( خَاضوا الحَرب سويآ)

البارت السابع..❤

بغداد
ظُهرآ
___________

أستوقفني صوت السلاح إلي أنسحب بقوة
وقشعر بدني من الصوت!!
غمضت عيوني بقوة
ورجعت أله ،

دموعة بعيونة!! المسدس على رأسة جاهز يطلق. على نفسة ، بكل تشديد مني وضغط نفسي
حجيت

: لك شدسوي بيه شدسوي ؟!

أبتسم أبتسامة على طرف شفتة!! أبتسامة
كاذبة ، مُزيفة
رد

: حتخلصين مني وردتي!!

شديت على أسناني! وجسمي يرتجف  ، مسحت جبهتي المُتعرقة وحجيت

: لتتخبل ، فارس نزل هالمسدس من راسك

هز راسة يمين ويسار!!
ودمعتة تنزل ، يحجي

: شخسرانة اذا جيتي وياي

حاولت أهدء من نفسي وأهدئه!! حجيت اتقرب منة

: فارس!! إذا نزلت هالسلاح نتفاهم

حجة، بلهجة ونبرة حزن شديدات!!

: تجذبين اعرفج من عيونج!!

سحب أقسام ، صرخت مُرتجفة ، تقرب !! اسحب بأيدة من رأسة احاول انزل المسدس
وهو قوي ومقوي قبضتة ويصرخ بيه بكل جوارحة

: لتتقربين وخري كتلج لتتقربين!

، دموعي تنزل بلا حيلة تلاويت أنا ويا على
هالسلاح! روحي مفرفحة علية
وأصرخ بوجهه بكلمات ماعرفها أو يمكن أهذي!!
بس أريد نطلع
من هالموقف سالمين

صار السلاح بين بطني وبطنة!! وميفصلنة غير كم أنش
وجوهنا مقابلة بعضها
والعيون تقرأ الحديث !!
أبتسملي بوسط حزنة

: لتخافين علية!!

بجيت بقهر ،، : لخاطري عوفة لخاطري !!

،، : خاطرج وصلنا لهنا رنا!!

سحب أقسام مرة ثانية ، فزعت مغمضة عيوني
اتوسلة ،
تقرب علية ،، نام على كتفي يشم بشعري
دموعي ملئوا ملابسة
وسحب أقسام مرة لخ
وهو يحجي

: أحبج! ياحلمي أنت وكلهم كوابيس!!
بس انت الحلم الوردي وراح أصحى منة
وردتي لتذبلين

أطلق.. بصوت الطلقة صرخت بكل جوارحي!!
دموعي تجري وصرخاتي مُتتالية
بدأ يثكل جسمة وينزل للأسفل!! واني حاملتة
بأيدي
أهذي

: فففارس فف ا رس باوعلي لتموت لتموت

، حضنتة بأيدي!! حضنت وجهة بأيدي
يلفظ أنفاسه الاخيرة !! وأنملئ بالدم.. ودموعي تنزل على وجناتة

: اروح وياك اروح بس أصحى!!
فارس ليش تخليني ابجي أنت مو متريد ابجي
يلا انهضض أمسح دموعي

حضنت راسة على صدري ودموعي
تنزل!!
شسوي هسة ؟ شنو العمل.،، صرت اتخيل نفسي بالسجن وصرت اتخيل نفسي على حبل المشنقة!!
بسبب جُرم م اجرمتة