( خَاضوا الحَرب سويآ)

البارت الثاني ♥

♥ , بغداد
المغرب

_________________________

كَلت كلماتي وفزعت حافية.. أركض بالشوارع أدور
عنها كُل افكاري توقفت ، م افكر بشي غير بس
" امي" وين راحت
ليش راحت ؟!
والبنات يركضن وراية.. توقفت من التعب
والدنيا صارت ليل
والناس بدأت تطلع ، واني أركض  وشفافي متفطرة
حجت رشا

: لج عيني شربي مي، مو حتموتين

أنداريت عليها ودمعتي بعيني

: رشا وينها؟!

هزت رأسها بتعب وحجت

: ماعرف ماعرف!

أجة " عمو محمد" جيرانة بدشداشتة السودة
وعكَالة " تقرب منة وكال بتساؤل

:  ها عمي رنا شعندج بالشارع خوما اكو شيء ؟!

حجيت بوهن

: امي ماعرف وينها..

رفع حواجبة باستغراب وحجة

: يعني شلون متعرفين بنتي تأكدي

حجيت

: والله ماكو صار ساعة أدور

حجة وهو يستغفر..

: درجعي للبيت بنتي وهسة اخلي الولد
يطلعون يدورون عليها

ناداهم واحد واحد.. ' وحجة الهم على السالفة
حجيت بفجع

: عمو عليك الله خليني اروح وياهم
والله مارتاح اله اخذها بأيدي

حجة " لا عمي ميصير .. انت حتى روحج
ممرودة روحج

جرتني رشا قصرآ عني.. ومشت بية
وكالت

: حتموتين يولي وجهج صار ازرك

مسحت دموعي
واني أستنجد برب العالمين.. الكاها
وصلنا البيت
جلست على الكرسي
روحي.. ممرودة على امي
جتي رشا وقدمتلي اخذتة من ايدها ورويت عطشي
حجت

: ح جيبلج شي تاكلي

رفعت ايدي .. بالمنع وحجيت

: ماريد عفية عوفيني

تأففت وجلست على الكرسي بجانبي
وحجت

: ياعيني هيا اول مرة اشو كل يوم الثاني
طالعة وتلكيها وترجعيها

حجيت : شلون بلة ؟! ابقى على هذة الطاري
تطلع ونجيبها.. يعني اني م الكة حل نهائي
لهالشغلة والله تعبت

تقدمت
ومسدت على ظهري بمواساة
وحجت

: الله كريم يلكوها لتخافين

أستنجدت بربي وكلت " آمين"

انتظرت ساعة
ساعتين.. واجة السحور لا امي ولا الولد اجوي
يمي رشا نايمة
رحت مرتجفة اهز بيها
واحجي

: رشا! رشا كعدي اني ح اطلع بعد ماعرف
اكعد انتظر

فزت تفركُ بعيونها
ولازمتني من زندي..

: دربالج والله اطيح حظج وين طالعة
بهالليل كُل عقلج

جلست على السرير.. ودموعي تنزل بحرقة..
وهي تمسح على ظهري وتستغفر
نهضت بهمة ومسحت دموعي وحجيت .

: ماكدر رشا ماكدر ! لج هاي امي الله اعلم
بيا ارض هسة هيا

جرتني مرة ثانية وحجت

: رجلية على رجليج.. الله اعلم تطلعين
يخطفوج يغتصبوج وتصير البلوة بلوتين

جلست مهدودة حيل ايدي على وجهي
بأرهاق
حجت

: اني ح اتسحر واتصل على والدتي اكلها
اني بايتة هنا

هزيت راسي ونهضت عايفتها
طالعة على بيت  " ابو محمد " دكيت الباب وطلعتلي " امُ محمد" حجيت

: هلا خالة

حجت: هلا عيني هلا بيج

حجيت: خالة عفية م أجة عمو ابو محمد

حجت: لا والله خالة طلع من ورا الفطور هو
والولد مرجعوا .. حجالي على امج
الله يكون بعونج

سلمت عليها وعفتها ورحت.. خيبة بعد خيبة
تعبت حيل تعبت

رجعت للبيت وحجت " رشا "

: ها وينهم

هزيت راسي وحجيت  : ماكو مرجعوا

حجت : ح اخابر اخوية ضابط بلكي
يطلع بالدورية يسوي شي

حجيت : لا ! لا لتسوين شي الوضع موزين
وهو عسكري كُل شيء يصير

حجت : اي وامي تخاف علية
خلينا بوحدة ولا تصير بأثنين

مر اليوم.. بصعوبة واني على كلاص المي. الي انطتة الي  " رشا"

اندك الباب واجة محمد ابن ابو محمد "
يحجي

: رنا امج بدار المُسنين

_____________

🔗🌟 اعتذر ع بارت القصير
بس والله م دالحك...
استمتعوا