|| رواية صفقة عشق ||

✨part14✨

انا لم اتغير
لكن ابتعدت عن كل من لم يعرف قيمتي
لا ليس هذا بصمت رضا ، ولا حتي صمت عتب
هو نوع اخر من الصمت اسمه

"لكم حياتكم و لي حياتي"

مراد دخل لقا كارما نايمه علي المكتب و حالتها تصعب علي الكافر الدادة جت من رواه

دادة : العصير يا بني

مراد : شكرا يا دادة

و راح قرب من كارما و شالها و نايمها علي السرير
و بعدها خرج و قفل الباب

مراد : دادة هي كارما ليه نايمه في ساعه زي دي دي الساعه لسه 9

دادة : والله يابني كارما مش بتنام اصلا دا اليوم في 24 ساعه هي بتنام ساعه في 24

مراد : ليه كده

دادة : قلقانه اوووي علشان هي في تالته ثانوي
و كل ما نتكلم معاها نقولها تنام مش بترضي
دي نامت كده اصلا من كتر التعب دكتور يوسف جه من كام يوم و شدوا مع بعض علشان الموضوع دا

مراد : ليه يعني

دادة : علشان هي مش واخده بالها من نفسها اخر مره أغمي عليها في المول و هو مش عايز حاجه زي كده تحصل تاني ربنا يستر بقا

مراد : يارب طيب يلا دادة انا هامشي دلوقتي و لما كارما تصحي ابقي قولي لها اني جيت و خليها تكلمني

دادة : اي مش هتشرب العصير

مراد : لا والله يا دادة مش وقته خالص المره اللي جيه تتعوض بس متنسيش تخليها تكلمني

دادة : حاضر يا بني

مراد : صح يا دادة هي كارما اوقات دروسها امته

دادة : تقريبا عندها درس الساعه 12 بكره بس كارما مبتاخدش دروس هنا في البيت خالص

مراد : ليه

دادة : علشان مش بتحبهم يشوفوا كاميليا أو تتعامل معاهم علشان اسلوب كاميليا مع المدرسين مش لطيف بس

مراد : اه ماشي يا دادة انا هامشي انا بقا مع السلامه

دادة : سلام يا بني

مراد خرج من الڤيلا و تليفونه رن

الشخص بخوف : الو يا مراد باشا

مراد بجديه : الو يا سامح عملت اي

سامح : كاميليا بتحاول تخرج إسلام بس مفيش فايده و انا و الرجاله قايمين بالواجب مع إسلام جوه الحجز و بره و متقلقش مفيش اي زيارات بتدخله