ظلمتج مرة مستحيل اظلمج مرة ثانية
اني اترخص وانتي فكري براحتج لا تضغطين عالنفسج
اخذ راحتك يابة
...طلع بابا واني حسبة تاخذني وحسبة اجيبني مادري حسيت نفسي مااعرف شأريد
شخصية استاذ علي شخصية نادرة احسة مزيج من كل شي احس اعرفة من زمان بس بداخلي اكو تخوف ترسبات تجربتي السابقة
ظالة متغلغلة بروحي وفكري الخوف مسيطر
علية
ظليت على هذي الحسبة سبوع
لا اني كايلة اي ولا لا
بدة والدي يلمح بس ميفيد اسوي نفسي ماافهم
الى ان فاتحني كال شرد للناس شاكول
ليش هو دز عليك يريد جواب
لا مدز لان هو كال براحتهم خل ياخذون الوقت
الكافي فاكيد لو بعد سنة ميدز هو هذا استاذ علي كد حجايته
يابة بعدني حايرة لا اكدر اقبل ولا اكدر ارفض
بنتي طلعي الماضي من راسج وفكري بحياتج وبمستقبلج بصورة صحيحة
يابة اريد ازور
هاا اي يلة خل اخذج
رحت زرت وصليت ودعيت وتوجهت للضريح
من جهة راس الامام عليه السلام وبجيت ودعيت الله والامام ان يوجهوني للبيه صالح اذا شيخ علي الرجل المناسب كون اصير القسمة بس اذا
مو هو المناسب الي ياريت تصير عراقيل ومتصير القسمة
طبعاً ارتاحيت وحسيت بخفة وكأني خالية
من كل هموم ومشاكل
رجعت اعطيت الوالدي جوابي وهو القبول
والدي كلش فرح لان كان يتمنى تصير القسمة من شيخ علي لعلمه باخلاق الشيخ وسيرته
وصل والدي الخبر لشيخ وصار موعد يجي بيه
البيتنة ويطلبني رسمي
اجة وتحدث مع والدي عن الامورالرسمية وبعدين
والدي اصر ان اشوفة ويشوفني حتة يصير تفاهم
فطلب الشيخ علي من والدي طلب بوقتهة
حيرني كلة خل تتفضل استاذة فاطمة بس لا تخلع البوشية
اني هماتين منزعتهة ودخلت عليه والرجل كام احتراماً الي وكعدوا واني كذلك بعدين والدي كام كال اخذوا راحتكم هذا حقكم شرعاً
سكتنة لبرهة ثم قاطع السكوت صوته الهادئ
وكال اني بعد وفاة زوجتي مفكرت ازوج
لان بوقتهةكانت صدمة الي واني بطبيعتي
اتاثر بالمواقف
لكن من شفتج بالمؤسسة اثرتي فضولي
الاثار فضولي هو عقلج ولسانك المهذب
المصقول بالعلم والمعرفة
لذلك تحريت عنج وعرفت مكان ظاهر
وكل الجوانب الظاهرة شدتني وجذبتني
فما فكرت ولا مرة في كيفية شكلك
لاني اريد عقلي وعقلج اليقترن فميهمني الجسد
اتأخرتي بالرد فكلت اكيد السبب العمر رغم اني
مااعرف عمرج وعطيتج الحق لان اني جبير
قاطعتة
لا ابدا المسألة مالهة دخل بالعمر لكن ...
اني صاحب تجربة وانتي ايضاً وثنينة عانينة بسبب هذه التجربة وبقت ترسباتهة عالقة باذهانة
ومرهقة افكارنة فياريت لو نقلب صفحة الماضي
نبدي صفحة جديدة اني وانتي
ثقي مراح تندمين اني راح اسعى جاهداً حتى اخليج سعيدة وعملج بالمؤسسة يبقة عالوضعة
الزواج مياثر عليه
كتلة ان شاء الله
بس بقة الك حق لازم شوفني اعرف عجبك عقلي
بس مهم عندي تشوف وجهي اخاف بعدين يصير غير شي
لا لا ابد مو مهم عندي
هسة اكو شي بالج ملاحظة مقترح اوراق او امور معاجبتج
ههه لا استاذ ماعندي شي
خوش اترخص اني وان شاء الله بداية موفقة
....
طلع واني راسي كام يفتر ويقارن بين امجد وبين استاذ علي
يعني فرق من الثرا للثريا
صدك انسان خلوق
تحدد موعد الخطبة وهو نفسه عقد كان طلبي
من والدي بلا هوسة ولا اريد احد يجي هيج جانت رغبتي وطبعاً والدي لبالي رغبتي
بعد ماعقدنة تركنة والدي حتة نبارك البعض
اني رفعت بوشيتي كنت مخلية مكياج بسيط كلش وفالة شعري بس منزعت العباية ظليت لابستهة
هو من شافني خطية كلش تفاجئ
كال انتي منوو؟!!!
هاااا اني فاطمة
لا مامعقول!!
ليش اكو شي بيه؟
لا بس صدقتي من كلتي خاف بعدين يصير غير شي اني لوشايفج قبل العقد مكان قبلت
هااا بكيفك استاذ مصار شي عتبر معقدنة كمت بعصبية محسيت الة ايد جرتني
لا بالله العظيم مكان هيج قصدي
لعد شنو؟
يعني اني متفاجئ
من شنوو؟
يعني الكل تحجي باستاذة فاطمة توقعت مرة جبيرة بالعمر مو طفلة
اهاا طفلة شنووو!!!
بس ابعدي نظرات عيونج عني ترة هيج مااكدر احجي
هههه عيوني شعليهن
الله عليج انتي فاطمة لو مبدليج ؟
هاي شنو بلة معرفت وجهي زين وصوتي؟
هنا المشكلة نفس الصوت ونفس الحدية نوب اني جنت اتوقع ست فاطمة مرة جبيرة بس صوتهة ناعم
ههههه هاي شلك بيهة
اي ثقي
زين ليش لو شايفني شيفرق ؟
هواي يفرق
وضح ؟
اني جبير عليج وبعدين انتي بعدج بداية شبابج وماشاء الله عقل ودين وحسن مااحس اكو تكافئ بيناتنة
لا استاذ لادكول هيج اني مااشوف هيج
اه يعني مقتنعة بية؟
اكيد
ان شاء الله اكدر اسعدج وهذ راح يكون طموحي
اسعادج
لعد وسعادتك؟
سعادتي من سعادتج
اذكرت كلمة امجد ،اسعديني واسعدج ،
مرت فترة الخطبة بشكل جميل جداً الحلو بعلاقتنة اني افهمة وهو يفهمني حتة بلا منحجي عبالك نعرف بعض من سنين والاشتياق جان كلش نشتاق
البعض وخطية هو ميقبل يجي علينة يستحي من والدي بس يومية انام على صوته وهو كذلك
مرة خابرتة وسمعت صوتة ضايج كتلة خيرك علي شكو كال ماكو شي
شلون ماكو لعد صوتك
لا ابد ماكو اني اخابرج بعدين هسة مااكدر
نهيت الاتصال وظل بالي مشغول شكو ليش هيج
يتبع..
