ابو عبدالله وهو مرتبك يقيس نبض ولده و ع طول انصدم وناظر لام عبدالله والدمعه بعيونه ...ام عبدالله ع طول فهمته وصرخت ورمت نفسها ع ولدها وهي تبكي وتتتحسر ع فراقه..
ابو عبدالله بصراخ: وش فيك تبكين الولد بعده حي لا تفاولين عليه
ام عبدالله بفرحه قامت وهي تبوس ولدها وقالت لاخوه سالم ياخذه المشفي وبسرعه انطلقوا للمشفئ وعبدالله شبه ميت مايتحرك الا قلبه الا بعده ينبض.. وصلوا للمشفئ وع طول اخذه للطوارئ وركبوا له مغذي لانه جسمه ضعيف م قلة الاكل والشرب..
قال لهم الدكتور لو يتاخرون شوي راح يدخل بغيبوبه وعاتبهم بعدم اهتمامهم بولدهم الي صار له ثلاث ايام ماياكل ...عيونه صارت هافته م التعب وصارت عنده هالات سوده تحت عيونه وجسمه ضعيف جدا كل هذا بسبب حبه لسمر وكان يعاقب نفسه علشان اهله يرضون
الاب شعر بالندم عرف انه فالاخير ماشي يستاهل انه يخسر ولده عشانه وقرر يزوجه سمر بعد مايصحئ
الام تبكي وتشكر ربها ان الله اطال بعمر ولدها والحمدلله انه مادخل بغيبوبه.. وكانوا يتناوبون ع زيارته وكل يوم احد ينام عنده...
/
/
سمر مسكينه تتصل وماحد يرد عليها عبدالله جواله بغرفته وماحد يرد عليه وهي قلبها كلما جات مره ينقبض عليها اكثر وتخاف عليه ومتاكده ان عبدالله فيه شي دامه مايرد عليها
/
/
الظهر عند دانه سوت رساله لسعود يجي لها عند اسطبل الخيول لانه بعيد شوي وتقدر تاخذ راحتها فالكلام..ظ ودها تكلمه سعود ع طول وافق توقع البنت اشتاقت له مايعرف وش ينتظره.. شوي وجاء سعود وقعد جمبها قرب وده يضمها بس هي بعدت عنه وجلست بالكررسي سعود ماعجبه تباعدها عنه واسلوبها الجاف بس مستحملها لانه يحبها...
سعود: هلا ببنت عمي وش تبين؟..
دانه بإرتباك: ابغئ اكلمك بموضوع وياليت تسمعني للاخير وابيك تتفهمني وماتتفاعل بسرعه
سعود حس بان موضوع كبير وبداخله متوتر: وش السالفه
دانه تحلفه: اوعدني تسمعني للاخير وماتقاطعني
سعود وعدها وهي بدت تتكلم...
دانه بسرعه دخلت بالموضوع: سعود ان.. انا لما كنت ببريطانيا كنت اح ... احب واحد وبعد فتره تزوجنا
سعود بقق عيونه: وووووش؟!....
كانت صدددددمه له .. ودانه خافت م ردة فعله: بليز خليني اكمل لا توترني
سعود وهو ينافخ: وش لا توترني .. تتزوجين م ورا اهلك وتبيني اسكت وانا ولد عمك تستغفلوني وانخدع فيك واتزوجك
دانه بارتباك: بس هو طلع يكذب علي وتزوجني عرفي او بالاصح زواج كاذب كان مدبر م اللاعيبه
سعود صدمه ثانيه ع راسه وعصب وقام ومسك يدها بقوه: انتي وش تقولين كل هذا سويتيه م ورا اهلك وش الي نتفاهم فيه انتي طال .... بس دانه بسرعه حطت يدها ع فمه تسكته: بليز لا تكملها... اسمعني للاخر..
سعود وم داخله شاعل نار ومعصب بس يمسك نفسه بقوه: كملي
دانه ببكاء: وانا حامل منه ومادري ايش اسوي وربي خايفه انا ماسويت غلط انا كنت افتكره تزوجني زواج صحيح.
ومسكت رجلينه تبوسهم : ارجوك ياولد عمي استر علي استر علي راح يكون جميل منك ماقدر انساه تزوجني شهرين وطلقني وراح اقول انه ماتفاهمنا..
سعود مصدوووم صدمه ثالثه ومو قادر يتكلم يمكن حتئ مو شايفها وهي تبوس رجلينه وتترجاه يمكن مقهور مو متوقع هالشي م دانه كانوا يشوفونها الاجمل والاعقل والاثقل ف بنات عمه.. نظر لها وبكل عصبيه دفشها عالارض بقوه يحس بقهر ووجهه احمر وصرخ عليها: هاذي اخر تربيت عمي فيك هاذي اخرة الثقه الي خلاك تدرسين برا هذا عقلك كله ينضحك عليك وانت مررره تصدقين وش تبيني استر... استر ع زواجك بالسر ولا ع حملك منه ولا ع سواد وجههك يابنت عمي--
دانه تالمت لما دفشها طاحت بقوه عالارض: سعود ارجوك افهمني وربي انا ماحكيت لك الا لاني واثقه فيك انك راح تساعدني ارجوك انا ماراح امنعك م اي شي ابيك تحسبني كنبه او اي شي بغرفتك .. لا اشوف ولا اسمع وماراح احرمك لا بغيت تتزوج بس تستر علي شهرين وتطلقني وربي اخاف اهلي يذبحوني ...تبيهم يذبحوني ياسعود ارجوك ياسعود وانا ادري اني كرامتي اندست بس راح يكون معروف ما انساه امرني بالي تريده وانا راح اكون جاهزه لاي شي بس استر علي ..
سعود عوره قلبه لانها انذلت اكثر م اللازم بس اقهره اسلوبها وطيبتها الزايده الي خلاها ينضحك عليها بهالسهوله...تكلم وعيونه محمره م العصبيه: م هذا الي سوا فيك كيذا
دانه بخوف: ماراح تعرفه
سعود: ليش هو م اي ديره
دانه بدموع: سعودي
سعود بشويش مو حاب يخوفها اكثر: قولي اسمه يمكن اعرفه.
دانه وتلتقط انفاسها بسرعه م البكاء: يزي ... د احمد ولد عبد... المحسن ال......
سعود دارت فيه الدنيا: يززززززززيد
دانه بخوف: تعرفه!!
سعود: اييه لييه ما اعرفه وانا كنت ادرس معاه ايام الثانويييه..
وع طول ضرب ايده بالكرسي الي كان جالس عليه بقوه لين طلع الدم م ايده وصار يرجف م الصدمه
سعود بتهديد: لا تقولين لاحد بالسالفه انا راح استر عليك وهالنذل يزيد دواه عندي انا راح اربيه وراح اجبره بعد ما اطلقك يتزوجك ويتربئ ولدكم بينكم بس ماراح تكون السالفه بهالسهوله لازم يتعاقب...
وراح مشئ عنها وتركها تبكي وبنفس الوقت قدرت شجاعة سعود ووقفته معها
أنت تقرأ
بنات وشباب في الغربه
Mystery / Thrillerبنات يروحون لندن عشان الدراسه وبيلتقون بشباب هنالك نفس الشيء يدرسون ومع الروايه بتعرفوا الاحداث ملاحظه : ~الرواية منقولة~
