مي:أنا مش عارفه ليه اني زعلت من ناحيتك اكتر مع أن طبعا انا ف حاله نفسيه من امبارح من اللي حصل وعمري مهنساه بس ممكن يكون عشان أنا أول مره يبقي ليا اخ او سند اعرف ان لما يحصل حاجه زي كده الاقي اللي ف ضهري فاهمني ي فهد اكيد كل ده بسبب اني لقيت فيك الاخ والاب اللي اتحرمت منه أنا مش فاهمه اي السبب
فهد بإبتسامه:بس انا فاهم
مي:اي
فهد:بصي ي مي انااا
وقاطعهم دخول الممرضه
فهد بصوت واطي:هو ده وقتك
مي لاحظت وضحكت
فهد:بتضحكي ع اي انتي كمان
مي وكاتمه الضحكه:مفيش
الممرضه:ماشاء الله بقيتي كويسه تقدري تروحي
مي:شكرا
وبعد ما الممرضه خرجت
مي:ها كنت بتقول اي
فهد:اا بصي
التليفون رن
فهد:استغفر الله العظيم استني ي بنتي الوو
يارا:الو ي حبيبي عامل اي
فهد:الحمدلله وانتي
مي فهمت انها يارا وكانت سامعه صوتها ابتسامتها راحت
يارا:الحمدلله بقولك ي فهد
فهد:نعم
يارا:بابا بيقول أنه عايز يحدد معاد الفرح
هنا فهد اتصدم بس صدمته مكنتش اكبر من صدمه مي اللي عينها دمعت لوحدها ومكنتش فاهمه السبب
مي مسحت دموعها بسرعه وقالت:فهد أنا هدخل التواليت اللي جمب الاوضه
فهد:تمام
وبعد ماخرجت ومكنش عارف انها سمعت كمل كلامه
فهد بتوتر:يارا احنا مش اتكلمنا وقولنا الاول هنشوف
يارا:أنا قولتله ي فهد وقالي مكنش خطب من الاول بما أنه لسا متردد فحبك
فهد:ايوه وبعدين
يارا بدموع:لو عاوز ننفصل أنا معنديش مانع أنا عارفه انك بتحب مي ي فهد وده باين اووي بس فيه هنا مشكله تانيه
فهد:اي
يارا:حسن اخويا عايز ييجي يتقدم ل مي
فهد قام من مكانه وهو بيقول:نععععم
ولما كان هو بيحاول يتحكم في غضبه كانت مي غرقانه ف دموعها ف الحمام وبتكلم نفسها كإنها بتتكلم مع حد
مي:طب انتي بتعيطي ليه دلوقت؟ يمكن عشان اتعودت عليه وحبيته كأخويا وانا كان نفسي ف اخ اصلا..
لا بس فيه مشاعر غريبه اول مره احس بيهاا معقوله أنا بحبه.. لا لا أنا كنت بحب محمود ..بس محمود كنت مهتميه لأمره لانه اول شاب يدخل حياتي زي ما هنا قالتلي اووووف طب أنا هعرف ازاااي دلوقت بقااا
عند فهد ف الغرفه بتاعت المستشفي
فهد:اعمل اي بقااا
ادهم اتصل بيه
فهد:كنت لسا هتصل بيك
ادهم:فيه اي
فهد:حسن عايز يتقدم ل مي
ادهم:طب مايتقدم
فهد:انت هتستزرف انت عااارف اني بحبها
ادهم:اخيرا اعترفت
فهد:ايوه انا اتأكدت اني بحبها كنت خايف اظلمها معايا لو مش بحبها
ادهم:طب هتعمل اي مع يارا
فهد:ملكش دعوه ب يارا دلوقت احنا هننفصل بس حسن ده هعمل فيه اي
ادهم:سيب مي تختار ي فهد
فهد: وانا خايف من الاختيار ده
ادهم:ايوه هتعمل اي هتقولها غصب عنك اختاريني
فهد:ادهم أنا مش هقدر استغني عنها لا لا مقدرش
ادهم:كنت فين من بدري أنا مش قلتلك تلحقها قبل ماتطير منك
فهد:اوووف خلاص بقااا أنا عرفت دلوقت اني بحبها وانا مش هخلي حسن يفكر أنه يعمل كده
ادهم:استني بس الاول عايز اقولك حاجه مهمه
فهد:اي
ادهم:أنا عايز أتقدم ل هنااا
فهد:بتهزرر
ادهم:والله ابدا بس انا مش عارف شعور هنا
فهد:أنا متأكد انها هي كمان بنحبك
ادهم:ايوه يعني اسألها ازااي
فهد:نبقا نتقابل نشوف الموضوعين دول موضوعي وموضوع أنا هجيب مي من المستشفي سلام دلوقت عشان أنا قلقت هي بقالها كتير ف الحمام سلام
ادهم:سلام وقولي لو فيه حاجه
فهد:طيب
فهد بيخبط ع الباب
فهد:مي انتي كويسه
مي :ايوه خارجه اهوا
مسحت دموعها وخرجت
فهد:فيه اي مالك
مي بتصنع ابتسامه:مفيش
فهد:متأكده
مي:اها يلا أنا جاهزه
فهد:طيب يلا
ف الڤله بعد ماروحوا
كل واحد دخل اوضته ودماغه مليانه افكااار
ف مكان تاني
ادهم:ايوه اعمل اي بقاا دلوقت
هبه:ي بني حاول تقول انت دايما فاشل كده
ادهم:شكرا ي حجه أنا هقول هتشوفي بس مش عارف الطريقه أو اجيبها ازااي طب بصي انتي عليكي حاجه تعمليهالي بقاا تمم
هبه بضحك:اي هقولها أنا ولا اي
ادهم:ماهو عشان مش هينفع اني اعترفلها ونبقا لوحدينا انتي هتكوني معانا بس مش معانا
هبه:ي بني هو حبك لحسلك دماغك ولا اي اي معاكم ومش معاكم دي
ادهم:ي امي قصدي يعني أنك هتبقي موجوده عشان انتي اللي هتجيبيها وتكوني ف الاوضه
هبه:اااه تمم يلا نام بدري عشان الجامعه بكره
ادهم بضحك:ي ماما هو أنا رايح المدرسه هو اي اللي نام بدري
هبه:ي لمضي هو مش انت عندك جامعه وقطع كلامهم
إن باب الغرفه خبط
هبه:اتفضل
وهنا دخلت
هنا:ازيك ي ماما
هبه:اي ي بنتي فيه حاجه
ادهم:أنا اللي ناديتها ي ماما
.هبه:ياض ي مهزء انت هي اللي تجيلك
هنا:مش عارفه أنجز ا(عطست)( لما اعمل النقط كده .. يبقا بتعطس تمم)عشان عايزه ادخل..يلااا
ادهم:مالك ي بت عندك دور برد ولا اي
هنا:انت شايف.. اي يعني
هبه: استني أما اشوف حرارتك ينهار ابيض ولا ي ادهم انزل للصيدلي جبلها اي حاجه البت مولعه
ادهم:حاضر
هنا:لا لا.. هو بس دور برد وهيعدي انت كنت عايز اي
ادهم:لا هنزل اجبلك حاجه
هنا:ي.. عم الدكتور لا
ادهم:اسكتي ي بت أنا هنزل اسئله واجيبلك دوا واجي
هنا:ي بني ... هو أنا شفافه بتكلم اهووا.. بقول لا أنا كويسه
ادهم:ده انتي عطستي ميت مره من ساعه ما دخلتي الأوضه انتي عايزه تعدينا ولا اي
هنا:يعني انت مصمم كده عشان اااا... معدكش طب غوور
ادهم:هنزل بردوا اجيب
هنا بدموع:ي ماما قوليله لا
هبه:ليه بس ي بنت
هنا بدموع:مش عاوزه
ادهم بجديه:مالك فيه حاجه ولا اي
هنا بعياط وكإنها لسا طفله:مش بحبو
ادهم مات ضحك عليها
هنا بغيظ ومسحت دموعها:اي بتضحك ليه ي بالاردن
ادهم:ي بنتي هو انتي طفله مش بتحبي العلاج ليه
هنا:كده مش بحبه طعمه وحش
ادهم بضحك:انا نازل ي امي اجيب الدوا
هنا بغيظ:مش هاخده بردوا
هبه بإبتسامه:ربنا يخليكم لبعض ي اولاد
بعد نص ساعه
اول ما هنا سمعته بيخبط
احمد:قومي افتحي ي هنا
هنا وهي بتحري ع الأوضاع وبتقفل الباب :لا افتحوا انتوا
احمد:مالها البت دي
هبه بضحك:يخربيت فقرك ي هنا
وقامت فتحت الباب
ادهم:الصيدلي قالي دول ولو الحراره منزلتش روحوا ع المستشفي امال هي فين
هبه بضحك:جريت ع الأوضه وقفلت الباب
احمد:عشان كده لا الله ف عونكم هنا من صغرها مش بتحب الدوا وكانت بتطلع عين امها الله يرحمها
ادهم:ي ماما خشي اديلها
ادهم خبط ع الباب:هنا افتحي
هنا:لا
ادهم:ي بت افتحي الباب ي طفله
هنا:متقوليش ي ..طفله
ادهم بضحك:ما اللي انتي بتعمليه ده يبقا اسمك طفله
احمد بهمس:ولا ي ادهم قولها كده هجبلك شيكولاته أنا فاكر أنها بتحبها اووي وشوف هتعمل اي
ادهم بإبتسامه: طب افتحي وهجبلك شيكولاته ده
هنا:بتهزر...
ادهم بضحكه:لا مش بهزر
هنا:ولو بتضحك... عليا
ادهم:ده انا اصلا بفكر اعملك هديه
هنا:بمناسبه اي
(طبعا احمد عارف أنه عاوز يتقدم)
ادهم:ااا اطلعي الاول
هنا فتحت الباب
ادهم بضحك:والله طفله
هنا: ي عم ..طفله طفله فين الشيكولاته...
ادهم:ي بنتي انتي عماله تعطسي وحرارتك عاليه
هنا:مانا زي القرده اهووا كويسه...
ادهم:اه باين
هنا:فين الشيكولاته
ادهم:لما تاخدي العلاج الاول
هنا:اااه
هبه:فيه اي
هنا:لا لا حاسه اني دايخه
ادهم: ي سلام اللعبه دي عشان متاخديش العلاج صح
هنا:لا فعلا دايخه
هبه:استني يلا بتتكلم جد
احمد:مالك ي حبيبتي
هنا:أنا اااا وهنا أغمي عليها
ادهم بصدمه:هنااا
نهايه البارت
الكاتبه:ساره احمد❤️🌹
