رواية حالة نادرة "هي وهو وشخصياته "بقلم نوران جمال

البارت الثاني

انهت ضحي تحضير حقيبتها وجلست علي السرير بنعاس لتنام وبعد مرور خمس ساعات رن هاتفها لترد هي عليه
ضحي بنعاس:الو..
حازم بغيظ: انتي نايمه قومي يا استاذه وخلصينا من المصيبه اللي عندنا في البيت ديه..
ضحي بغيظ:ديه طريقة تصحي بيها الواحد من النوم عموما انا نازله اهو واه هات فطار من بتاع الفول والطعميه اللي علي اخر الشارع..ثم اغلقت الهاتف بينما هو نظر الي الهاتف بإستغراب
حازم بإستغراب:فول وطعميه ..ثم زفر بضيق وذهب بالفعل ليأتي بالطعام حتي نزلت ضحي وفي الطريق
ضحي بهدوء:قولي بقي ايه حكاية كرم ده..
حازم وهو يأكل: عمل حادثه من شهرين اتسببت ان حصله كده وجبنا اربع دكاترة وكلهم بيعتذروا ومبيقدروش يكملوا..
ضحي بإستغراب: ليه..
حازم بضحك:لما توصلي هتعرفي وليه ديه المفروض انتي اللي تشرحيهالنا ..
ضحي بتساؤل:لمار عامله ايه ..
حازم بهدوء:كويسه قربت تخلص امتحاناتها ..
لتبتسم ضحي بهدوء
وبعد ساعتين وصلا هما الاثنان الي الفيلا ليستقبلهم سالم
ضحي بتساؤل:عمي انا نسيت حضرتك عملت ايه مع بابا ومع المدير..
سالم بهدوء:فريد وافق علي طول كمان عشان متقعديش لوحدك وبالنسبه للمدير روحتله بالحرس خاف منهم فوافق هههه...
ضحي بضحك:هههه طب كويس ..
ثم بضيق:يووه نسيت ثانيه بس هعمل مكالمه وجايه علي طول ..لتبتعد عنهم قليلا وتتصل بمريم
مريم بضيق:بقي انا اعرف من المدير انك مش جايه..
ضحي بهدوء:يا بنتي افهمي انا دلوقتي عند عمي عند انكل سالم ابنه تعبان وانا اللي المفروض اعالجه وهبقي اقابلك نتكلم اكتر بس دلوقتي اهم حاجه روحي لقمر البنت اللي كنا عندها امبارح متسيبيهاش لوحدها وانا هبقي اجي اشوفها ماشي..
مريم بهدوء:ماشي يا ضحي متقلقيش سلام..
ضحي بإبتسامه: سلام..
عادت ضحي الي سالم وحازم
سالم بهدوء: يالا ندخل..
فأومأت ضحي له ودخلوا جميعا الي الفيلا فاستقبلتهم لمار
لمار بفرح:ضحي قلبي..
لتحتضن ضحي لمار
ضحي بإبتسامه: وحشتيني ..
لمار بإبتسامه: وانتي كمان يا دكتورتنا يا قمر ..ثم اقتربت منها وبهمس :اهربي هتندمي علي مجيتك ديه يا ضحي..
ضحي بهمس:ليه في ايه..
لمار بهمس:كرم هيتعبك براحتك بس انتي صعبانه عليا..
ضحي بقلق:انا خوفت..
لمار بضحك:متخافيش انا بس بهزر معاكي هههه..
لينزل كرم من الاعلي وهو يرتدي الزي الرسمي للشركه
كرم بهدوء:بابا انا هروح الشركه مكانك النهارده..ثم نظر الي ضحي واكمل :وانتي عايز لما ارجع الاقي قهوتي جاهزه..ثم خرج بينما خرج حازم بسرعه خلفه حتي لا يتركه لوحده اما ضحي نظرت الي لمار بإستغراب
لمار بضحك:مش قولتلك بس احمدي ربنا هو دلوقتي بشخصيته الطبيعيه هو اغلب تحولاته بليل ..
سالم بهدوء:اطلعي فوق يا ضحي كملي نوم وبليل لما يرجع ربنا يحلها ..
فأومأت هي له بينما ذهبت لمار الي جامعتها من اجل الامتحان
وبعد مرور عدة ساعات كان كرم بهم بخير مما اقلق حازم فهو يعلم ان الشخصيه الاتيه ستكون صعبة في التعامل
كرم بهدوء:حازم ايه اخبار الورق ده..
حازم بهدوء:الورق مفيهوش مشكله احنا كده خلصنا يالا نرجع..
ليخرج كرم مع حازم ويصلون الي المنزل وعند وصولهم كانت لمار وضحي يتحدثان سويا
كرم بحده:انتي يا بنتي فين القهوه..
ضحي بهدوء:انا ضحي ..
كرم بمقاطعه:مش مهم..
ضحي بغضب:يا بني ادم انت انا ضحي بنت عمك يعني ضيفه عندكم هنا يعني انت اللي تعملي القهوه..
كرم بسخرية:لا يبقي امشي افضل..
ثم تركها وذهب الي غرفته بينما هي نظرت الي مكانه بصدمة هل احرجها للتو بينما في تلك اللحظه خرج سالم
سالم بتساؤل:في ايه..
ضحي بإبتسامه: مافيش ابنك كان بيرحب بيا بس ..
وبعد ربع ساعه جاء معاد العشاء ليأكلوا جميعا بإستثناء كرم الذي كان في غرفته
جاء الليل وفي غرفة ضحي
سمعت ضحي صوت اقدام في غرفتها
ضحي بخوف و في تفكيرها:الفيلا هنا فيها حراميه حرام عليك يا عمي .. ثم اخرجت رأسها من تحت الوسادة فرأت كرم فقررت ان تجاريه فيما يفعله
وفجأه يتم فتح الضوء ليظهر كرم
كرم بهمس:انتي انتي..
ضحي بهمس وهي تحاول مجاراته :نعم في ايه..
كرم بهمس:قومي عشان نلحق نسرق المكان قبل ما اصحابه يفوقوا ..
ضحي بصدمه:نسرق ..
كرم بحده وهمس:يالا بسرعه قومي انا هاخد الدهب والمرجان والالماس اللي هنا وانتي غطي عليا..
ضحي بصدمه:ده انا هغطيك واصوت مرجان مين هو انا مع علي بابا وافتح يا سمسم ..
كرم بحدة:انا المعلم كرم احترميني وانتي بتتكلمي يا قطه..
ضحي بمجاراة:حاضر يا سيد المعلمين يالا بينا ..لتقف هي وتأتي بحقيبه وتضع فيها العديد من الاشياء في الغرفة حتي وقعت منها الفازه ليستيقظ علي ذلك الصوت جميع من في الغرف بجانبها ليدخل سالم وحازم ولمار
سالم بإستغراب: انتوا بتعملوا ايه..
ليمسك كرم احد الزجاج من علي الارض وقام بوضعه حول رقبة ضحي مما جعلها تصرخ بصدمة
كرم بحدة:لو حد قرب انا هقتلها..
حازم بصدمة:انت بتعمل ايه يا كرم..
كرم بحده:قصدك المعلم كرم..
فنظروا جميعا الي بعضهم
سالم بهدوء ومجاراة:طيب يا معلم سيب البنت ..
ضحي بقلق:يا سيد المعلمين ده انا اللي بساعدك يا معلم تنساني..
كرم بهمس :بعمل كده يا بت عشان نعرف نهرب ونعيش بالمرجان ده..
ضحي بسخرية:احيه احيه مرجان وهنهرب بيه ...
كرم بمكر:الا لو هيتقلونا لازم انتي تضحي وصدقيني هحطلك مرجنتين عند قبرك..
ضحي بسخرية:جدع يا معلم..ثم نظرت الي سالم
وبهمس:اعمل حاجة هيقتلني..
سالم بهمس:هعمل ايه يعني..
ضحي بغيظ:ابدا انا هتصرف ..
كرم بإستغراب:بتقولي حاجه يا بت..
ضحي بضيق:ابدا يا معلم..ثم فجأه قامت بضربه بيدها بحده ليبتعد عنها ولكن عند ابتعاده وقع علي الارض بشده ليغشي عليه
حازم بصدمة:انتي عملتي ايه..
ضحي بصدمة:معرفش انا كنت ببعده بس لقيته اتقلب كده واترمي علي الارض ..
لمار بصدمة:المشكله ان احنا مش عارفين لما هيصحي هيبقي مين..
ضحي بسخريه: مش اسوأ من المعلم كرم..لينظر سالم ولمار وحازم الي بعضهم بسخريه فهي لم تري شيئا بعد من كرم..
ليعيدوا كل شيئ الي مكانه ويقوم حازم بحمله الي غرفته وتغيير ملابسه والشارب الذي كان يضعه حتي يكون المعلم كرم ثم يخرج
حازم بهدوء:يارب يا كرم تبقي كويس ..ثم ذهب الي غرفته بينما عند ضحي
اخرجت ضحي دفترها وقامت بتدوين ما حدث به من استنتاجات اخذتها من المعلم كرم ثم اخفت دفترها واستلقت علي السرير لتنام
ضحي بنعاس:يا تري بكره هتبقي المعلم كرم برضه ولا هتبقي ايه ..لتذهب في النوم وهي لا تعلم بما ينتظرها عند استيقاظها فهل بالفعل سيكون المعلم كرم ام احد الشخصيات الاخري..

لو عجبكم متنسوش التصويت والكومنت وبالنسبه للمواعيد هيبقي كل يوم بعد الفطار ان شاء الله
قولولي رأيكم في البارت🖤🖤❤