حب طال كتمانه

الفصل السادس

                     
فور اغلاق خالد للمكالمة مع ميس وقف ليخرج من مكتبه ويذهب لمكتب والده حيث طرق الباب عدة مرات ثم جاءه الرد من والده ليأذن له بالدخول فيدلف خالد إلى الداخل فيجد والده مشغول بالاوراق المبعثرة على المكتب أمامه

خالد:بابا حضرتك بتعمل ايه ؟!

إبراهيم: بظبط ورق كده و ترتيبات خاصه بإقامة  بعمتك هنا ف مصر هي خلاص هتستقر هنا ف مصر هي وولادها وهيعيشوا معانا في القصر  في لازم اظبط حاجات مهمة كده لإنها هترجع بكره عشان تحضر خطوبة ميس

خالد:یاااه..يابابا بقالها کثیر اوووي مسافرة باتري عيالها بقوا عاملین ازای دلوقتي

ابراهيم بمرح:لولا ان معندهاش بنات كنت هقول اتك واقع ياض

خالد:ههههههه في رجل اعمال كبير زيك يقول ياض عيب عليك ياهيما والله

إبراهيم:هيما !!إلا ده انت شكلك شارب حاجة انا غلطان اني قولتلك كان المفروض اسيبك على عماك كده زي الباقيين ومقولكش

خالد:يااااه ده انت قلبك اسود أووي مكنش العشم

إبراهيم:اما انت مهزق صحيح امشي يلا من هنا مش فاضيلك

خالد بمشاكسة:خلاص يا باشا متزوقش طیب

إبراهيم:هههه خفیف

خالد:طول عمري شربات

إبراهيم:خلاص ياشربات ياختي روحي كملي شغلك

خالد بدلع مصطنع:خلاص ياحج اديني رايحة اهو هههههه

وبعد خروجه تمتم ابراهيم في سره:الواد باينه اتهبل ولا ايه ؟ 🤨
*********
عوده للمول مع الثلاثي المرح 😂

يارا:يخربيت سنينك ياميس انا دراعی اتخلع

حلا:اه يابنتي والله و انتي الصادقة انا قربت اتشل

يارا:انتي قربتي تتشلي انا اتشليت خلاص 😂😂

میس:انتو متغاظین بس عشان هتعنسوا وانا هتجوز قبلکم 😂😂

حلا:انتي تسكتي خااالص بعد كل اللف والدوران ده ومن محل لمحل ومافيش حاجة عاجباكي وفي الآخر لما عجبتك حاجات احنا اللي ماشيين نشلهالك (ثم تابعت بصدمة مصطنعة 😂) وكمان فوق كل ده هعنس!!!🥺😮

فور انتهاءها من كلامها انفجرت كلا من يارا وميس من الضحك على طريقتها الطفولية وقالت

ميس بصعوبة من بين ضحكاتها:عالفكرة انتي بس اللي هتعنسي انا خلاص خطوبتي النهاردة ويارا كمان مظبطة مواضيعها وانتي اللي غلبانة يا حراام

حينها ارتفعت ضحكاتهم سويا مرة اخري حين توقفت حلا وهي متفاجئة لتقول:ثانية ثانية بس كده يعني ايه تبقي يارا مظبطة مواضيعها وانا معرفش