استيقظت ضحي من نومها ونزلت الي الاسفل فوجدتهم جميعا جالسون يتناولون طعام الافطار
سالم بإبتسامه هادئه: صباح الخير..
ضحي بإبتسامه: صباح الفل ..ثم بصدمة :فين كرم ..ليخرج كرم من المطبخ وهو يمسك كوب قهوه ويقوم بشربه
كرم بهدوء:بتجيبي سيرتي علي الصبح ليه وحشتك..
فنظرت هي له بجديه ليقترب هو منها وبإبتسامه :بهزر معاكي كنتي بقي عايزاني في حاجه ..
ضحي بإستغراب: انت مين..
كرم بهدوء: بابا اتصل بأنكل فريد قولوا بنتك اتجننت ..
ضحي بضحك وقد ادركت انه بالفعل كرم ولكن مزاجه جيد اليوم : كنت عايزه اسلم عليك بس ..
ليبتسم هو بهدوء ثم ذهب وجلس علي احد الكراسي بجانب والده
ضحي بجدية:انا عايزه اروح المستشفي النهارده فلو حد فيكوا خارج يوصلني في طريقه ..
حازم بإستغراب: انتي بتتكلمي بجديه معقول انتي ضحي..
ضحي بضحك:بحاول اقول كلمتين صح متقاطعنيش بقي ..
حازم بهدوء:في العموم انا مش هخرج النهارده ..ثم بفرح:النهارده اجازتي يا جدعان عايز كلو يبقي تمام ..
ضحي بغيظ:يعني ده ..ثم شاورت علي حازم واكملت:بيتريق عليا وهو فيه كل العبر..
حازم بفخر:تشكر يا ذوق ..
ضحي بضحك:ومافيش احساس كمان ..ليضحك هو هذه المره فنظرت هي الي سالم ولمار
سالم :النهارده اجازة الشركة فكلنا قاعدين في البيت حتي لمار مش هتروح الكليه النهارده ...
فزفرت ضحي بضيق
ضحي بغيظ:خلاص انا هروح لوحدي ..لتذهب بإتجاه الباب بغيظ ليوقفها كرم
كرم بضحك:طيب اهدي شويه لحسن تخبطي في الباب وانتي يا عيني وشك لسه قايم يتحسن هههه..
فنظرت هي له
ضحي بضيق:يعني انت موقفني عشان الكلمتين دول ..
كرم بإبتسامه: لا ..ثم وقف وذهب لها واكمل:تعالي انا هروح معاكي بما اني فاضي النهارده ..
صحي بفرح:بجد ..
كرم بضحك:يالا يا هبله ..
لتخرج خلفه ويدخلان هما الاثنان السياره ليقود كرم بإتجاه المشفي فكانت ضحي تشعر بشعور غريب وهي مع كرم كما كان يشعر كرم بنفس الشئ ولكن للاسف لم تتذكر هي انه في اي لحظه يمكن ان يتحول الي احدي شخصياته الاخري وهي معه بمفرده وذلك ما تذكره جميع من في الفيلا
حازم بصدمة: كرم ممكن يغمي عليه ويقوم يبقي اي شخصيه مختلفه ..
لمار بضيق:طيب هنعمل ايه دلوقتي ..
لينظرا الي سالم
سالم بهدوء:ضحي معاه متقلقوش بما انها دكتوره وفاهمه حالته يبقي هي اكيد عامله حسابها ..ثم وقف
سالم بهدوء:هروح غرفة الرياضه شويه لو عوزتو حاجه متجوش عشان مش فاضي ليكم ..ثم ذهب لتنظر لمار الي حازم ويضحكان
حازم بضحك:ابوكي فاكر ضحي هتتصرف وعامله حسابها هههه يا عيني مخدوع فيها هههه...
لمار بضحك:احسن لما نشوف هتعمل ايه يمكن يفضل بخير وزي ما هو لحد ما يرجع..
حازم بضحك:مظنش بس يالا ربنا يستر انا هطلع انام شويه ..ثم ذهب الي غرفته بينما هي الاخري ذهبت الي غرفتها
وفي المشفي وصل كرم وضحي لتستقبلهم مريم
احتضنت مريم ضحي بشده
مريم بإبتسامه: وحشتيني ..ثم نظرت الي وجهها واكملت:وشك كويس اهو هو يا دوبك وارم شويه صغيرين..
ضحي بضحك:يا بنتي ده بعد كورس علاج كامل مانتي مجربتيش اللي انا جربته ..لتضحك مريم وهي تعلم بأن هناك شيئ يحدث وان صديقتها ستخبرها به قريبا
مريم بإبتسامه: اهلا انت ..
كرم بإبتسامه: انا كرم ..
مريم بإبتسامه: اهلا يا كرم ربنا يكون في عونكم من الهبله ديه ..
كرم بضحك:ههه ديه غلبانه خالص ..
ضحي بسخرية:انا موجوده يا جماعه ..
مريم بإبتسامه :طيب خلاص متتعصبيش تعالي يالا نروح لقمر ..لتنظر ضحي الي كرم
كرم بهدوء:هستناكي في العربيه..
فأومأت هي له بإبتسامه ثم دخلت مع مريم الي قمر ..
فوجدوا قمر تجلس علي السرير وعندما وجدتهم يدخلون سعدت بشده وابتسمت وامسكت ورقه وقلم
ضحي بإبتسامه: انا مش جاية الون وارسم معاكي انا جايه اتكلم ..ثم جلست امامها واكملت:مافيش حاجه تستاهل انك تزعلي قومي صلي وقربي من ربنا وكل مشاكلك هتتحل لا عمر الانتحار كان حل ومكانوش قالوا ان اللي بينتحروا اغبيه لازم تعدي من المرحله اللي انتي فيها تاخدي ادويتك بإنتظام جربي تخرجي في جنينة المستشفي جربي تتكلمي مع مريم ومعايا ومع اهلك حطي لنفسك هدف واسعي لتحقيقه واشغلي وقتك بحاجه انتي بتحبيها مثلا انتي بتحبي الرسم خدي كورس رسم وحققي حلمك ان انتي تبقي رسامه مشهورة واهم حاجه تتكلمي ..ثم وقفت واكملت:انا دلوقتي لازم امشي واتمني انك تعملي بنصيحتي ليكي ..ثم خرجت هي ومريم
مريم بهدوء:مكنتش عايزه اقولها الكلمتين دول بس خفت تزعل مني..
ضحي بهدوء:كان لازم تسمع الكلمتين دول مني او منك وبما اني مش هنا فلو زعلت مني مش هيبقي زي ما تزعل منك لانك انتي اللي دايما معاها ..
مريم بإبتسامه: طيب خلاص امشي انتي وانا هحاول اقنع بابا وماما ان انا اجيلك بكره..
لتبتسم ضحي وتخرج من المشفي وتذهب الي السياره فتجد كرم نائما بها
ضحي بإستغراب: هو نام ..ثم بصدمة:يالهوي لازم ارجع البيت بسرعه قبل ما يصحي.. وبمجرد قيادتها للسياره استيقظ هو ..
كرم بإبتسامه: وحشتيني يا بت ..ثم نظر حوله واكمل:حلوه العربيه ديه سرقتيها منين يا سكره ..
ضحي بغيظ وهمس:مره فراوله ومره سكره ..
كرم بحدة:مش بكلمك يا سكره مبترديش ليه ده انا المعلم..
ضحي وقد وصلت لمبتغاها فهي لم ترد عليه حتي تعلم من يكون :المهم يا معلم ايه رأيك في العربيه ..
كرم بفرح:جميله جدا بس سرقتيها ازاي ..وفي تلك اللحظه سمعا صوت سيارة الشرطه
كرم بخوف:يالهوي وسعي يا بت اسوق انا ..ليأخذ مكانها في السياره ويقوم هو بالقياده بينما هي لا تعلم لماذا تجري الشرطه خلفهم
ضحي بإستغراب: هو في ايه..
كرم بحدة :لازم نخلص عليهم..ليخرج مسدسه من جيبه فهو دائما يحمل سلاحه
ثم قام بتصويب المسدس علي سيارة الشرطه وهو يقود
ضحي بصدمه:احيه يخربيتك والبيت اللي جنب بيتك يالهوي هنروح في داهيه..
كرم بحده:سوقي بدالي ..ليبتعد عن المقعد ثم قام هو بإطلاق الرصاص علي سيارة الشرطه لتقوم الشرطه برد اطلاق النار علي سيارة كرم
ضحي بصراخ:بس بس هنموت يالهوي حاسب يا كرم ..
كرم بحدة:اخرسي الرصاص بيخلص..
ضحي بصراخ:احييه احييه ..ثم اوقفت السياره عندما انتهي الرصاص من كرم لتحيطهم سيارتان من الشرطه
الضابط:انزلوا وارفعوا ايديكم بسرعه..لينزلا من السياره ويرفعا يدهما ليقوم الضابط الاخر بالامساك بهما...
ضحي بخوف:انا معملتش حاجه ..ثم بغضب:هو السبب هو السبب اشوف فيك يوم يا كرم...
الضابط :قولي الكلام ده في القسم يالا..بينما ظل كرم يحاول ان يفلت منهم ولكن لم يفلح ليذهبا الي القسم
فيا تري ماذا سيحدث ....انتظروا ....
ايه رأيكم في البارت وتفتكروا ايه اللي هيحصل متنسوش التصويت والكومنت 🖤🖤❤😂🖤❤
أنت تقرأ
رواية حالة نادرة "هي وهو وشخصياته "بقلم نوران جمال
Gizem / Gerilimهو له اكثر من شخصية حاول العديد من الاطباء معالجته ولكن لم يستطيعوا فهل ستستطيع طبيبتنا المجنونه مواجهة كل تلك الشخصيات شخصية شخصية ومعالجتها ام ستفشل .. هي مرحة للغاية طبيبة نفسية تحاول ان تتميز في عملها . هو لا يمكن وصفه فكيف سنصفه وهو اكثر من واح...
