عند دانه كانت تنظف البيت الي تعيش فيه مع العجوز وكان بيت قديم ومتشقق شوي بس يمشي به الحال والحمدلله انها ضيفتها عندها م وحوش الشوارع الي متفرغين يمشون ورا البنات ويخربون سمعتهم ...كانت قايمه م الصبح وسوت للعجوز قهوة واخذت منها فلوس وجابت لها فطور لانها هي ماعندها ولا شي جوالها وفلوسها كلهم مامعها ولا شي... افطرت الحرمه وهي تشكر ربها لهالبنت الي جاتها م السما وهي م زمان محتاجه احد عندها وياخذ بايدها كانت تناظرها وقلبها مغمور م الفرح الي تحس فيه بهاللحظه...
العجوز: يبنتي تعالي افطري بالاول وبعدين تكملين باقي شغلك
دانه بمرح: لاه ياماما بالاول اخلص الشغل وبعدها اكل
العجوز م تسمع كلمة ماما تفرح وتحس ان الدنيا تضحك لها مرره ثانيه انحرمت م هالكلمه وعيالها لسئ عايشين ..
خلصت دانه شغل البيت وافطرت وهي تسولف معها وسالتها وش تبغئ الغدا اليوم
العجوز بحب وهي تناظرها: يبنتي سوي الي قدرتي عليه ..سكتت شوي وقالت : الحمدلله
دانه استغربت وهي تسمع نبرة صوتها تتغير: وش فيك يمه
العجوز بحزن: انحرمت م البنات بس جيتي انتي وعوضتيني
دانه بحب لمتها: فديتك ياماما لا تفكرين بشي يضيق خاطرك
العجوز: جبت ولدين وتزوجوا وم تاثير الحريم عليهم تركوني.. لو كان عندي بنات ماتركوني.... يبنتي الي عنده بنات مايشوف م الهم والغم شي البنت تاخذ بايد اهلها وتصبر عليهم وتتحمل وتاخذ مسؤوليتهم لما يكبرون..اما الرجال لا جاء بحرمتن شينه تخرب كل عقله وتنسيه الي وراه والي قدامه
دانه وهي تغير الموضوع: خلاص ياماما انا بنتك وحبيبتك وخلاص انسي الموضوع لا ترجعين للماضي ..الماضي يوجع وكلن ماضيه يوجعه بس لازم نتناساه ولا مراح نعيش
العجوز تبتسم: ربي لا يحرمني منك يبنتي
دانه بحب: ولا منك ياماما
وراحت بعدها تبدا بطبخ الغدا ...
/
/
يزيد يزور عبدالله للبيت يتطمن ع حاله ومنها يسئله ويصر ع سمر تعطيه رقم دانه.. عبدالله كان متمدد عالفراش دخل عنده يزيد للغرفه وتحمدله بالسلامه وهو يضحك: اثر الحب مسوي فيك كذا ..انا مادري هالسمر وش مسويه لك لين تركتك مجنونها
عبدالله ويسلم عليه: الناس بالاول تقول كيفك الحمدلله ع سلامتك وبعدين تتريق علينا
يزيد بقهر: اجل بتتزوجها
عبدالله يقهره: اييه وبعدين انا اعرف اتصرف واقنعهم بارادتهم مو بعض الناس
يزيد رمقه بنظره جانبيه: وش تقصد
عبدالله: اقصد ان بعض الناس ملاعين سووا كل شي يتسمئ عيب وحرام وبالاخير ندموا ولما بغوا يصلحون الماضي كل شي راح م بين ايدينهم
يزيد بحمق: خلي عنك الالغاز وقل لحبيبتك ترسل ليي رقم دانه ابغئ اكلمها... انا صرت فاضي ومطلق وابغئ اتزوجها وهالمره انا صادق
عبدالله بملل: ياخي البنت ماتبغاك اخلص وابتعد عنها
يزيد: ياخي منت خسران شي اتصل بسمر وعطها كلمتين حلوين وخليها تعطينا الرقم
عبدالله: خير لمن افضئ اكلمها
يزيد بسرعه: مافيه لمن تفضئ الحين كلمها مابي اروح الا ورقمها عندي
عبدالله واتصل ع سمر وسوا مثل ماقاله يزيد كلمتين حلوين واخذ منها رقم دانه ويزيد ميت م الفرح واخذ الرقم ومقصده لما يطلع م عند عبدالله يتصل جلس عنده شوي سوالف وضحك وع حدود بعد ساعه طلع م عنده واتصل ع رقمها اكثر مره ومحد يرد خاف عليها واستغرب وقال بنفسه يمكن غيرت الرقم..
أنت تقرأ
بنات وشباب في الغربه
Mystery / Thrillerبنات يروحون لندن عشان الدراسه وبيلتقون بشباب هنالك نفس الشيء يدرسون ومع الروايه بتعرفوا الاحداث ملاحظه : ~الرواية منقولة~
