اقتربت مريم من ضحي التي كانت نيران الغيرة تحرقها
مريم بهمس:ضحي الكل هيبدأ يبص عليكي خدي بالك..
ضحي بضيق:اخد بالي من ايه يعني ده انا نفسي اروح اجيبها من شعرها ..
مريم بتفكير:البت ديه وراها حاجه وهنعرفها..
لتنظر ضحي لها
ضحي بتساؤل :تفتكري هي ليها يد في الصدمه اللي حصلت لكرم وخلته مصاب بالانفصام..
مريم بتفكير:اكيد بدليل انها مش ظهرت طول الفتره اللي فاتت وظهرت لما كرم فقد الذاكره..
لتنضم لمار لهم
لمار بهدوء:هتفهموا كل حاجه بعدين المهم دلوقتي نشوف طريقه نخلص منها ..
لتومئ ضحي ومريم لها بموافقه
حازم بنداء:يالا الاكل جيه..
ليذهبوا جميعا و يجلسوا علي طاولة الطعام
احمد بهدوء:طيب انا ورايا مشوار ضروري عن اذنكم ..
ليذهب من امامهم ويخرج من البيت
لمار بمرح:قولي بقي يا كريم اخبارك في اسطنبول ايه..
كريم بمرح:زي الفل والبحر هناك روعه..
حازم بسخرية:افتكرتك هترجع بعروسه لقيتك راجع مطرود..
لينظر كريم له بغيظ
سالم بسخرية:مطرود ليه بقي يا كريم..
كريم بهدوء:مافيش حبيت اقول رأيي اتفهمت تبع المعارضه طردوني من البيت ..
لينظر له كرم وحازم بشده
كريم بزفير:حطوني قدام الامر الواقع روحنا مطعم وهناك لقيت بنت واهلها اتاريها كانت العروسه المرتقبه ليا وانا مش عايز اتجوز ..
لمار بفضول:وعملت ايه..
كريم بضحك:جيت ابعد الكرسي عشان هي تقعد قومت بعدته اكتر فوقعت علي الارض جيت عشان اساعدها تقوم وانا برفعها اتخبطت في التربيزه وساعة ما كنا بناكل جيت اشرب العصير فاتزحلق من ايدي ووقع عليها لقيتها قامت زي المجنونه وبتصرخ وساعتها عرفت ان هي رفضتني يقوم بابا بدل ما يراضيني طردوني وقالولي ارجع مصر مش عايزين نشوف وشك ..ثم بحزن:انا ذنبي ايه هي اللي رفضت مش انا..
لتختنق مريم ولمار من كثرة الضحك
ضحي بضحك:ههههه انت بريئ جدا دول قلبهم قاسي اوي هههه ..
حازم بضحك:يخربيت عقلك كل ده حصل ههه..
كريم بضحك:اه ههه بس الصراحه انتوا هنا وحشتوني وبابا وماما لما جم اخر مره مش اخدوني معاهم فأول ما هما قالولي ارجع مصر حضرت الشنطه وركبت اول طياره ..
روفان بدلع:ليه موافقتش علي البنت كانت مش حلوه..
كريم بغمزه وهو ينظر الي ضحي:انا متجوزش غير بنت بلادي ..ثم نظر الي روفان:الجمال جمال روح مش شكل يا ..ثم بتساؤل:انتي كان اسمك ايه..
روفان بضيق:روفان ..
ليبتسم هو لها بينما نظرته الي ضحي لم تمر علي الجميع بل لفتت انتباههم
بينما نظرت ضحي الي طبقها فهي تعلم بأن كريم يمزح معها ولكن هل تلك هي الحقيقة يا تري..
لتقف روفان
روفان بهدوء:انا همشي بقي...
ليبتسم كرم لها وتخرج من البيت
كرم بهدوء:مش عارف ليه حاسس ان روفان متغيره ..
حازم بهدوء:متحطش في بالك ..
كرم بإبتسامه لكريم : بس مراتك المستقبليه هيبقي دمها خفيف ... ونظر بإتجاه ضحي ليضحك كريم بينما ضحي شعرت بالحزن الشديد ولكن لم ترد ان يظهر ذلك..
ضحي بضحك:عروستك عندي يا كريم متقلقش..
كريم بضحك: انتوا كل كلامكم عني انا كده هتغر هههه حد تاني بقي يتكلم ..
لمار :الاكل لازم يتشال ..ليقوموا جميعا بتنظيف مكان الطعام والطاوله ليجلسوا
كرم بهدوء:هو النهارده كام في الشهر ..
ليرد كريم عليه لينظر كرم لهم جميعا بإستغراب لترد ضحي علي الفور
ضحي بهدوء:انت فقدت الذاكره في الحادثه يا كرم ..لينظر لها بإستغراب لتكمل هي:هي ديه الحقيقه بدليل انك مش فاكر اللي حصل في اخر شهرين ..
كرم بسخرية:انتي بتهزري صح انا مش فاضي للحوارات ديه..
ضحي بغضب:بس انا لا بهزر ولا بحور..
كرم بهدوء:انا طالع اودتي ..ليذهب الي غرفته فهو يشعر بالارهاق الشديد لينام بينما في الاسفل
ضحي بحزن:هو اتغير اوي كده ليه..
حازم بإبتسامه هادئه: متنسيش انه لسه طالع من حادثه ..ثم بنداء :مريم انتي شوفتي الدلافين اللي هنا..
مريم بإستغراب: لا ..ليأخذها الي الخارج
لمار بإستغراب: هو في دلافين هنا اصلا..
لينظر كريم وضحي لها ليضحكوا جميعا
لمار بهدوء:انا هطلع اودتي اكمل الرواية اللي كنت بقرأها ..لتذهب الي غرفتها ليبقي كريم وضحي فقط
كريم بهدوء:ضحي انتي زعلتي من كرم..
ضحي بإبتسامه هادئه: لا مزعلتش..
كريم بإبتسامه: تعالي معايا ..ليخرج من البيت وتخرج معه ضحي
ضحي بإستغراب: هنروح فين..
كريم بمرح:بصي مش عايزك تسألي تمام ..
ضحي بإستغراب: بس ..
كريم:انتي بتثقي فيا ولا لا..
ضحي بضحك:لا..
كريم بضحك:يبقي خلاص ..ليدخل الي السياره وتدخل هي الاخري كانت ضحي شارده في كرم وكيف ستعيد له الذاكره وما هي حكاية روفان ولماذا لا احد يحبها في هذا البيت بينما كريم كان يعلم كل شئ من حازم حتي ضحي وما كانت تفعله كان يعلمه ايضا ولكن لا يعرف لماذا اراد ان يقضي بعض الوقت معها وبمفردهما هل احبها في يوم واحد ليضحك عند تلك النقطه ليلفت انتباهها
ضحي بإستغراب: بتضحك ليه..
كريم بهدوء:افتكرت حاجه ضحكتني ..ليوقف السياره
لتنظر ضحي من النافذه لتلمع عيونها
كريم بمرح :كان نفسي اجي الملاهي وحسيت انك كمان عايزه ..
ضحي بسعاده:طبعا طبعا..ليضحك هو ويخرجا من السياره ليلعبوا كل الالعاب فكان مع كريم كاميرا تلازمه اينما يذهب فكان يلتقط صور عديده لهما معا وصور لها لوحدها ليأكلا غزل البنات والايس كريم ليقضوا يوم جميل للغايه وبعد مرور فتره جلسا هما الاثنان علي احد المقاعد
ضحي بسعاده وارهاق:هههه مش قادره انت طلعت بتخاف من قطر الموت ههه..
كريم بسخرية:يا سلام عليكي ده انتي اللي خوفتيني وخوفتي كل اللي راكبين..
ضحي بسعاده وابتسامه جميله :شكرا يا كريم بجد كنت محتاجه الخروجه ديه ..
لينحني لها كريم
كريم بإبتسامه: سعادتك واجبه يا برينسيس..
لتضحك ضحي
ليقفا ويدخلا السياره ليعودوا الي البيت بينما في البيت وعلي البحر كان حازم يجلس ومريم تجلس بجانبه
حازم بهدوء:مريم..
مريم :نعم..
حازم بإستغراب: مالك..
مريم بغيظ:فين الدلافين..
حازم بضحك:انتي هبله مافيش دلافين هنا ههههه..
مريم بضيق:يعني بتضحك عليا..
حازم بإبتسامه: بقولك ايه انتي لسه مافيش احساس ..
لتنظر له بإستغراب
حازم بغيظ:ومافيش دم ..
مريم بضيق:كلمه كمان وهبتدي اشتم..
حازم بضحك:يا بنتي اقولك ايه ..ليجلس امامها وليس بجانبها ويكمل:مريم من غير كلام كتير انا عايز اتقدملك واطلب والدك من ايدك..
مريم بإستغراب: ايه..
حازم بسرعه:اقصد ايدك من والدك..
مريم بإستغراب: انت بتهزر..
حازم :لا مبهزرش..
مريم بهدوء:طب ايه المطلوب مني ..
لينظر لها بإستغراب
مريم بإبتسامه هادئه: لو عايز رقم بابا هتلاقيه مع ضحي..
لينظر لها بشده اذا هي موافقه ولكن هذا رد غير مباشر ..
مريم بإستغراب: مالك ..
حازم بإبتسامه: فرحان..
مريم بإبتسامه: طب وسع بقي عشان اشوف البحر ..ليبتعد قليلا لتضحك هي
مريم بضحك:تطلب والدي من ايدي ههه..
حازم بضحك:ميبقاش قلبك اسود بقي ..ليضحكا هما الاثنان .
بينما في الاعلي
كانت لمار تقرأ الروايه حتي رن هاتفها فوجدته احمد
لمار بتمثيل:الو مين..
احمد بضيق:برضه مسجلتيش الرقم..
لمار بهدوء:خير يا احمد ..
احمد بهدوء:مافيش كنت حابب اسمع صوتك بس ..ثم بمكر:وعارف انك مسجله الرقم بس مافيش مشكله ..ليغلق الهاتف لتنظر هي الي الهاتف بإستغراب ثم تضحك بشده بينما هو كان يضحك علي الجهة الاخري ليفتح الواتساب فيجدها لم تحذف صورتها
احمد بضيق:طيب ديه اعمل فيها ايه بس ..ليكبر الصورة وينظر لها ليبتسم ويكمل عمله اما عند كرم فكان كرم نائما يحلم بأحلام غريبه ومتلغبطه ولكن في الحقيقه تلك كانت ذكريات وليس احلام حتي استيقظ من نومه
ليشرب الماء ثم ظل ينظر حوله
كرم بتفكير:هو انا فقدت الذاكره بجد ولا ايه ..ليفتح الخزانه فيجد باروكه ويجد ادوات للتمرين ويجد ادوات للميك اب ..ثم ينظر جيدا فيجد تيشيرت مخطط شبيه لملابس اللصوص ..ليضع يده علي رأسه ليرجع الي الخلف وبعض الذكريات تأتي في باله واثناء عودته الي الخلف وقع علي الارض لتصتدم رأسه بشده ليغشي عليه ...ليخرج سالم من الغرفه التي بجانب كرم ويدخل له ليتصل بالاسعاف علي الفور .
متنسوش التصويت والكومنتات وقولولي رأيكم في البارت ❤❤
دمتم سالمين🖤
أنت تقرأ
رواية حالة نادرة "هي وهو وشخصياته "بقلم نوران جمال
Misterio / Suspensoهو له اكثر من شخصية حاول العديد من الاطباء معالجته ولكن لم يستطيعوا فهل ستستطيع طبيبتنا المجنونه مواجهة كل تلك الشخصيات شخصية شخصية ومعالجتها ام ستفشل .. هي مرحة للغاية طبيبة نفسية تحاول ان تتميز في عملها . هو لا يمكن وصفه فكيف سنصفه وهو اكثر من واح...
