سمر بس دموعها تنزل بدون لا تتكلم...
عبدالله بضيق: سمورتي اخر مره اسويها انا راح اتزوجك اول ما ارجع السعوديه بكلم اهلي عنك لا تفتكرين اني العب عليك ياسمر
سمر تعرف نوايا عبدالله انها صافيه بس ماتبي تتكلم ولما وصلت البيت نزلت بدون لا تتكلم وسكرت الباب بقوه..
سمر وهي تمشي بسرعه وتدخل الفندق بدون ولا كلمه وتحس،نفسها معصبه
عبدالله بسرعه نزل وراها ومسك معصمها بقوه: سمر لييه معصبه...
سمر بحمق: وتسالني ليش بعد
عبدالله يهديها: سمر شي صار وخلاص... لييه العصبيه ..انا مكنت اقصد .. انا احبك وفقدت صوابي وماتحملت اشوفك جمبي وما اقربك .. السموحه ياسمر انا اسف ماقصدت ازعلك
سمر بدموع: عبدالله انا مو زعلانه منك ..انا زعلانه م نفسي لاني انا ماتوقعت بيوم انسئ اخلاقي واسوي كذا
عبدالله بحب: سموره انا احبك وباذن الله راح اتزوجك فلييه انتي خايفه كذا
سمر بعيون مليئه بالدموع: ايش يضمن لي... اخاف تتراجع
عبدالله مسك خدودها: تطمني مراح ياخذك غيري
سمر سكتت ومشت وبعد لحظات وقفت: مابي اتلاقئ فيك ولا ابي اكلمك طول هالفتره لين لما تقرر تجي وتخطبني..
عبدالله بصدمه: ليييه ..انا ماقدر يمر يوم وما اكلمك
سمر بحرقه: اخاف اغلط مرره ثانيه كفايه تانيب الضمير الي احسه الحين
ومشت ع طول وتركته ف حيرته وهمومه لان يعتبر م اليوم بيبدأ بمرحلة شوقه لسمر وقرر بكرا يرجع للسعوديه لان قعدته بالكويت لاجل سمر وبدونها ماله حاجه يقعد فيها وهو ماراح يشوفها م بعد اليوم....ركب سيارته ورجع للفندق ... ضرب راسه بخفه وهو يشوف هدايا الي اشتراها لسمر نستها وما اخذتها بس قرر بكرا لما يسافر راح يعطيها هداياها قبل لا يروح
/
/
عند خالد وهيام بالمطعم كانوا يتعشون ومره يسولفون ولما خلصوا العشاء قامت هيام للحمام تعدل ميك ابها ورجعت لخالد لقته قاعد ينتظرها ومو مستعجل ..
هيام باستغراب: ماراح نمشي
خالد بخبث راح نمشي بس منتظر الجرسون يجيب ورقة الحساب
هيام: طيب انت عملت له جرس
خالد وهو يقرب منها ويمسك كتوفها: اييه
هيام ابتسمت بحب: فديتك انا
خالد وهو يقرب ويحضنها م ورا ويبوس رقبتها: وانا اعشقك ياقللبي
هيام تضحك: اقول وخر عني انت ماتصدق احد يتغزل فيك الا وقربت
خالد بحب وهو يتنهد ويهمس باذنها: اه لو تدرين شكثر احبك كان ماقلتي جذي... انا مو محتاج كلمه حلوه علشان اقرب ... انا اشتاق لك وانتي جمبي.
هيام احمرت خدودها وتقدمت ودها تبعد عنه بس هو بسرعه شدها له وثبتها عالحيط وبدا يرتشف رحيق شفاتها بدون شعور....
بس قطع عليهم صوت الباب وهو ينفتح وكان الجرسون يبي يعطيه الحساب
الجرسون باحراج: Sorry for interrupting
خالد وهو منحرج اكثر: No problem .. Where Account
الجرسون وضع ورقة الحساب وطلع ..
هيام ووجهها محمر نزلت راسها واخذت حقيبتها وهي تعاتب خالد: الله يهديك ياخالد ايش موقفي الحين والله اني مستحيه شيقول عني الرجال الحين
خالد يبتسم: ايش راح يقول يعني... هو مايعرفك ولا شي.
أنت تقرأ
بنات وشباب في الغربه
Mystery / Thrillerبنات يروحون لندن عشان الدراسه وبيلتقون بشباب هنالك نفس الشيء يدرسون ومع الروايه بتعرفوا الاحداث ملاحظه : ~الرواية منقولة~
