لاتنسة عندك كتلة مال مشاعر احسن من طابوكة الجليد الجواك
هنا ظل ساكت متفاجئ
امجد مااكدر اكمل وياك ياريت تمسح رقمي
وسلملي على ام اسعد (امه)
مع السلامة
....
بعد مسديت الموبايل حسيت بقوة ونصر
يمكن رديت جزء بسيط من كرامتي النهدرت
او حسيت بانوثتي بعد الرفض القابلني بيه
كل هذي المدة
بعدين عرفت ان بعد العركة باليوم الطلعت بيه
امجد متعارك وية نجوى لان ضاربة نادية وهي
عالاساس حامل فعزل الهة بالطابق الفوك يعني
بغرفتي
واتضح ان هي مكانت حامل بس رادت توهم
امجد انه هي حامل بلكت يضربني
الحمد لله مخليتة يجيس شعرة مني
شلون بشر طبعاً نجوى ونادية وجهان لعملة
واحدة وامجد شخص اناني ميفكر بس بنفسه
وراحته باقي الناس مو مهم
الحمد لله الخلصني من هيج بشر
بس نقهرت عليه من عرفت
طلع عنده ضعف وميصير عندة
اطفال بسهولة بس اكو امل ان يسافر للخارج ويتعالج ....
اني مرتاحة بشغلي بديت اثبت وجودي واجذر
بالمؤسسة والكل مرتاحلي الحمد لله
وماكو مشاكل وادائما يجيني والدي للمؤسسة
يفاجئني بزيارة حتة اكلة شنو طفلة دتسال
على مستواهة
يكلي حتلو صار عمرج ٨٠ سنة اظلين بنظري
فطومتي الصغير
قرب زواج حوراء والتهيت وياهة بتجهيزات
الزواج جنت كلش مقهورة بس مبينت الهة
مادري شلون راح اتحمل اعيش وهي بعيدة
عني نوب راح ياخذهة ويسافر الايران هناك ايريد
يستقر هذا الشي قاهرنة اني وبابا بس
ماعارضنة الاهم سعادتهة
ازوجت حوراء وحبيبتي طلعت جميلة
واني والدي ودعناهة بس شنو متت بجي وهي
هماتين عيونهة راحن من البجي بس تواعدنة
يومية نتصل عالشبكة ونعرف اخبار بعض
يومية
زواج حوراء سبب فراغ واسع بلبيت
وكمنا اني والدي نطلع زيارات اكثر اوقاتنة
بهاي الفترة كمت افكر ادور زوجة الوالدي
صح مكان يقبل افتح وياه الموضوع بس اني
كنت مصرة اريدة يرتاح سودة علية تعب ويانة
ونسة نفسة يحتاج انيس وياه
فكمت افكر بالنساء الموجودات بالمؤسسة اكو طالبة
هي موكلش كبيرة بالعمر وبعدهة بنت ممزوجة بس رزنة وحبابة ومن عائلة
طيبة خليت بالي يمهة
وظليت اسأل واراقب بيهة عجبتني من كل
الجهات شكل ومضمون
كمت اقترب منهة حتة اعرفهة عن كثب
اتضحت هي خطية متحملة مسؤلية اخوتهة
بعد وفاة امهة وظلت تربيهم وتكبرهم الحد مصاروا
زلم ازوجوا وبدت معاناتهة مع نسائهم
محجت كل التفاصيل بس عرفت بيهة
مظلومة ضحت بحياتهة لاجل اخوتهة وبعدين لاكسبت اخوتهة ولا كسبت حياتهة
هي هاي الدنيا بيهة هواي مظلومين وكل
شخص قصتة تختلف
طبعاً اقتنعت بيهة بشكل خصوصاً
هدوئه جذبني نفس هدوء بابا
فاتحت وية والدي الموضوع بالبداية رفض
بس اني كدرت اقنعه
كال خل اسال اعرفهة شلون هيج
كتلة لاتخاف من النوع المفضل عندك
وانتي شمدريج شنو نوعي المفضل
باباتي اني كلشي اعرف عنك 😉
بعد انتي خليتي السالفة بدامغج معناتهة استسلم
لان متركيني الا ازوجيني
بضبط حبيبي جهز نفسك حتة نروح خطابة
فاتحت امنة بالموضوع خطية كلش خجلت
بس مبين عليهة الفرحة
كالت شلون اصير زوجة شيخ حسن واني مرة
بسيطة
كتلهة هي بساطتج الجابتنة الج
حددنة موعد الخطبة ورحنا شفناهة
والدي شافهة بس حبيبي جان كلش خجلان
كلساع وكال هاي شورطتيني اوف منج
بس من كعد وياهة وشافهة بعد
ما كال شورطتيني ههه
الحمد لله سارت الامور بشكل سلسل
وصار زواج والدي بلا حفلة مجرد سوينة
عشة للعمام والخوال وبعد العشة جبنة
آمنة للبيت
ودخلناهة غرفتهة ودخل بابا وراهة
قبل لايدخل اجة باسني من راسي وكال
لوتنجمع كل نساء العالم على ان يفرقوني
عنج ميكدرون شلون عيوني يفاركن ضواهاو شلون قلبي يفارق نبضه
حبيبي ربي لايحرمني منك حضنتة بكل قوتي
وشميتة بحيث احس ريحتة وصلت الريتي
كتلة يلة يابة آمنة وحدهة خطية لاينكسر
خاطرهة
راح وظليت افكر صح فرحانة زوجت بابا
بس اخاف آمنة الهة وجه ثاني
استغفر الله شنو سوء الظن الصاير عندي
يعني امجد عندة وجه ثاني قابل كل
الناس مثله
عالطاري امجد دك موبايلي هذا هو اهوووو شيريد
الوو
الووو شلونج فطومة
الحمد لله برحمة الله
هسة اكيد انتي ضايجة ؟
ليش اضوج ؟
سمعت اليوم ابوج ازوج
اهااا هيج السالفة لا لتخاف مضايجة
اكلج فطومة ما الله يهديج وترجعيلي
الحمد لله الله هاديني ومال رجوع هذا شي منتهين منة ماارجع ...
مو احسن الج من كعدت البيت ونوب اجتج زوجة ابو
منو كلك اني كاعدة بالبيت وبعدين بالنسبة الزواج والدي اني زوجتة بنفسي
لعد شسوين اذا ماكاعدة
امجد اني عندي وظيفة والحمد لله ربي موفقني
وظيفة؟!!
بلي
وين ؟؟
اصور شي ميخصك
انتي شلون تتوظفين واني مفكرتي بية مفكرتي كلبي مشلوع زين عالاقل انطيني خبر
خليت وسديتة وقفلت الجهاز ياربي شلون بشر هم مطلكني وهم يحاسبني
.....
بمرور الايام مخاوفي كلهة تلاشت بخصوص
امنة طلعت درة مرة حبابة وطيبة
نكعد سوة متقبل الة ينتظروني ناكل سوة
ومتقبل اظل بغرفتهة حتلو مالهة خلك
متقبل تتركني وحدي
طبعاً افضل قرار اتخذتة هو زواج والدي
خطية كان فرحان بس علطول خجلان مني
لذلك جنت دائماً اظل بغرفتي حتة لا احرجة
خطية يستحي هههه
عملي بتقدم والمؤسسة صرت الي بيهة بصمة والكل
يتكلم ...
