مضت ايام زواجنا بفترة جميلة بين
دلال امجد وحبه وغزلة
وحتة مكان يقبل انزل من الغرفة
كل همة ابقة وياه
بس اكيد هذا الشي كان يضايق نجوى
بس متكدر تحجي امجد موجود
خلصت ايام العسل لان مابيهن شهر
بدة امجد يداوم بعد ان خلصت اجازته
وطبعاً كان ضايج انه يداوم لان عل كولتة بعدة عريس بس لازم يداوم خلاص
بعد شكو
هنا بدت معاناتي مع نجوى
الي كانت تلاحقني بكل مكان وتحاول تغثني
او ضوجني مادري ليش تستمتع بأذيتي
على الرغم اني ماعندي شي وياهة
ولاصاير مشكلة او موقف
بس هي هيج من البداية وياي
جانت اذب الشغل كلة علية بحجت اني
كاعدة وماعندي شي
حتة الطبخ ومدكول هذا طبخي
حتة من يجي امجد تركض اصبلة اكل
ترتب بسفرة
خوب اذا امجد صاحني بعد الغدة تكلب الدنيا
علية متقبل اروح وراه
واني من فطاريتي اسمع كلامهة وهذا الشي
اذاني ودمرني بعدين
كان ملاذي يوم الخميس من يوديني
امجد الابوية الله شكد كمت احب يوم الخميس
اروح واشبع شم من حضن والدي
احس نفسي زغيرة ومااريد افاركة
هو هماتين سودة علية يظل ينتظر الخميس
بفارغ الصبر والكاه خابص حوراء
نظفي هيج سوي وهيج خلي
خوب الاكل شأحب جايب
حبيبي شكد احبك
احنة قبل كان يوم الخميس مميز عدنة
جنة كل خميس نروح للامام امير المؤمنين ،،عليه السلام ،، نزور ونصلي وندعي ونقرأ دعاء كميل
جماعي وبصوت والدي الحنين
وبعد منكمل كل الاعمال ياخذنة والدي نجيب
عشة من برة حتلو لفات بعد ما تشتري حوراء
كلشي البنفسهة صح هي صف
ثالث متوسط بس عبالك طفلة
ششوف تريد وبابا حتلو ماعندة يجيبلهة
ميتحمل يخلي شي بنفسهة
من كمت ازور والدي طلبت انظل على نفس
عادتنة كل خميس والدي قبل وفرح بهذا الشي
وكمنة من نخلص زيارة ميخلي شي ميجيبة
ونرجع فرحانين بجمعتنة
جان والدي دائماً يسألني شلونة امجد وياج
اكلة زين طيب
ومن يسالني على نجوى اضيع الموضوع
لان مااعرف اكذب واكيد بابا راح يعرف
حتة من نظرات عيوني لان حافظني
مرت الايام مرات حلو ومرات لا
ماكو شي جديد بس طبعاً مو نفس بالبداية
لا لازم تكون اتعس هيج تعودت من دخلت
بيت امجد طبعاً امجد تغير مو نفس بداية زواجنة
صار قليل الكلام بس عالكد الحاجة
يعني شي على شي علاقتنة صارات باردة
واني احسهة بلا روح كلما تزيد الايام والسنين
ازيد برود
ونجوى اجتهة بعد سالفة تنضاف الى
قائمة السوالف التستخدمهة حتة تغثني
اكوم واكعد ليش مصار عندج طفل
اكيد انتي عاقر
اني اخوية مثل الورد الة انتي اكيد منج السبب
اااووو وبعد كلام ميخلص
كل هذا مر بذاكرتي واني صافنة على العصافير
وهي تنكر بسنادين
الله شكد حلوات ياريتني مثلهن
ماحسيت الا ودغة قوية بزندي
التفت هاي نجوى
كتلهة خير نجوى شكو
كالت لاعيني سلامتج خاتون لازم قطعت حبل افكارج وطكتهة بضحكة
كالت كومي عيني سوي غدة هو ظال وكت
هسة يطب امجد شنو ميريد غدة
كتلهة امجد يتاخر عندة مؤتمر
جان تصرخ بوجهي شلون يكلج وميكلي
كتلهة واني شعلي عفتهة ونزلت مادري
شلون اتصرف وية هاي المخلوقة
مخليت طريقة تعتب علية مجربتهة
هي شدت وياي بالزايد من لمحت اكثر من مرة
تريدني اخذهة لابوية
شلون اخذهة الابوية هي مو بمستواه
والدي انسان مثقف واعي وفاهم
يحتاج انسانة مثلة مو همجية مثل نجوى
استغفر الله ربي اصلحهة جاي تعذبني....
يتبع....
