✨افكركوا✨
لتقول ريم بصوت عالي وصدمه وغضب : " كان عايز يتحرش بيكِ ...".
وضعت كارما يدها علي فم ريم وقالت: "وطي صوتك الله يخربيتك، ما تروحي تقولي لسما احسن".
أبعدت ريم يد كارما وقالت بصوتًا منخفض: "هو دا الموضوع الي كنتِ عايزه تقوليه لسما صح؟ ".
"بصراحه اه بس خفت خفت متصدقنيش هو في الاول والاخر خطيبها ممكن يبقى جوزها لكن انا حد غريب مهما قربنا انا غريبه ".
ضربت ريم كارما علي معصمها وقالت: " انتِ بتقولي اي فوقي ها فوقي سما بتحبك اووي معتبراكِ اختها زي زيك كمان حازم اى اللي تصدقه دا أنتِ نسيتي أنها مش بتحبه وعايزة تسيبه اصلًا بتطلي هبل ".
تنهدت كارما لتقول ريم: "طيب دلوقتي ناويه تعملي اي هتقوليلها ولا؟ ".
" لا مش هقولها كده كده هي هتروح تشوفوا في الفندق بكره فـَمش هقول ".
قالت ريم بتفهم: " عندك حق بس لو الحوار مظبطش بكره تقولي لها تمام يا حبيبتي، نامي دلوقتي وربنا يسترها بكره ".
" تمام، يا رب، يلا تصبحي علي خير ".
" انتِ كده بتطردني من الاوضه بتاعتك بس بشياكه يعني ".
" يلا يا ريم من هنا ".
خرجت ريم ركضًا من الغرفه عندما رأت كارما تمسك بالوساده كي تقوم برميها علي ريم لتظهر ريم رأسها من عند الباب وهي تقول: "مجتش فيا ".
ولكن ات من الخلف ضربه علي مؤخرة رأسها لتسمع صوت محمد وهو يقول: " بس دي جت ".
قالت ريم بنظره باكيه مصطنعة: " حسبي الله ونعم الوكيل فيك يا شيخ ربنا علي الظالم والمفتري ".
ذهبت ريم ركضًا كي لا يضربها مجددًا ليضحك كلا من محمد وكارما لتقول كارما: " ليه عملت كده؟ ".
" مش عارف بتطلع روحك وانتِ بتسامحيها عادي ".
"هو انا ليا غيركوا اكيد لا ومهما عملت فيا هفضل احبها واسامحها طول عمري ".
اقترب محمد من كارما ووضع قبله علي رأسها وقال: " ربنا يخليكِ لينا يا رب ".
" ويخليكوا ليا يا رب ".
خرج محمد من الغرفه وهو يقول: " يلا روحي نامي تصبحي علي خير ".
" وانتَ من اهل الخير يا قلبي ".
★******************★
أنت تقرأ
|| رواية صفقة عشق ||
عاطفيةاي اللي هيحصل لو اب شك في بنته و أجبرها أنها تتخطب ؟؟ هل هتسمع كلامه ؟؟ من هيكون السبب في الشك دا ؟؟ || صفقة عشق || هنشوف اللي هيحصل مع بطلتنا و بطلنا ❤️ هذه الرواية مكتملة بالفعل، ولكني اقوم بالتعديل فيها، ساحولها الي لغة عربية الفصحى، لأنها كانت...
