محمود مسك أيدها وبدء يحاول أنه يقلعها الطرحه
مي بصراخ:فهد ي فهد
محمود:محدش هنا هيسمعك ي حلوه وهنا حصلت المفاجأه
فهد كسر الباب ودخل
وكانت الحاله أن مي شعرها منسدل ع ضهرها وبتعيط ومحمود بيحاول كده 🙂ودي كانت اول مره فهد يشوف مي ب شعرها فهد اول لما دخل مسك محمود وضربه بكل قوته وكان الدم سائل من وش محمود كله
فهد بغضب ومازال ييضربه: أنا مش قولتلك انك لو حاولت تأذيها مش هتعيش هااا
وهنا حسن جه هو ادهم جريوا شالوا فهد من عليه (طبعا انتوا مش فاهمين )
محمود بتعب:انت مش هتتهني بيهاا
فهد فك نفسه من حسن وادهم وضربه ضربه كمان ووقع ع الأرض أغمي عليه
ادهم:ي بني انت كده هتموته
وكانت مي كل ده قاعده ع الأرض عماله تعيط وملاحظتش أنها مش لابسه الحجاب
ولما فاقت وادهم بيقومها لبست الحجاب بسرعه
ولما فهد قرب منها ووشه احمر من الغضب
مي بعياط:فهد أنا والله ما كنت اعرف
وهنا اتفاجأت بقلم من فهد ع وشها
وكان مفاجأه للكل حتي لفهد نفسه ازاي يضربها بس الغيره والغضب وأنه يتخيل اللي كان هيحصل ده كان عميه
ادهم:انت اهبل اي اللي انت عملته ده
مي بعياط متكلمتش
فهد بصراخ: انتي ازاي تطلعي معاه عادي كده هو ده الاحترام
مي بعياط ووشها ف الأرض:والله ضحك عليا قالي انكم كلكم فوق وعملني مفاجاه لما جيت وقالي متقوليش ل فهد عشان ااا مش يبوظ اليوم (وبصت ل عينه)وبعدين هو انت تعرف اني اطلع معاه لو كنت أعرف حتي دي مش شقته
فهد بصراخ:ولو مكنتش لحقتك هااا انتي عارفه مرات عمي لو عرفت هيحصلها اي
مي بعياط:عارفه بس انا مليش ذنب
فهد:بذمتك انتي مش غلطانه انك مشيتي معاه وانتوا لسا مش مخطوبين وانا كلمتك الصبح
ادهم:مي لولا احنا لحقناكي كان الله اعلم اي حالك دلوقت
مي بخجل:طب انتوا عرفتوا ازاي
ادهم:بسبب حسن ربنا يكرمه
فلاش باك
مي:محمود:أنا مش مطمنه للشارع ده تعالي نمشي
محمود:تعالي بس
حسن:اي ده مش دي مي هي ماشيه مع مين
حسن:الو ي فهد
فهد:اي ي حسن عامل اي
حسن:مش وقته بقولك أنا لسا شايف مي مع شاب ف الشارع ده مين الشاب ده هي اتخطبت
فهد بصدمه:اي فين ده
حسن:ف شارع ..... وهما واقفين دلوقت
فهد:ابعتلي اللوكيشن وخليك وراهم أنا جاي ع طول واتصل ب ادهم
ف العربيه عند فهد:والله لو عملتلها حاجه ي محمود الكلب ما هرحمك بتكدبي عليا ي مي تمام اووي
بعد ما وصل
فهد:هما فين
ادهم:لسا طلعين هنا من 5 دقايق
فهد:أنا هطلع
باك
حسن:طب هنعمل اي ف الواد ده
فهد:اربطوه وحطوه ف المخزن لغايه الصبح لما اشوف هسلمه للبوليس أنا تعبتكم معايا ي شباب اسف
حسن:ع اي ي بني ولا يهمك
فهد: امشي قدامي
ف العربيه
مي:فهد
فهد:افندم
مي:انت زعلان مني؟
فهد:انتي بتهزري ي مي اللي انتي عملتيه ده غير فكرتك من عندي خاالص
مي بصدمه:اي
وعياطها زااد وهي كتماه
مي:ممكن تنزلني هنا اشم شويه هواء
فهد وقف العربيه ولما نزلت اجهشت ف البكاء بصووت عاالي
فهد نزل وصعبت عليه وهو عارف انها مكنتش عارفه وبسبب طيبه قلبها طلعت وهي متعرفش بس طبعا مغلطها أنها مشيت معاه ومفيش حد مبيغلطش بس المهم أنه يتعلم من غلطه ويندم.. فهد لاحظ انها بتترعش حط الجاكيت بتاعه ع كتفها
مي عيطت اكتر
فهد:مي متعيطيش
مي:أنا مش عارفه اي اللي خلاني امشي معاه اصلا أنا كنت واثقه فيه اووي ده عشره سنين ازاي يفكر كده ازاااي
فهد:وانا حذرتك منه صح
مي بعياط:ي فهد انت متعرفش أنا كنت واثقه فيه ازااي ده كان أول شخص يدخل حياتي كان أول شاب يهتم بيا وشوفت اهتمامه ليا 4 سنين وثقتي كل مره كانت بتزيد اكتر
فهد:يلا عشان نروح
مي:فهد أنا والله اول مره تحصل وانا كنت واثقه زياده عن اللزوم وحبي كانوا عمييني استغفر الله العظيم واتوب إليه
فهد: يلا ي مي أنا تعبان وعاوز ارتاح
فهد نظر لوجهها فوجد أن اثر القلم اللي ضربهولها باين ووجهها احمر .. مي لاحظت نظره ليها قالت بسخريه
مي: المفروض أن انت ملكش الحق انك تمد ايدك عليا بس دلوقت أنا اللي بطلب منك تسامحني
فهد:تعالي نجيبلك مرهم أو حاجه لوشك ده
اليوم التالي
فهد:اي ي مرات عمي واقفه كده ليه قدام باب الأوضاع
زينب بقلق:مي ي بني مش راضيه تفتح ومش موافقه أنها تروح الجامعه ودي اول مره ترفض تروح وسامعه صوتها بتعيط أنا خايفه عليها
فهد:مي افتحي
مي بعيااط:مش هفتح امشي
فهد:هتوفتي يوم وممكن تبقي المحاضره مهمه
مي بصراخ:قولت مش هخرج ومش هروح امشي بقااا
فهد:روحي ي مرات عمي جبيلها حاجه تاكلها لغايه ماعرف منها واخليها تفتح
زينب:ماشي ي بني
فهد:مي افتحي اللي انتي بتعمليه ده مش هينفع هو ميستاهلش كل ده
مي مردتش
فهد:ي بنتي ردي
مردتش
فهد بخوف:والله هفتح الباب أنا بطريقتي
مردتش بردوا
فهد:هفتح اهووا 1 2
فهد خاف زياده فكسر الباب ودخل
(الباب ده اتكسر مرتين كده حرام والله زمانه بيقولهم ارحمووني😂)
لما فهد دخل كانت مي أغمي عليها شعرها مرفوع بطريقه جميله ولابسه بنطلون واسع وتيشرت بكم
فهد بخوف ونزل ع ركبته:مي فووقي ي مرات عمي
زينب لما تيجي تقع الصينيه منها وتجري علي مي
فهد جاب برفان وحاول يفوقها بس منفعش
فهد بخوف: مرات عمي لبسيها الطرحه وعبايه بسرعه عشان مينفعش اوديها المستشفي كده لغايه ماجهز العربيه واجي
وفعلا شغل العربيه ورجع تاني كانت زينب لبستها الطرحه وعبايه وشالها وركبها العربيه وزينب لبست وراحت معاهم وراحوا ع المستشفي
فهد:اي ي دكتور مالها
الدكتور: جالها انهيار وباين من عينها أنها منامتش من امبارح ومكلتش ف ارهاااق وعياطها لانه باين وأنها ضعيفه جدا اصلا بس هي هتفوق خلال ساعتين اديتها محلول يقويها شويه وتروح ترتاح وتاكل كويس وخلاص
فهد:شكرا ي دكتور
زينب:انهيار من اي وفضلت تعيط ليه
فهد بإرتباك:بصي ي مرات عمي هقولك بس ياريت تفهمي هو محصلش حاجه
زينب بقلق وخوف اكتر:ي بني فيه اي
فهد حكاالها اللي حصل
زينب بشهقه:معقول كل ده يحصل وانا كنت فين طب عملها حاجه
فهد:متخافيش لحقتها ف الوقت المناسب بس الواطي ضحك عليها قالها أننا كلنا عملينلها مفاجأة ف الشقه ونحتفل بمناسبه أنهم هيتخطبوا وطبعا مي لانها طيبه وواثقه فيه صدقته
زينب بعيااط:الحيوان ال.... ربنا ينتقم منك ي محمود ال..... طب هو فين دلوقت عملتوا فيه اي
فهد: متخافيش سلمته للبوليس النهارده الصبح وانا هقرص ع مي من دلوقت عشان تصدقني بعد كده انا قلتلها أنها مكنش ينفع تطلع معاه وخوفتها اني فهمتها غلط.هي وو
زينب:اي
فهد:أنا عارف اني مليش الحق بس لما طلعت ولقيت أنه مقلعها الطرحه ومنظرها واتخيل اللي هيحصل مقدرتش اسيطر ع غضبي وضربتها ساعتها
زينب:انت فعلا ملكش الحق بس لولا أنا عارفاك ي فهد وانا مربياك وانت صغير ع ايدي دي كان ليا كلام تاني معاك واقدر أأمن بنتي معاك وانا عارفه انك بتحبها بجد
فهد بدموع:أنا مش بحبها بس انا بعشقها من اول لحظه شوفتها فيها الاول قلت يمكن عشان احترامها ووانا نفسي أن أخطب بنت كده بس احترامها هو اللي وصلني اني احبها بجد كده مش مجرد اني عايز بنت محترمه وب شخصيتها بس بجد أنا بحبها ونفسي أنها تحس بيا
زينب:هتحس ي بني بس انت اصبر عليها شويه انت شايف اللي حصل هي بس تفوق ونتعرف أنها بتحبك انا شفت ده ف عينها ي فهد
فهد:بإذن الله
ف مكان تاني
هبه:اي ي بني مالك
ادهم:مفيش
هبه:ده عليا بردوا مالك يااض سرحااان ومره واحده تضحك اي الحركات دي
ادهم:بصي هو اا فيه بنت كده ااا
هبه بإبتسامه:خلاص فهمت اخييرا ومين سعيده الحظ دي
ادهم بإبستامه:انتي تعرفيها
هبه:اي ده مين
ادهم:هنا
هبه بفرحه:بجد طب دلوقت احنا نتقدم ازاي ل بنت جووزي هههه
ادهم:ي ماما لسا الاول معرفش هي كمان ولا لا
هبه:اه طب هتعرف ازااي بقاا
ادهم:هلاقي طريقه اكيد ي ماما
ف مكان تاني
فهد:ي مرات عمي روحي انتي أرتاحي وهي اول لما تفوق هجيبها واجي
زينب:لا لما اتطمن عليها الاول
فهد:طب اقعدي ف كافتيريا المستشفي كلي حاجه واول لما تفوق هقولك
زينب:لا
وبعد ربع ساعه بيحاول يخليها تروح ترتاح
فهد:يلا بس كده كده اصلا الدكتور قال مفيش حاجه ده شويه ارهاق روحي وهجيبها ع طول
زينب بقلق:طيب
وبعد نص ساعه وفهد مش شايل نظره من عليها
مي: اااه فيه اي
فهد: اي بقا كل الشغل اللي اتعمل ده
مي بدموع:عايز اي وانا فين ممكن تروحني
وتحاول تقوم بس يمنعها
فهد:أرتاحي بس كده اي ي مي كل العياط والشغل ده لسه
مي تعدل نومتها وتقعد
مي بدموع:انت عايز اي دلوقت
فهد بحزن مش باين:كل العياط ده عشان شخص ميستاهلش! انتي بتحبيه أو كده؟
مي:مش كده بس والاكتر مزعلني وحارق دمي حاجه تانيه
فهد:امال اي كل ده
مي:عشان انت اخدت فكره عني وحشه والزعل اللي أنا عملاه كده مش عشان محمود شخصيا عشان الفكره وكل لما لا(بدموع)اتخيل اي اللي كان هيحصل لو انت مجتش أنا كنت بندهك انت ساعتها مش عارفه ليه بس حسيت أنك أنت الامان أنا مش عارفه حسيت أن اللي هينقذني ف الموقف ده وبتمني أنه يبقي موجود هو انت أنا اللي مزعلني كل ده ضربك ليا وانك انت قلتلي الكلام ده وان انت فاكرني انسانه مش كويسه بعيدآ عن أن مبحبش حد ياخد الفكره دي عندي بس بقا بالذات انت لا أنا مش عارفه ومزعلتش ع محمود لما دخل اتحبس واتعلم الأدب وده اصلا لوحده شاغلني ازااي ده أنا كنت بحبه ازاي ازعل اكتر من اللي انت قلته أنا مش فاهمه
وكل ده وفهد مذهول
فهد بإبتسامه:بصي أولا أنا مش واخد عنك فكره وحشه ابدا انتي لسا زي مانتي ف عقلي وعمري مهتتغيري عشان أنا عارفك ف الفتره دي حسيت اني اعرفك بقالي زمن أنا عارف انك طلعتي من طيبتك
مي بفرحه:يعني انت مش واخد الفكره دي عني (بحزن)
طب وو
فهد:اي
مي:والقلم ده انت ضربتني
فهد بحنيه:أنا ضربتك عشان كنت خايف عليكي عشان مش كنت عارف حاجه كنت متعصب ومش فاهم أنا بعمل اي انتي عندي غاليه جدا ي مي
مي:أنا مش عارفه ليه اني زعلت من ناحيتك اكتر مع أن طبعا انا ف حاله نفسيه من امبارح من اللي حصل وعمري مهنساه بس ممكن يكون عشان أنا أول مره يبقي ليا اخ او سند اعرف ان لما يحصل حاجه زي كده الاقي اللي ف ضهري فاهمني ي فهد اكيد كل ده بسبب اني لقيت فيك الاخ والاب اللي اتحرمت منه أنا مش فاهمه
فهد بإبتسامه:بس انا فاهم
مي:اي
فهد:.....
نهايه البارت
الكاتبه/ ساره احمد💕
ي تري فهد هيعترفلها أنه بيحبها؟
وادهم هيعمل اي مع هنا؟
ومحمود هل هيخرج من السجن ويزعجهم تاني؟
واي اللي هيحصل بالظبط
ارائكم تهمني😉♥️
