مي:رد الاول ع أم سؤالي مهتم ليه
فهد:عايزه تعرفي
مي:ياريت
فهد بزعيق: عشااان
مي: ايوه
فهدبعصبيه: عشان انتي قاعده ف بيتنا واللي يتقال عليكي يتقال علينا وانتي ماشيه مع ابن ال ...
مي بدموع:انت قصدك أن أنا اي أنا مكنتش همشي معاه غير لما نتخطب وانت اظن عرفتني ف الفتره دي صح ولا اي
زينب: فهد لاحظ كلامك مي أخلاقها انت عارفها
فهد بعصبيه:مي أنا مش قصدي كده
مي بعياط:انت بعد كده متتكلمش معايا لما تشوفني هنا او ف الجامعه او ف الشركه ولا ليه انا أمشي من هنا خالص بدل اللي يتقال عليا يتقال عليك ي بيه وانت مينفعش يتقال عليك حاجه عشان حبيبه القلب خطيبتك طبعا
وخرجت الشنطه من الدولاب وبدأت تحط هدومها
فهد بهدوء:مي انتي بتعملي اي
مي بعياط:ملكش دعوه بيا احسنلك
زينب:مي اهدي
مي:ولا ههدي ولا زفت مينفعش طبعا اصل أنا واحده شمال
فهد بزعيق:اي اللي انتي بتقوليه ده
مي بزعيق:مش ده اللي انت كنت عاوز تقوله
فهد بهدوء:لا وسيبي اللي ف ايدك ده
مي:تخرج عشان عاوزه احط باقي هدومي
فهد:مي انتي مش هتخرجي من هنا
زينب:اخرج ي شريف انت وفهد وانا هحاول أقنعها
وبعد مانزلوا
زينب:اي ي مي اهدي
مي بعياط: ي امي انتي مشوفتيهوش قال اي
زينب:ي بنتي انتي اخته وهو خايف عليكي يلا ي ماما اهدي
مي:أنا همشي عشان يحترم كلامه معايا بعد كده ده لو فرق معاه
ف الطابق الاول
شريف: فيه اي بقا
فهد حكاله
شريف بضحكه: كل ده عشان كده
فهد:ي بابا أنت بتضحك بقولك أنا مش متطمن للواد ده
شريف:فهد انت بتحب مي صح
فهد بتوتر:اا لا
شريف:انت ابني وانا عارفك كويس وباين عليك انت مش بتحبها انت بتعشقها ي فهد واللي انت عملته فوق كان دليل انت مش بتتعصب وتتنرفز جامد كده لأي حاجه وخلاص ي بني ده انت كنت هتضربها فوق قدامنا من الغيره
فهد:اوف ايوه ي بابا فعلا أنا بحبها وشم قادر اشوفها مع
غيري بس فعلا الواد هدد وقال إنه بيعمل كده عشان يشوفني وانا بتعذب وبس
وفجأه لاقوا مي نازله
شريف:ها هديتي
فهد:مش هتمشي يلا اهدي بقا كده عشان نتكلم
مي : أنا مش هتكلم معاك ف حاجه أنا قعدت عشان ماما بس ومش هتتحكم فيا تاني انت ابن عمي بس
فهد بعصبية كان هيتكلم بس شريف شاور بعينه بمعني استني
زينب:فهد تعالي ي بني عايزاك
عند زينب وفهد
زينب: اي ي فهد اللي خلاك تقول كده
فهد:ي مرات عمي ماهو انتي متعرفيش احمد قالي اي ده بمعني اصح هددني بيها أنه يأذيها والكلام اللي قولته ل مي أنا قولت كده عشان اا
زينب:عشان بتحبها ومش عاوز تقولها ف قولت اي حاجه
فهد بصدمه:اي انتي عرفتي منين
زينب: أنا لاحظت من فتره ي فهد
فهد بحزن:طب أنا أعمل اي بقا هي بتحبه هو
زينب:هي مش بتحبه ده عشان هو اول واحد.اهتم بيها وخلاها تثق فيه من اعدادي بعد ماأبوها ماات أنا هفهمك اتعرفوا ازاي مي حصلها اللي حصل من بعد موت ابوها بسام قالك بيحصلها اي وبنت معاها ف المدرسه الاعداديه كانت ف 3 اعدادي فكرتها بأبوها وجتلها الحاله دي وصحابها محدش وصلها وهي كانت بتترعش وعماله تعيط محمود شافها ووصلها البيت بالرغم أنه مكنش يعرفها ومرداش يسيبها غير لما فوقتها وطلع أن ابوه معايا ف الشغل ومره بعد مره كان بيقف كل يوم قدام مدرستها يشوفها وهي خارجه يتطمن عليها وييجي يزورها وهي اتعلقت بيه من 1 ثانوي وده كان أول شاب يدخل حياه مي أو أن مي تكلم حد وعشان فضل معاها السنين دي هي واثقه فيه جدا هي مش بتحبه هي بس عشان كانت بتشوف معاه الامان ومش عارفه الواد ده اتغير كده ليه
فلاش باك
مي:هو اي اللي حصل
زينب:مفيش ي بنتي انتي دوختي بس
مي:مين انت
زينب:شافك وانتي جايه تعبانه وصلك ربنا يحميه
مي:شكرا
محمود:لا ع اي أيا كان أنا اسمي محمود .... ف 2 ثانوي
زينب:هو باباك شغال ف ...
محمود:اه حضرتك عرفتي منين
زينب:الاسم كان مألوف ليا وهو معايا ف الشغل
محمود:بجد اي الصدفه الحلوه دي
مي:طيب أنا اسمي مي وف 3 اعدادي
محمود:اتشرفت طب أنا بقا امشي أنا مردتش امشي غير لما اتطمن عليكي والحمدلله انتي كويسه
ولما بقا هو ف 1كليه جه أتقدم لها
محمود:انا جاي أتقدم ل مي واخطبها
زينب:بس مي لسا صغيره ي بني هي ف 2 ثانوي
محمود:أنا بس هقرأ فاتحه ولما هي تبقا ف 3 ثانوي نتخطب ولما تبقا ف 3 كليه أو تخلص نكتب الكتاب
زينب:طب اخد رأي مي بس انا اسفه لو قالت حاجه لان مي مش ف دماغها الكلام ده دلوقت وهي اللي بترفض
زينب بصوت عالي:مي
مي:نعم ي ماما
زينب:محمود جاي يتقدملك تقرأوا فاتحه وتتخطبوا لما تبقي ف 3 اي رأيك
مي بخجل:اللي تشوفيه
زينب بصدمه: اي مش انتي كنتي بترفضي طب لو وافقت هتوافقي
مي بصت ل محمود وهو كذلك
مي:اها لو انتي وافقتي
زينب بضحكه:دلوقت اللي تشوفيه هاا طيب قراءه الفاتحه يوم الخميس
باك
زينب:فهمت ي بني هو كان مهتم بيها زي نن عينه وهي أول مره تشوف اهتمام من شاب بس انت لو خلتها توثق فيك صدقني هتفهم أنها بتحبك انا شوفت منها كام موقف عرفت انها معجبه بيك انا معاك انت بس خليها تثق فيك يعني مثلا هي مش بتحب حد يفرض عليها امر لو اتكلمت معاها كويس تبقي تمام أنا فاهمني وخد بالك منها ي فهد
فهد:حاضر. ي طنط يلا ننزل
مي:اي كل الكلام ده اتأخرتوا ليه
قطع كلامهم مكالمه فون ل فهد
فهد:الو
يارا: اي ي فهد عامل اي
فهد:الحمدلله وانتي
يارا:الحمدلله
فهد: دايما
يارا بفرحه:فهد أنا مبسوطه انك بتتكلم معايا حلو
فهد بإبتسامه:عشان احنا قولنا أننا هنفهم بعض صح
مي:اوف بتكلم مين
فهد:لحظه ي يارا اي ي مي
مي:بتكلم مين
فهد بضحكه خبث:خطيبتي فيه حاجه
مي بغيظ:لا أنا طالعه
فهد بضحكه:هكلمك بعدين ي يارا
زينب بإبتسامه:فهمت أنا قولتلك مش بتحبه هو ليه
فهد بإبتسامه: اها
شريف:فيه اي اتكلمتوا اي فوق
فهد:طنط فهميه هو عارف اصلا أنا هقولها حاجه
ف الطابق التاني
مي بتقليد فهد: بكلم خطيبتي طيب. استاذ فهد
فهد خبط
مي:اتفضل
فهد:احم هديتي ولا لسه كنتي متعصبه
مي:عايز اي تاني ي فهد
فهد:كنت نسألك ع حاجه
مي:اتفضل يارب صبرني
فهد بإبتسامه: هو انتي غيرتي عليا من يارا من شويه
مي بتوتر:اي ااا اي اللي انت بتقوله ده ...
نهايه البارت
للكاتبه ساره احمد🌚✨
التفاعل قليل جدا ي جماعه محتاجه تشجيع ولو فضل التفاعل كدا مش هكمل🙂
