( خَاضوا الحَرب سويآ)

البارت العاشر..🌟

الأنبار
ليلآ..

________________

نهضت.. من مكاني  أتساءل

: وين رايح ؟

حجة مسرع  : كتلج لا تفتحين الباب لأحد!!

طلعَ وسد الباب بقوه بقيت حايره! وين رايح
شبي مستعجل هذا ؟! عزة
بس لا يموت وين اروح إني ؟
هسة إني شلون افكر بنفسي واعوف الرجال وحدة!!

بقيت كاعده للفجر!! واني أنتظر خبر منه!!
أنفتح الباب نهضت بهمة ،، وفضولي مشه قلبي
جان شاد راسه بجراويه
دشداشته متربة
حجيت

: وين جنت ؟ شصار

باوعلي  تعبان.. وحجة  :
وخري عني يرحم
أبيج

أبتعدت عنة وراح دخل الحمام!! واني كاعده
منعسة
طلع مبدل.. واجه للمطبخ
يشرب مي
ويطك بيض ياكل

، سحبت نفسي ورحت دخلت الغرفة نمت ماصحيت
إله الظهر
نضهت من مكاني غسلت وجهي!
ورحت للمطبخ شفتة كاعد هو ورجال ثاني

شافني ،، خنزر بعيونة يعني ' فوتي جوة"
رفعت إله حواجبي!!
ودخلت فتحت الثلاجة أخذت مي ورحت
واني اتلافى النظر اله
أخاف اباوع!!
بس احنا بغداد هاي اطباعنا.. !!

، بقيت كاعده اشرب مي بالغرفة متوتره
امثل البرود.. !
سمعت الباب الخارجي أنفتح وأنسد
عرفت الرجال طلع!!

سحبت نفس بخوف!! اجه علية عيونة حُمر دفع الباب بقوة وصرخ!!

: طالعة مكشفة جدام الرجال؟ انتي شجاج

ضليت ساكتة..
وهو يصرخ

: ماتهذرين اشو ساكتة كبل شويه تتمركصين
بحواجبج علية

سحبت الوضع شكلة معصب...
رجعت للخلف وحجيت

: شمدريني مشفتك!

رفع حواجبه بعدم تصديق! يصرخ بيه

: تدرين هذا الرجال راح يكوم يصيحلي
" الكواد"  عجبج سويتي الي براسج! هساع انا شكول للناس

نزلت دموعي بخوف ودفعتة عني!!
اصرخ

: كتلك مادري، بغداد ماجنة هيج نسوي

صرخ  : هسه عينة انتي بالأنبار!! ولزوم الماجنتي
تسوي تسوينه غصب عنج
فهمتي!!

هزيت رأسي بتفهم.. واني دموعي تنزل
استغفر ربه وحجة..

:ياحرمه ياحرمة لا تبجين! والله بحالة عصبية
صرخت بيج

.. حتى بنصِ الاحراج السويتة
إني هو يعتذر
حجيت منزلة راسي خجلانة

: اسفة والله بعد ماعيدها

حجة متفهم.. : استغفر الله يلا يبه يلا

.. طلع من الغرفة وإني بقيت كاعده
مسحت دموعي ، شكد كُلهم وحباب
ربي أحمدك واشكرك سخرت لي هذا الأنسان  ..