البارت التامن
فهد بص ل مي ومي حطت ايدها ع وشها
مي بخجل ومازالت ايدها ع وشها: محصلش ع فكره
هنا بغباء وشهقه:هيييئ بتكدبيني من أمتي بتكدبي
مي بتحذير:بس اسكتي
فهد:طيب يلا نمشي دلوقت وبعدين نكمل كلامنا
بعد ساعه
زينب:اي ي بنات انا مت من القلق انتوا فين
مي:انتي لابسه ليه
زينب:كنت نازله أشوفكم
هنا:معلش ي ماما بس التليفونات كانت مقفوله
زينب:طيب هتقعدي معانا النهارده ي هنا مش هينفع تروحي الساعه دي يلا ادخلوا جوا لغايه ما احضرلكم الاكل
مي:منك لله ي هنا
هنا:اي ده وانا مالي
مي بغضب:وانا مالي اي زمان فهد بيقول عليا دلوقت مش محترمه بجد حرام عليكي وانتي عارفه اني مش بحب حد يبقي ظنه وحش فيا هنشوف بكره ف الجامعه بقا
هنا: طب لو قالك تيجي معايا ف العربيه نروح الشركه هتوافقي؟
مي:مش عارفه
اليوم التالي
شريف:فهد متتاخرش ع الشركه انت ومي النهارده
فهد: حاضر
ف مقهى قريب من الجامعه
ادهم:اي يابني سرحان ف اي
فهد:مش عارف اعمل اي مع يارا وو
ادهم:فيه اي
فهد:مش عارف هو مي انا معجب بيها ولا عشان محترمه معجب بشخصيتها بس ولا اي وعقلي متلغبط ويارا اعمل معاها اي هسيبها متعلقه كده ولا بحبها ولا بتحبني ومخطوبالي عشان الفلوس اصلا اكيد اووف
ادهم:اهدي بس هقولك انا دايما لما كنت بقولك امتي هتحب بتقولي لما تقابل البنت المحترمه اللي تصونك ف انت حبيت احترام مي وكده معجب بيها
فهد:ماهوا انا مش عارف بقا عشان مظلمهاش لو روحت اتقدملها
ادهم ف نفسه:انا عارف هتعرف امتي استني بس
ادهم:انا هقولك الاول انت حاول تجرب تحب يارا يعني انت عشان خطيبها من حقك تقعد معاها ويكون حد معاكم صح حاول تتكلم معاها النهارده اتقابلوا وخلوا معاكم اخوها اللي ف سنك واتكلم معاها شويه وشوف مش من اول مره اكيد بس شوف هترتاح ولالا وبعدين نشووف
فهد:تمام يلا روح عشان منتأخرش
ف الجامعه
مي وهنا ف الكافيتريا وفهد وادهم بعيد الشباب شايفينهم بس مي وهنا لا
مي:اوف منك ي هنا اقوله اي لما اشوفه دلوقت
هنابشرود:أي
مي:مالك يابت
هنا بدموع:اعمل اي ي مي هيجيبلي وحده تانيه غير امي وكمان ليها ولد ازاي يتجوز حد بعد امي هي ماتت بسببه
مي بزعل ع صديقه عمرها: خلاص ي هنا واللهي عليك
هنا بعياط:ماتت ي مي بسببه فضل ع حاله لغايه ما ماتت وانا كنت هموت لولاها انا زهقت
مي بتحاول تهديها :خلاص اهدي بالله عليكي بعد الجامعه هنا هلاقي حل يريحنا كلنا اهدي بس الاول
عند فهد
ادهم: البت دي شكلها كئيبه اوي بردوا يوم ماشوفتها بردوا كانت بتعيط
فهد: متعرفش مالها كل واحد فيه هم كبير الله اعلم
ادهم:عندك حق بقولك اي بص كده فيه حد رايح هناك
فهد:الواد ده عاوز منها اي انا هقوم اروحلها
ادهم:اهدي بس مين ده
فهد:خطيبها اللي قولتلك عليه
ادهم:متروحش غير لما يحصل حاجه اقعد يمكن عايزه اتكلم
عند مي
محمود:فكرتي ولا لسه بتتحامي ف الواد ده
مي:اي اللي جابك هنا تاني امشي
محمود:بدل ما مبتحبينش مش هتحبي حد تاني
مي:انا مش فهماك انت مش قولت مش عايزك عشان الحجاب ومشيت رجعت تاني ليه
محمود:مكنتش ف وعيي هنا كنت متضايق وكلمه طلعت مني بس مش اكتر
مي:اوف
محمود:خلاص انا عايزك زي مانتي انا لسا بحبك
فهد:انا مش هقدر اسكت
وراحلهم
فهد:اي اللي جابك هنا تاني مش قولتلك تبعد عنها
محمود:وانت مالك ابعد دي خطيبتي
فهد:كانت خطيبتك امشي من هنا
مي:امشي
محمود:اه طبعا عشان غني بتعملي كده وعدك بإي انه يشترييلك عربيه عشان تمشي معاه ولا
لسا مكملش كلامه وكاان قلم نزل من مي ع وشه
مي بغضب:مسمحلكش ب كده كله الا كده وانت عارفني كويس اوي عمري ماكون من البنات دي وياريت تبعد عني كنت هصدقك ف اللي بتقوله من شويه
فهد بصدمه:اي
محمود:مكنش قصدي اني اقول كده
مي:امشي مش عاوزه اشوفك
مشيت هي وهنا
محمود:مي
فهد:ابعد عنها مش هقول تاني
ف نهايه يوم الجامعه
فهد: يارا عايز اقابلك بكره ف..
يارا:تمام
فهد شاف مي ماشيه
فهد: مي يلا تعالي اركبي ومفيش رفض
فهد بيفتح الباب اللي جمبه هي ركبت ف الكرسي اللي وراه
فهد بإبتسامه ركب وبدأ يسوق
مي: احم لو سمحت كنت عايزه اقولك حاجه
فهد : اه طبعا
مي بخجل:الكلام اللي هنا قالتوا امبارح بص مش عايزاك تاخد عني فكره وحشه و
فهدبمقاطعه كلامها: بصي انا اليومين اللي شوفتك فيهم حسيت اني عارفك من فتره وعارف انك محترمه ومتأكد من كده
مي :انت متأكدازاي انا عرفتك من يومين بس
فهد بإبتسامه وهدوء:اناا عارف واوعي تفتكري اني ممكن اقول حاجه غير كده انا شوفت بنات كتير اوي ي مي وكان منهم أنواع كتير اللي ترمي نفسها عليا بقربها مني واللي تدلع عشان انا غني وكلهم همهم الفلوس وبيرخصوا نفسهم للكل وكنت فاكر ان الكل كده مكدبش اني قابلت بنات محترمين بس بردوا كانوا افعال بس مش من جواهم الايمان وفقدت الامل ان فيه بنات محترمين بجد لكن انا من ساعت ماشوفتك بصراحه وعرفت ان فيه بناات كتير محترمين زيك لكن مقابلتش حد زيك لغايه دلوقت
مي:
نهايه البارت
الكاتبه ساره احمد♥️🔥
رأيكم يهمني🌚
