ညနေ ၃နာရီ ကျောင်းဆင်းပြီမို့ ဒီဇင်ဘာသည် ဆိုင်ကယ်လေးစီးကာ အိမ်သို့ ပြန်လာခဲ့၏။ ခြံဝသို့ ရောက်သောအခါ ခြံဝိုင်းထဲ၌ ခြင်းခတ်နေသည့် သော်စစ်ကို ဦးစွာ လှမ်းမြင်လိုက်လေသည်။
" ဝေ့.....ကျောင်းဆရာလေး ပြန်လာပြီလားဗျ။ လာဗျာ အညောင်းအညာပြေ ခြင်းဝင်ခတ်ပါအုံး "
ကာလသားခေါင်းခွန်ထွန်းအောင်က သူ့ကိုမြင်သည်နှင့် နှုတ်ဆက်ဆော်သြလိုက်သည်။ ခွန်ထွန်းအောင်၏ စကားကြောင့် သူ့အား ကျောခိုင်းလျက် ခြင်းခတ်နေသည့် သော်စစ်က လှည့်ကြည့်လာ၏။ညနေစောင်းခါနီးအချိန်မို့ အအေးဓာတ်ရှိသော်လည်း သော်စစ်၏ မျက်နှာတွင် ချွေးစေးများထွက်နေပြီး ဖြူဖွေးသည့် ပေါင်တံနှင့် ခြေသလုံးသွယ်သွယ်တို့ကို ပုဆိုးခါးတောင်းကျိုက်ထားသဖြင့် မြင်တွေ့နေရသည်။ အမွှေးအမျှင်နည်းသည့် ခြေသလုံးမွှေးများနှင့် ကြွက်သားအနည်းငယ်ရှိပေါင်တံတို့ကိုကြည့်ရင်း သူသည် မသိမသာပင် တံတွေးမျိုချလိုက်ရသည်။ ချွေးစက်တို့ဖြင့်အရောင်လဲ့လဲ့ မျက်နှာဝင်းဝင်းလေးကို ဒီဇင်ဘာကြည့်ရင်း ပြုံးလိုက်မိသည်။ ချွေးထွက်နေတဲ့ မျက်နှာကတောင် လွန်စွာဆွဲဆောင်မှုရှိလွန်းလှသည်။ သူ့အပြုံးကိုမြင်လျှင် သော်စစ်က မိမိအား ပြုံးပြသည်အထင်နှင့် ပြန်ပြုံးပြ၍ ထိုသို့ စကားဆိုလိုက်၏။
" ဆိုင်ကယ်ကို အဖီအောက်မှာပဲ ထိုးထားလိုက်လေ။ မင်းပင်ပန်းနေရင် ရေစောစောချိုးပြီး နားပေါ့ "
" ရပါတယ် ။ ငါလည်း ခြင်းခတ်အုံးမှာ ပြီးမှပဲ ရေချိုးတော့မယ် "
သူ၏ စကားကို သော်စစ်က မျက်မှောင် အနည်းငယ်ကျုံ့၍
" တော်ကြာနေ အေးလာတော့မှာ မင်းမချိုးနိုင်ပဲနေမယ် "
" ရပါတယ် "
သူက ဆိုင်ကယ်ကို သော်စစ်ပြောသည့် နေရာတွင်ရပ်ကာ ပါလာသည့် ထမင်းချိုင့်နှင့် လွယ်အိတ်လေးကို အိမ်ထဲတွင် ကပျာကယာသွားတင်ကာ အဝတ်အစား ခပ်သွက်သွက်လဲလိုက်သည်။ သူပြန်ထွက်လာတော့ ခွန်ထွန်းအောင်၏ စကားသံကိုကြားလိုက်ရ၏။
ESTÁS LEYENDO
အချစ်ဦး (အခ်စ္ဦး) (Completed )
Romanceအချစ်ဦး သို့မဟုတ် ငယ်ချစ်ဦး အခ်စ္ဦး သို႔မဟုတ္ ငယ္ခ်စ္ဦး
