رواية حالة نادرة "هي وهو وشخصياته "بقلم نوران جمال

البارت الثامن

وصلت ضحي وكرم ورجال الشرطه الي القسم
ضحي بضيق:ابعدوا عني بقي ده ايه ده ماشي يا كرم انا استاهل اللي انا فيه من وسط كل الدكاترة انا اللي رضيت بيك يا زفت..
كرم بهدوء وهمس وهو لا يفهمها:اهدي يا سكرة هنلاقي طريقه نهرب بيها ...وفي تلك اللحظه سمعهم العسكري
العسكري بحدة:بقي عايزين تهربوا من القسم تاني..
ضحي بغيظ:من وسط كل الكلام مسمعتش غير الجمله ديه..
العسكري بحدة:كفايه كلام ويالا عشان تدخلوا للظابط ..
ليدخلا فيجدا الضابط احمد جالس
احمد بسخرية:شرفتوني للمرة الثانيه ..
كرم بإستغراب: للمرة التانيه ايه انا اول مرة اجي هنا ..
احمد بحدة:انت هتستعبط...
ضحي بهمس ليسمعها احمد فقط:ممكن تخلي العسكري يخرج كرم عشان اعرف اتكلم..
لينظر هو لها بإستغراب
ضحي بهدوء وضيق:لو سمحت ..
احمد بحدة للعسكري:خدوا علي برة ..
كرم بحدة: انت عارف انت مين انا المعلم ..
ضحي بغيظ:اخرس بقي هتودينا في داهيه..ليخرج كرم والعسكري
احمد بهدوء:اتفضلي اتكلمي وقولي حاجه منطقيا غير الانفصام بتاع المره اللي فاتت ..
ضحي بهدوء:بص يا دكتور ..
احمد بسخرية:دكتور طيب كملي ..
ضحي وهي تكاد تبكي:انا عمري ما دخلت قسم غير مرتين في حياتي مرة وانا بعمل البطاقه والمرة التانيه بتاعة اول امبارح ...
احمد بهدوء:والمطلوب..
ضحي بإبتسامه هادئه: تخرجني من هنا..
احمد بحدة:نعم يا بت انتي هتستعبطي..
ضحي بضيق:هو انا عشان مليش لا حبيب ولا قريب ولا غريب تعمل فيا كده بقولك ايه اقعد كده وفرفش شويه وهات تليفونك اللي علي المكتب ده اتصل بعمي يجيب المحامي ولا ييجي هو لوحده عقبال ما اقولك علي اللي حصل تمام ..
احمد بهدوء:مكالمه واحده بس ..
فأومأت هي له واتصلت بسالم
سالم بهدوء: الو ..
ضحي بهدوء:من غير كلام كتير يا انكل دقيقه وتبقي حضرتك وحازم في القسم بتاع اول امبارح عشان انا وكرم هنتحبس ..
سالم بتساؤل:ايه اللي حصل ..فيجدها قد اغلقت
ليذهب سالم الي لمار وحازم ويخرجا من الفيلا متجهين الي القسم
اعادت ضحي الهاتف الي احمد
ضحي بهدوء:بص يا دكتور قولتلك ان كرم عنده انفصام اعتبره معاه شهادة معاملة اطفال يعني حتي هتلاقي ان هو مش فاكر ان هو كان هنا في القسم من يومين ..
احمد بسخرية:وضرب النار اللي حصل والبلاغ اللي جالنا بخطف العربيه في حد اتصل وقال انه سمع ان انتي واللي معاكي بتتكلموا عن العربيه اللي سرقتوها..
ضحي بغيظ:بالنسبه للي بلغ عنا فده واحد ملناش دعوه بيه وبالنسبه لضرب النار فانا فهمتك اهو ان هو الشخصيه اللي هو فيها اسمها المعلم كرم زي ما انت شايف وواضح جدا انها شخصيه مش كويسه ..
احمد بهدوء:وبالنسبه للعربيه..
ضحي بهدوء:العربيه اصلا بتاعته وبإسمه فمافيش حد هيسرق نفسه يا دكتور ..
وفي تلك اللحظه دخل سالم وحازم ولمار
لينظر احمد اليهم ولكن عندما نظر الي لمار فشرد بها فهو اول مره يلاحظ جمالها هذا ليستيقظ علي صوت ضحي
ضحي بسخرية:يا دكترة يا استاذ ظبوطه رد عليا يا سوما العاشق ..
احمد بحدة:احترمي نفسك..
ضحي بضحك:احترم انت وجودنا ..ليكح هو بخجل ثم يكمل بحدة :انتوا ازاي دخلتوا كده ..
سالم بهدوء: يا باشا ايه اللي حصل ..
لتحكي لهم ضحي ما حدث ..
حازم بهدوء:طيب ايه المطلوب يا احمد باشا..
احمد بهدوء:كرم بالمنظر ده هيبات في الحبس لحد ما الشخصيه ديه تختفي رغم ان كلامكم مش مقنع بس منطقي..
سالم بهدوء:بس يا باشا احنا نقدر نخفيها هنضربه علي رقبته فيغمي عليه ..
لمار بإيماء:ايوه ده اللي بنعمله علي طول..
ليأتي العسكري من الخارج
العسكري:احمد باشا الشاب اللي جاي مع الاستاذه ..ثم شاور علي ضحي واكمل:عمال يعلي صوته بره كأنه اتجنن ..ليخرج الجميع
فيروا كرم
كرم بصوت مرتفع:ابعد منك ليه انا المعلم كرم سيد المعلمين فين البت سكرة..
حازم بتساؤل:مين سكرة..
ضحي بغيظ: انا ..
حازم بضحك:الواد نظره ضعف ولا ايه..
لتضحك لمار بينما يزفر سالم بضيق
احمد بحدة:خدوه علي الحبس ..
ضحي بصراخ افزع احمد:لااااااااا..
احمد بفزع:في ايه..
ضحي بهدوء:مش هينفع تحبسه لو حصله حاجه جوا هتبقي انت المسؤول احنا هناخده ونمشي..
احمد بغضب:ده انا قطعت الخلف الله ياخدك ..
لمار بغيظ:ما خلاص بقي يا استاذ ..
كرم بإبتسامه وغمزه: مين القمر اللي جنبك يا سكرة..
ضحي بضحك: لا شغل العشق الممنوع ده مش هنا ..ثم بإبتسامه ودلع:ركز معايا انا يا معلم..
سالم بغضب:مش هنا يا بنت الهبله احنا في القسم..
احمد بضيق:لا وكمان بتدلع..
حازم بضحك:كويس انك مشوفتش كارما ..
لينظر احمد له بإستغراب ليكمل حازم:اصل كارما ديه ايه حكاية ههههههه هتشوفها قريب صدقني ..
كرم بحدة:انت بتضحك علي ايه ..ثم بتذكر:بت يا سكرة مش دول اللي كنا هنسرق بيتهم ..
ضحي بسخرية:ايوه هما بتوع الدهب والمرجان..
احمد بسخرية:لا وبيعترفوا كمان..
ضحي بإبتسامه: تؤتؤ احنا بنتذكر الماضي بس ..
سالم بهدوء: والله كرم تعبان سيبك من المجانين دول اهيه البطاقه بتاعته ..ليري احمد انه بالفعل ابنه ..
احمد وهو يشعر بألم في رأسه:اه ياني مش قادر اخرجوا بره مش عايز اشوفكم تاني ..ثم نظر الي العسكري واكمل:كوباية لمون يابني دول جابولي هبوط ...ليدخل الي مكتبه
بينما اقتربت ضحي من كرم وقبل ان يتكلما قام حازم بضربه ضربة خفيفه في عنقه ليغشي عليه وكالعاده حمله وخرج به بينما خرج البقية خلفه ليضرب كل من في القسم كف علي كف من تلك العائله المجنونه .
بعد ربع ساعة وصل الجميع الي الفيلا
ليصعد حازم بكرم الي غرفته ثم ينزل بمفرده
سالم بضيق:ازاي مأخدتيش بالك منه يا ضحي..
ضحي بغيظ:انكل سالم انا مش سوبر وومن او سبايدر وومن عشان اعمل كده انا رايحه اعمل حاجه معينه ونسيت موضوع ابنك اصلا ولما فاق كنت قدام الامر الواقع ده انا قلبي كان هيقف من صوت الرصاص حرام عليك..
حازم بضحك:تستاهلي يا دكتورة ..
ضحي بضيق:قلبك اسود مخطط باسمر بالطول وبالعرض..
حازم بإبتسامه باردة:جميل اللون الاسود ..ثم بهدوء:هتعملي ايه مع كرم..
ضحي بتفكير: علي حسب معلوماتي معرفش لو بكره الشخصيات بتاعته بدأت تتكرر هنحاول نبتدي نشوف طريقه للعلاج لو لسه في شخصيات جديده يبقي لسه نتعرف عليها ...
لمار بضيق:يلهوي هو لسه في شخصيات تانيه..
ضحي يسخرية:اخوكي عامل زي محل الشخصيات فيه من كل نوع بنسبه صغيره بيجربهم علينا ..
لمار بتنهيده:تعبت النهارده في القسم..لتمسك ضحي الوسادة وتلقيها عليها
ضحي بغيظ:تعبتي اومال انا اعمل ايه ده انا وداني اطرشت من الرصاص واخوكي اللي عليه يقولي بت يا سكرة البارد بيضرب علينا نار ويقولي يا سكرة ...
لمار بضحك:هههههه كويس بجد انكم مش اتحبستوا ..
سالم بضيق:علي فكرة انا المرة الجايه هسيبكم هناك في القسم تتعلموا الادب..
ضحي بغيظ:وانا مالي يا لمبي..
سالم بهدوء:عشان تركزي بعد كده انتي دكتورة اكيد عارفه المكان اللي في الرقبه اللي لما تضغطي عليه كرم يفقد الوعي ...
لتومئ ضحي له بمعني نعم
سالم بغيظ:ومضغطيش عليه ليه يا بنت الهبله..
لمار بسخرية:دكتورة نص كوم..
ضحي بغيظ: انا طالعه انام يا تري هشوف الاستاذ بكرة هيبقي مين ..ثم ذهبت الي غرفتها بينما ضحك حازم بشده
سالم بهدوء: انتوا كده هتخلوها تزعل..
لمار بإبتسامه: بالعكس هي مزعلتش وفاهمه اننا مش قصدنا كده انا كمان هروح انام ..ليصعد الجميع الي غرفهم ويناموا ولا احد يعلم ما ينتظرهم غدا وماذا سيفعل كرم ...
فيا تري ماذا سيحدث...انتظروا 🖤
متنسوش التصويت عشان انزل البارت الجاي والكومنتات لو سمحتوا قولولي فيها رأيكم في البارت .
التصويتتتات قبل ما تخرجوا😂😂😂😂
دمتم سالمين🖤🖤🖤❤🖤🖤