حب طال كتمانه

الفصل السادس عشر

(صباح الخير علي احلي نيمو في حياتي انا عارف انك زعلتي اني مشيت وانا اسف بس عارف اني لو كنت قلتلك اني هسيبك مكنتيش هتسبيني امشي وكنت هضعف واقعد جنبك....زي ما انا عارف كمان اني كنت بتلكك بالشغل... بس صدقيني مكنش ينفع افضل معاكي لانك كل ما تكون في حضني وانت مش حلالي بحس بالذنب و عارف اني مكنتش مهتم في الاول بس بعدها فهمت اني بغلط فعلا و حاولت اخلیکی حلالی بس معرفتش لان عدتك لسه مخلصتش....في عشان كده عمی موافقش اننا نكتب كتبنا...عارفه لو مكنش عدتك كان زماني واخدك في حضني من غير خوف لانك كنتي هتبقي حلالي بس كتير حاجات بنتمناها ومابتحصلش....وكمان عايز اعترفلك بحاجه مهمه كنت مخبيها عليكي...ميس انا بحبك ومقدرش اعيش ثانیه واحده من غيرك وكنت غبي وقت مفكرت اني في يوم حبيت منی بس انا عمري ما حبيت حد غيرك يا ميس ولا هحب حد غيرك...عشان كده كنت ديما بضعف قدام دموعك وكنت دايما بخدك في حضني واليومين اللي فاتو علي قد ما كانو صعبين عليكي كانو اصعب عليا بكتير صدقيني....كل يوم وانا بشوفك منهاره كنت بخدك في حضني برغم انه غلط لانه صعب عليا اووي اني اشوفك كده وابعد....بس انا لازم ابعد لحد ما تخلصي علاج....بعدي عنك هيبقي احسن وانا عارف انو هيبقي صعب عليكي تكملي علاجك من غير وجودي معاكي بس كان لازم ابعد واسيبك تتعالجي من غيري و خليكي ديما عارفه اني بعيد بس قلبي وروحي معاكي ديماً....وهطمن عليكي ديماً ميس انت كل حياتي وصدقيني انا مستني اليوم اللي ترجعي فيه مصر بعد العلاج بفارغ الصبر عشان اول ما ترجعی هنتجوز و تكوني ديما في حضني ومعايا ونكمل بقيت عمرنا مع بعض....ومش هتكوني زوجه تانيه ابدأ انا هطلق مني لانك انتِ الوحيده اللي في قلبي وكمان هتبقي الوحيده في حياتي واللي ليها حق فيا لوحدها من غير ماحد يشاركك فيا خلي ديماً الجواب ده معاکی عشان تفتكريني طول الوقت وعشان يساعدك تتحسني بسرعه وتوفي بوعدك وترجعيلي ميس حببتي اللي هفضل طول عمري بحبها ولحد آخر نفس هحبها
(خالودك انتِ لوحدك)

قرات ميس الجواب وعيونها مليئة بالدموع فهي فضلت حب حسن والتعلق به ولم تنتبه انها تجرح قلب احبها بشدة وبكل جوارحه ومع ذلك احبت هي قلبا لم يزره الحب قط ظلت تبكي وتندب حظها وهي ممكسة بالجواب تحضتنه بشدة وظلت على هذه الحال لوقت ليس بقصير الى ان افاقت من نوبتها تلك وهي تقول في نفسها....

_انا لازم ابقي قوية وارجع ميس القديمة واخلي خالد فخور بيا ومخليش اي حد يكسرني او يهني تاني أوعدك يا خالد اني هتغير وهتغير للاحسن كمان انا بوعدك ♥️
***********
مر حوالي خمسة اشهر
منذ سفر ميس للعلاج وقد حدث ما لم يتوقعه احد فهذه اشبه بمعجزة حلت على عائلة الشافعي فهل ستكون هذه المعجزة جيدة ام سيئة هذا ما سنعرفه في الاحدات...

لم تدري ماذا تفعل ولا كيف تتصرف فهي كانت متاكدة بنسبة 100% انها لن تستطيع الانجاب فكيف لهذا ان يحدث هل تخبره ام لا هل سيفرح ام سيحزن هل يجب الاحتفاظ بالطفل ام اجهاضه هل سيحسن علاقتها به ام يجعلها تتدهور اکثر الف سؤال وسؤال يدور في رأسها ولا تعرف جوابا لهم همت بالخروج من المشفي وبداخلها صراعات كثيرة واستقلت سيارتها وعادت للقصر.....