم النوم لغاية ما غصب عنه نام..
عدنان دخل أوضته و فتح الدولاب طلع تي شيرت صوف من هدوم غصون و راح لاوضتها..
عدنان قرب من غصون ببطء و بدأ يلبسها التي شيرت الصوف لغاية الصبح علشان يغطي مكان الجرح..
عدنان شال شعر غصون من علي وشها و قام بسرعة من جمبها و دخل أوضته..
عدنان نام علي السرير بهدوء و بدأ يدخل في نوم عميق...
*************************
-في مكان تاني...
_تحت في بيت العربي..
شهاب(بحدة):فين ابنك يا سوسن؟!
سوسن(بتوتر):معرفش يا حاج و الله..بقاله أكتر من أسبوع غايب...
شهاب(بحدة):طب خليكي عارفة أنه لو غاب يوم كمان ساعتها هتهمه هو باللي حصل ده..
سوسن(بعصبية):هو أنتوا مش لاقين حد تلبسوها ليه فخليتوا عمر هو المذنب؟!
حنان(بعصبية):علشان هو الوحيد اللي اعترض علي جوازة عدنان و تقريبا كدة كان حاطط عينه علي غصون..
قاسم:يا جماعة اهدوا نفكر بس بهدوء..
عهد:بس انا شاكة في حد يا بابا..
شهاب قعد علي الكنبة اللي وراه و سند علي عصايته و بص لـ عهد بهدوء...
شهاب:مين يا عهد؟!..
عهد:شهد يا بابا..هي اخر واحدة كانت علي الكوشة مع غصون...
زينب:و هي هتعمل كدة ليه؟!
حنان(بتفكير):شهد!!
زينة:أنت ناوي علي إيه يا بابا؟!
شهاب:الصباح رباح يلا كله علي أوضته...
كل واحد بدأ يمشي من قدام شهاب,شهاب شاور لـ قاسم أنه يفضل..
قاسم:نعم يا بابا..
شهاب:حاول توصل لاخوك عمر يا قاسم و قوله يرجع و يبطل شغل عيال احسن ما انا اللي هتصرف...
قاسم:حاضر يا بابا...
شهاب تليفونه رن...الخط اتفتح..
شهاب:عملتوا ايه؟!.
شخص:كله تمام يا حاج و احنا دلوقتي بنرجع الشارع زي الاول تاني..
شهاب:طيب...تعالي الصبح خد نصيبك انت و الرجالة يا حسن..
حسن:تمام يا حاج..
شهاب دخل أوضته,قاسم مسك تليفونه و اتصل ب عمر كذا مرة بس تليفونه مغلق..
قاسم(بضيق):عمرك ما تتغير يا عمر...
قاسم دخل أوضته و قعد علي السرير بتعب بسبب جرحه قام غير هدومه و بعدها رجع ينام علي السرير..
*************************
-في الصباح الباكر...
_عند رامي و نور..
رامي:نور..
نور:نعم..
رامي:همشي انا عايزة حاجة؟!
نور:لا تسلم يا حبيبي..
رامي باس رأس نور و سابها و نزل بره الشقة,في نفس الوقت كان مراد صحي..
نور:صباح الخير..
مراد:صباح النور...رامي راح الشغل؟!.
نور:ايوه..
نور:تحب أحضرلك الفطار؟!
مراد:يا ريت..
نور:تمام يا حبيبي...
مراد:ماشي..
مراد ساب نور اللي دخلت المطبخ تجهز الفطار ليه و دخل أوضة مكتب رامي...
مراد بدأ يدور في مكتب رامي عن الورق اللي هو عايزه و حاول يفتح الخزنة معرفش..
مراد(بعصبية):و بعدين بقي!
نور(باستغراب):بتعمل ايه هنا يا مراد؟!
مراد:مبعملش يا حبيبتي عادي قولت اما ادخل اشوف اوضة مكتب رامي لانه بيمنعنا ندخلها..
نور:طب يلا الفطار جاهز..
مراد:شكلك اتأقلمتي مع الجبس ده..
نور:يا رخم بطل تتريق...
مراد قعد مع نور و بدأوا هما الاتنين يفطروا..
نور:تفتكر عدي هيعرف طريق غصون؟!
مراد:معتقدش رامي هيسمحله..
نور:يا رب..
نور(لنفسها):ادخل أكلمها و لا اعمل ايه و لا زمانها نايمة؟!
مراد:بتفكري في ايه؟!
نور:مفيش مفيش..
نور(لنفسها):لو رامي عرف مش بعيد يقتلني و يقتلك يا غصون..
مراد:متأكدة انك مش بتفكري؟!
نور:متشغلش بالك انت موضوع تافه..
بعد فترة كانت نور واقفة في البلكونة لمحت رامي و هو بيركن العربية و علي ملامحه الغضب..
نور(بخوف):يالهوي ماله؟!
نور لفت بخوف و لقت رامي بيفتح باب الشقة و بيقفل الباب وراه بغضب شديد..
رامي(بصوت عالي):نور..
نور(بخوف):نعم!!
رامي:تعالي هنا..
نور مشيت بخطوات بطيئة ناحية رامي و قربت منه..
نور(بخفوت):نعم!
رامي(بحدة):هسألك سؤال واحد تجاوبي عليه بكل صراحة..
نور(بخوف):حاضر..
رامي(بحدة):أنتي تعرفي ان غصون اتجوزت مش كدة؟!
نور(بارتباك):غصون!!! مين قالك؟!اقصد عرفت منين؟!أقصد يعني ازاي وصلك الخبر؟!يعني انا لا معرفش لا لا ده فعلا بجد..
رامي(بحدة):قولتلك مية مرة متكدبيش عليا..
نور(بخوف):أيوه عارفة..بس و الله لسة عارفة من فترة قريبة..
رامي(بعصبية):يعني هي غصون راحة هناك تتجوز؟!
رامي(بعصبية):ايه الجنان ده؟!
نور(بخوف):اهدي يا رامي و كمان فيها ايه يعني ما احنا كنا بنتحايل عليها تتجوز و هو باين علي اخلاقه حلوة غيث بيشكر فيه..
رامي(بعصبية):كلكم عارفين الا انا يعني؟!
نور(بخوف):اهدي بس..
نور:انت عرفت منين؟!
رامي(بعصبية):ملكيش دعوة..
رامي:و الزفت مراد كان عارف؟!
نور:لا..
رامي:هو فين؟!
نور:في أوضته بيشتغل و ممكن يكون حاطط السماعات...
رامي(بحدة):انتي عارفة يا نور انا نفسي اعمل فيكي ايه لاني علي آخري منك...
نور(بخوف):ا..
رامي بص ل نور و شدها لحضنه و نور بدأت تعيط في حضنه و مسكت فيه جامد..
رامي:خلاص متعيطيش آسف اني زعقتلك بس انتي خبيتي عليا يا نور و ده غلط..
نور(بعياط):مرضتش ازعل غصون..
مراد كان خارج من اوضته لقي نور بتعيط في حضن رامي..
مراد(باستغراب):في ايه؟!
رامي:مفيش حاجة..
مراد:متأكد!
رامي:أختك العيوطة نعمل ايه بقي؟!
مراد ضحك و دخل المطبخ شرب ماية و رجع لاوضته تاني...
رامي مسح دموع نور و باس رأسها...
نور:عرفت منين؟!
رامي:عم سليمان السواق قالي..
نور:توعدني مش هتزعل غصون؟!
رامي:اوعدك بس لازم افهم منها ليه قبلت تتجوز و كمان ازاي يعني..
نور:انا سألتها..
رامي:و قالتلك ايه؟!
نور:متعرفش..
رامي:ده اللي هو ازاي؟!.
نور:و الله ما اعرف ابقي اسألها..
رامي:طيب هتصرف انا يا نور ماشي..
نور:يعني انت راجع من الشغل علشان تقول الكلمتين دول..
رامي:الصراحة لا جيت علشان اشوفك..
نور خبت وشها في رامي اللي ضحك علي تصرفها و باس رأسها..
رامي:مهما كبرتي هتفضلي الطفلة اللي حببتني فيها..
نور:بحبك..
رامي ابتسم ل نور و دخل قعد علي الكنبة..
رامي:طب ايه مش هنأكل بقي؟!
نور:هواء..
رامي:بسرعة بقي..
نور:حاضر..
نور ضحكت علي رامي و دخلت المطبخ بسرعة تحضر اكل ليه,رامي بدأ يقلع الجذمة و الجاكت بتاعه..
****************************
-في مكان تاني...
_عند غصون..
غصون بدأت تفوق من نومها العميق و فتحت عينيها ببطء,غصون بدأت تبص علي كل حاجة حواليها ببطء و استغربت من المكان اللي هي فيه و قامت مفزوعة من مكانها و صرخت بسبب جرحها..
غصون(بصريخ):مين هنا؟!الحقوني..
فجأة لقت الباب بيتفتح و حد بيشغل النور و عدنان جري عليها بقلق و حاوط وشها بين ايديه..
عدنان:انتي كويسة؟!
غصون حضنت عدنان جامد و بدأت تعيط و عدنان بدأ يملس علي شعرها..
عدنان:طب في حاجة حصلت؟!
عدنان:انتي كويسة؟!
عدنان:طب حاسة بوجع؟!الجرح واجعك؟!
غصون هزت رأسها ببطء بمعني اه,عدنان رفع وش غصون ليه و مسح دموعها..
عدنان:مالك كنتي بتصرخي ليه؟!
غصون(بدموع):اول ما صحيت استغربت المكان و افتكرت اني اتخطفت..
عدنان:خلاص اهدي..
عدنان نزل لمستوي غصون اللي غمضت عينيها و باسها علي خدها...
غيث(بفرحة):غصون...
غيث جري بسرعة علي غصون و غصون حضنته...
غصون(بوجع):آه..براحة..
غيث(بقلق):انا آسف..
غصون(بابتسامة):و لا يهمك..
غصون باست رأس غيث و غيث حضنها جامد و كان مبسوط و حاسس بأمان..
غيث:كنت خايف عليكي..
غصون:انا بخير..
عدنان:ادخل اغسل وشك يا غيث انت..
عدنان:تعالي ورايا..
غيث دخل للحمام,عدنان مشي ناحية اوضته..
غصون مشيت خطوة حست بوجع شديد في جرحها قعدت علي السرير تاني..
عدنان:في ايه؟!
غصون(بوجع):مش قادرة اتحرك...
عدنان سند غصون و بدأ يمشي بيها لغاية أوضته و وقفها قدام الدولاب..
عدنان:غيري هدومك لغاية ما اشوف الفطار..
عدنان شاب غصون و خرج ل بره طلع تليفونه و اتصل ب زينب..
الخط اتفتح...
زينب:صباح الخير..
عدنان:صباح النور يا امي..ا..
زينب:الفطار خمس دقايق و يكون عندك..
عدنان:طيب يا حبيبتي شكرا..
زينب:غصون عاملة ايه دلوقتي؟!
عدنان:احسن الحمدلله..
زينب:طيب يا حبيبي..
عدنان:شكرا لسؤالك يا أمي.
زينب:سلملي عليها هطلع آخر النهار اطمن عليها..
عدنان:ماشي..
غيث:فين غصون؟!
عدنان:بتغير هدومها..
غيث:طيب..
غيث قعد علي الركنة اللي موجودة و جمبه عدنان..
كانوا منتظرين ان غصون تخرج بس هي مخرجتش,عدنان قام وقف و راح ناحية أوضته خبط و دخل علطول..
غصون كانت بتلبس التي شيرت بتاعها لسة شهقت أول ما عدنان دخل..
عدنان وقف مكانه ثابت و هو باصص علي غصون اللي ودته ضهرها بسرعة..
عدنان(بخفوت):تحبي أساعدك؟!
غصون(باحراج):لا شكرا دقيقة و خارجة..
عدنان:طيب..
عدنان خرج بهدوء من الاوضة و غصون كانت غيرت هدومها..
"غصون لبست بنطلون بيتي باللون الرمادي و فوقه تي شيرت بكم باللون الابيض لغاية الخصر و رفعت شعرها علي شكل كحكة"..
غصون خرجت ببطء من الاوضة و هي حاسة بوجع في جرحها و قعدت جمب غيث...
الباب خبط عدنان قام و فتح الباب لقي عهد هي اللي طالعة بصينية الاكل...
عهد:الاكل يا عدنان..
عدنان:طيب يا عهد..روحي يلا..
عهد:ماشي..
عدنان دخل حط الاكل في اوضة السفرة و نادي غيث و غصون اللي دخلوا أوضة السفرة
غصون كانت مستغربة من الشقة،لانها كانت كبيرة و فيها أربع أوض بالاضافة لاوضة سفرة و أوضة الصالون و الصالة و مطبخ كبير و حمام كبير برضو..
التلاتة بدأوا يأكلوا بهدوء عدنان كان علي طبيعته و هو بيأكل..
عدنان:خدي الدواء بتاعك..
غصون:إن شاء الله..
عدنان:ايوه خدي عقبال ما اقوم أجيب ماية..
غصون:لا لا متتعبش نفسك انا مش عايزة..
غيث(بصحك):غصون مش بتحب الدواء..
عدنان:مش بمزاجها..
غصون(برفعة حاجب):افندم!!!و انا بقي مش هأخد دواء..
عدنان:قولتلك مش بمزاجك..
عدنان دخل جاب ماية من المطبخ و فتح بوق غصون اللي فتحت عينيها علي آخرهم و حط في بوقها الدواء و شربها ماية..
غصون بصتله بغيظ و قعدت تكح بعد ما بلعت..
غصون(بضيق):مكنش يصح علفكرة..
عدنان لا رد..
عدنان:شوف يا غيث لو عايز تقعد هنا معانا علشان تروح تجيب حاجتك من الشقة بتاعتكوا...
غيث:لا لا هو بس هطمن علي غصون و امشي..اكيد يعني مش هأجي اقعد و انتوا لسة عرسان..
غصون قعدت تكح و عدنان طبطب علي ضهرها و هي اتصدمت من جراءته..
غصون بعدت عنه و قامت وقفت بس حست بوجع في جرحها و شالت صينية الاكل بس عدنان شدها منها..
عدنان:اقعدي انتي و متتحركيش لغاية ما جرحك يطيب..
عدنان دخل الصينية المطبخ و دخل أوضته..
غيث:ما تروحي وراه..
غصون:من امتي و انت بتقف في صف حد غيري يا غيث؟!
غيث:انتي مش شيفاه بيساعدك و شايلك ازاي!
غصون:اخرس..
غيث:براحتك..
عدنان خرج من أوضته بعد ما غير هدومه لهدوم خروج..
غصون:انت هتخرج؟!
عدنان:أيوه هروح الشغل..
غصون(بضيق):افندم!!!تروح الشغل اول يوم جواز ليه بقي؟!
عدنان(بهدوء):ده شغلي و مقدرش اسيبه..
غصون:هتنزل كدة!
عدنان:ماله شكلي؟!
غصون:يعني القميص مش يعني أقصد يعني انه القميص و البنطلون مش متناسقين و كمان يعني..
عدنان:انا كدة من 30 سنة و مش هأجي دلوقتي و اتغير و انتي قبلتيني و انا كدة علي ما اعتقد..
عدنان:انا رايح الشغل لو في حاجة ضروري اتصلي بيا..
عدنان سابهم و خرج بره الشقة و غيث ضرب غصون في كتفها...
غصون(بوجع):آه في ايه؟!
غيث:ايه قلة الذوق بتاعتك دي؟!و كمان لو انتي عايزاه يغير الاستايل بتاعه مش بالطريقة بتاعتك دي..
غصون:امشي من وشي يا غيث ملقتش غير ده و تقف في صفه ضدي..
غيث:هتقوليله امتي؟!
غصون:اقوله ايه؟!
غيث:غصون...
غصون:انا تعبانة دلوقتي..
غيث:طيب..عموما انا همشي علشان ورايا درس عن اذنك..
غيث باس رأس غصون و سابها و خرج بره الشقة نزل ل تحت لقي المعظم موجود...
غيث:السلام عليكم..
الكل:عليكم السلام..
زينب:تعالي كُل يا غيث..
غيث:لا شكرا لحضرتك يا طنط فطرت مع عدنان و غصون عن اذنكم..
غيث مكنش عارف يخرج منين زينة قربت منه..
زينة:من هنا..
غيث:شكرا لحضرتك..
غيث مشي و ساب زينة و هي بصت باستغراب علي اسلوبه في الكلام..
***************************
-في مكان تاني..
_عند عدنان..
عدنان خرج من البيت و راح لبيت شهد و طلع لشقتها و قعد يخبط علي الباب..
أماني فتحت الباب..
أماني(بخوف):و الله يا اسطا عدنان هي ا..
عدنان(بحدة):ابعدي من وشي يا اماني...
عدنان زق اماني و دخل لـ جوا...
عدنان:شهد يا شهد..
اماني(بخوف):علشان خاطري متعملش ليها حاجة..
عدنان(بحدة):و مقولتيش ليه كدة ليها لما حاولت تقتل مراتي يوم فرحها..
شهد خرجت بره اوضتها و هي خايفة و بتعيط..
عدنان قرب من شهد و مسكها من دراعها بغضب..
شهد(بضعف و عياط):انا معملتش حاجة غير إني حبيتك..
عدنان ساب شهد اللي وقعت في الارض و اماني جريت عليها خدتها في حضنها..
عدنان:مش عايز أشوف وشك يا شهد قدامي و لا تقربي مني و لا من مراتي..
عدنان ساب شهد و خرج بره شقتها,شهد مسحت دموعها و قامت وقفت..
شهد:و لسة..
اماني(بعصبية):في ايه بقي انتي مش بتتعبي مش هترتاحي الا لما نطرد من الحارة حرام عليكي..
شهد:مش عايزة أسمع صوت..
شهد سابت اماني و دخلت اوضتها و اماني مكنتش عارفة تعمل ايه مع شهد..
**************************
-في مكان تاني..
_عند غيث..
غيث رجع شقته و غير هدومه و خد كتبه و نزل يروح الدرس كان الطريق اللي هو ماشي فيه مقطوع نوعا ما..
فجأة توكتوك ظهر قدام غيث و كذا شاب نزلوا منه خدوا غيث اللي حاول يقاومهم بس ضربوه علي رأسه..
**********************
يتبع:::::::::::::