كانت النظرات بين حازم وروفان نظرات حارقه تجعلك تشعر بأن هناك خط من النار بين اعينهما ويجعلك تظن بأن واحد منهما سيحترق الان ليقطع تلك اللحظه صوت سالم الجاد
سالم بجدية:بتعملي ايه هنا يا روفان..
روفان بإبتسامه: جايه اشوف خطيبي ايه المشكله يا انكل..
ضحي بصدمه:خطيبك ..
لتومئ روفان لها بمعني نعم
كرم بإبتسامه هادئه: انتوا ليه متوترين كده انا مبحبش التوتر ده وانتي يا روفان ارجعي بيتك يا حبيبتي الوقت اتاخر..
روفان بإبتسامه ودلع: مش هسيبك لوحدك ..
احمد بهمس سمعته مريم :انا هاخد البت ديه اداب..
مريم بهمس:اهدأ بس نفهم ايه اللي بيحصل ..
لمار ببعض من الحده:هو مش لوحده يا روفان بصي كويس هتلاقي الاوده مافيهاش مكان بسبب عددنا..
لتنظر روفان للجميع
روفان بسخريه:في وجوه جديده..
لتتقدم مريم
مريم بإبتسامه هادئه وجدية:انا الدكتورة مريم ..
روفان بإستنكار:وبتعملي ايه هنا يا دكتورة..
حازم بسخريه:انتي في مستشفي يا روفان عايزه تلاقي مهندسين هنا مثلا ..
لتزفر روفان بضيق وتنظر الي احمد
احمد بجدية وبعض من الحدة: اولا انا الرائد احمد ثانيا احنا هنا مش في استجواب ..
لتنظر روفان له بشده
روفان في داخلها:ده ظابط اوووف لازم مياخدش باله من اي حاجه ...
لتنظر روفان مرة اخري الي ضحي
روفان بإبتسامه: وانتي يا عسوله اسمك ايه..
ضحي ببرود:انتي مش بتتكلمي مع بنت اختك ..ثم بهدوء:انا ضحي دكتورة نفسية وابقي بنت عم كرم ..
روفان بإبتسامه: فرحت ان انا عرفتكم..
ثم ذهبت ووقفت بجانب كرم
روفان بتساؤل:حبيبي تحب اساعدك في حاجه اجيبلك مايه مثلا..
كرم بهدوء:لا يا حبيبتي شكرا..ثم نظر الي الجميع
كرم بهدوء:بابا انا عايز اخرج من هنا انا مش بحب المستشفيات وجوها ..
ليومئ سالم له ليخرج حازم لينهي الاجرائات ...ليخرج احمد بعد ان طلب ان يتحدث مع ضحي
في الخارج
ضحي بهدوء:نعم يا احمد..
احمد بهدوء: لازم استجوب كرم علي الحادثه واشوف الغلط فين خاصة ان الكاميرات بتاعة الشارع ده موضحه ان العربيه كانت بتقصد عربية كرم..
ضحي بهدوء:احمد مظنش ان كرم ليه اعداء وشغل الافلام والروايات ده مش حقيقي ده غير ان احنا مش عايزين نجيبله سيره عن اللي حصل لحد ما نلاقي صرفه في علاجه...
احمد بهدوء:طيب خلاص هتصرف ..لتخرج ضحي من المشفي ليأتي حازم ويقف بجانب احمد
حازم بإستغراب: هي خرجت ليه..
احمد بهدوء: مش عارف كنت بكلمها وبعد ما خلصنا خرجت لوحدها ...
حازم بهدوء :طيب خلاص نسيبها براحتها احمد عايز منك طلب..
لينظر احمد له
حازم بهدوء:عايزك تعرف كل حاجه عن روفان هي كانت فين الفتره اللي فاتت ييجي من اربع شهور كده وكانت مع مين تمام ..
احمد بسخرية:ده استغلال بس هعملهولك بس متتعودش علي كده ..
حازم بضحك: شكرا يا احمد وبعدين ده انت بقيت واحد من العيله يا راجل..ليضحك احمد ويدخلا هما الاثنان ومعهم اذن الخروج من المستشفي
اما خارج المستشفي
كانت ضحي تسير بتفكير هل تذهب الان وتتركهم ولكن ليس من عادتها الاستسلام اذا ماذا تفعل هل تظل معهم حتي تري نهاية تلك المغامره التي ادخلت نفسها بها ام تعود الي عملها لتتذكر المدير وما كان يحدث لتضحك وتنظر بجانبها فتجد شاب يسير بجانبها تماما وينظر لها بشدة
ضحي بفزع:ايه ده..
الشاب بإبتسامه: انا اسف بس لفت انتباهي انك بتكلمي نفسك..ثم بضحك:المفروض تروحي لدكتور نفساني يساعدك هههه...
ضحي بضيق:ممكن تبعد ده ايه المصايب ديه ياربي..
الشاب بهدوء: خلاص همشي لو ضايقتك..
ضحي بهدوء :ياريت..
الشاب:ياريت ايه..
ضحي بغيظ: تمشي او اقولك انا همشي..
لتدخل الي المستشفي لينظر هو الي مكانها ويضحك بشده فتلك الفتاه بالفعل مجنونه ليرفع هاتفه ويتصل علي قريبه
الشاب بهدوء:انت فين يا حازم كفايه انك مخليني اجي من المطار علي المستشفي علشان الاستاذ كرم..
حازم بسخرية:يا عم خلص احمد ربنا ان انا رديت عليك اصلا خليك مكانك احنا خارجين ...وبالفعل خرج الجميع لتذهب روفان الي بيتها بينما نظرت لمار الي الشاب وقفزت بفرح
لمار بفرح: كرييم...
كريم بضحك:وحشتيني يا قرده ..
سالم بغيظ:ايه اللي جابك..
كريم بضحك:بعمل واجب مش كفايه ان اسمي شبه اسم ابنك يا انكل ..
كرم بغيظ:انا تعبان وعايز اروح..
كريم بضحك:تحب تركب معايا..
كرم بفزع:لا ده انتحار ..ليضحك الجميع تحت استغراب مريم وضحي واحمد حتي اخيرا وصلوا الي البيت ليدخل الجميع ويتعرف كريم علي احمد ومريم وضحي
ليعرف هو نفسه
كريم بإبتسامه هادئه: انا يا جماعه اكون كريم ابن خال الاساتذه..ليشاور علي حازم وكرم ولمار ويكمل:وفرحان بيكو اوي وفرحان جدا ان انا رجعت مصر ام الدنيا وفرحان جدا بحادثة كرم ..ليلقي كرم عليه الوسادة
كريم بضحك:ده انا بهزر معاك..
سالم بضيق من ذلك المجنون الذي انضم الي بيت المجانين :انا رايح انام ..
الجميع بإستثناء كريم:وانا كمان ..
ليصعد الجميع الي غرفهم
كريم بإستغراب: ايه الترحيب الجميل ده ..ليقف ويحمل حقيبته
كريم بهدوء:انا اشوف اي اودة انام فيها وبكره ابقي احكيلهم عن مغامراتي في اسطنبول واغيظ لمار ..ليصعد الي كل الغرف فيجد الابواب مغلقه
كريم بضيق:مافيش مكان انام فيه ..حتي وجد باب مفتوح فدخل فوجد احمد يكاد ينام لينظر احمد له
احمد بإستغراب: خير..
كريم بإبتسامه: ينفع انام هنا..
احمد بإستغراب: وانا انام فين..
كريم بإبتسامه: معرفش نام هنا انت كمان..وقبل ان يعترض احمد كان كريم قد استلقي علي السرير وفي ثانيه واحده كان قد نام
لينظر احمد له بغيظ كبير
احمد بغيظ:ياربي طب ده واخد السرير كله ..ليقوم بإبعاد كريم قليلا ويستلقي هو الاخر فيجد زراع كريم علي رأسه وهو نائم
احمد بغيظ:ملقتش غير بيت المجانين ده لا وحابب واحده منهم كمان...لينظر الي كريم ويكمل:الاقيها منك ولا من كرم ..ليأخذ نفس عميق وينام ..
واخيرا جاء الصباح التالي
لتخرج ضحي من غرفتها وهي لم تنام جيدا من التفكير فتجد كريم جالس يشاهد التلفاز ويأكل الموز
ضحي بسخرية:انت عامل كده ليه..
كريم بإبتسامه: بعيدا عن انك لسه مهزأني امبارح بس انا قلبي طيب وحنين وكبير ههههه ..
لتجلس هي بجانبه وتأخذ موزه
ضحي بضحك:بقالي يومين مأكلتش..
كريم بهدوء:ده انا لسه باعت الحارس جايب موز البيت مفيهوش لقمه تتاكل ..ثم بهمس: عارف ان انكل سالم مجوعكم هنا اصله بخيل انتي مش شايفه لمار عامله زي عصاية المقشه ليه ما هو بسبب كده ياعيني البت مش لقيا تاكل طب تعرفي بقي لمار طلبت مني امبارح موز عشان كده جبته ..ثم بإستغراب: انتي مش بتتكلمي ليه..
لتشاور ضحي له بعيناها الي الخلف لينظر فيجد سالم جالس علي الكرسي وفي يده كوب قهوه وينظر له بشده
لينظر مره اخري الي ضحي
كريم بضيق:ليه مش قولتيلي ..
ضحي بضحك:هو انت سايبلي فرصه انطق بحرف ههه..
لينظر مره اخري الي سالم
كريم بإبتسامه: ده انا كنت لسه بشكر فيك يا سالومه يا قلبي انت ..
سالم بغيظ:هبعتك لأبوك في اقرب وقت ..
كريم وهو يعود بظهره الي الخلف بفخر: مش هيحصل يا سالوما انا نازل استقر في مصر ..
ضحي بتساؤل:انت كنت عايش فين..
كريم :في اسطنبول ..
لتأكل هي الموز فهي في احلامها فقط الذهاب الي اسطنبول لينظر سالم الي اللاب التوب بينما اقترب كريم من ضحي
كريم بجدية:بقولك ايه..
ضحي بإستغراب: ايه..
كريم بجدية: ايه اخبار كرم انا عارف كل حاجه من حازم هو كده الانفصام اللي عنده انتهي..
لتومئ ضحي له بهدوء ليكملا اكل الموز حتي نزل البقية
كريم بضحك:كرميلا عامل ايه..
كرم بضيق: يا اخي بطل بقي الاسم ده ..ليجلس بجانبه
احمد بإستغراب: ايه كل الموز ده..
ضحي بضحك:كل كل اصل الموز مفيد للبشره ..
مريم بضحك:هي مش حكاية مفيد هي حكايه ان مافيش اكل غيره انتوا جايبينا هنا تجوعونا ..
حازم بهدوء:الاكل جاي في الطريق فقط الصبر ..
ليرن جرس الباب ليذهب حازم ويقوم بفتحه فيجد روفان امامه
روفان بإبتسامه: ازيك ..
حازم بضيق:عايزه ايه يا روفان وراجعه تاني ليه..
روفان بإبتسامه: راجعه لخطيبي..
حازم بحده:انتي ناسيه اللي حصل ..
روفان بمكر:هو اللي ناسي كمان انا بحبه وهو بيحبني وانت متقدرش تعمل حاجه ..
حازم بحدة:صدقيني كرم لو اتئذي منك ساعتها هتشوفي مني وش عمرك ما شوفتيه يا روفان ..لتبتسم روفان وتدخل بينما اغلق حازم الباب وجاء ليلتف فوجد احمد امامه وقبل ان يتحدث احمد
حازم بهدوء:هقولك كل حاجه بس مش دلوقتي ..فأومأ هو له بهدوء ليذهبا للجميع
بينما في الداخل
ابتسم كرم عندما وجد روفان تدخل لتجلس روفان بجانبه
كرم بإبتسامه: ليه تعبتي نفسك..
روفان بإبتسامه :كان لازم اطمن عليك ..
كرم بإبتسامه وحب:شكرا يا حبيبتي ..
كان كريم يتابع ما يحدث بهدوء حتي نظر الي جانبه الاخر فوجد ضحي تنظر لكرم وروفان نظرات حارقه استطاع كريم فهمها جيدا ليبتسم وهو يعود بظهره الي الخلف
كريم في داخله بمرح :الدنيا هتبدأ تحلو وتولع ...
"فيا تري ماذا سيحدث وماذا ينتظر ابطالنا ...انتظروا...."
متنسوش التصويت بليز التفاعل قليل واكتبولي كومنتات برأيكم في البارت 🖤🖤❤
أنت تقرأ
رواية حالة نادرة "هي وهو وشخصياته "بقلم نوران جمال
Misterio / Suspensoهو له اكثر من شخصية حاول العديد من الاطباء معالجته ولكن لم يستطيعوا فهل ستستطيع طبيبتنا المجنونه مواجهة كل تلك الشخصيات شخصية شخصية ومعالجتها ام ستفشل .. هي مرحة للغاية طبيبة نفسية تحاول ان تتميز في عملها . هو لا يمكن وصفه فكيف سنصفه وهو اكثر من واح...
