رواية حالة نادرة "هي وهو وشخصياته "بقلم نوران جمال

البارت الثالث

جاء اليوم التالي واستيقظت ضحي علي صوت هاتفها
ضحي بنعاس :الو..
فريد بهدوء:صباح الخير يا ضحي انتي لسه نايمه لدلوقتي..
ضحي بإبتسامه: تعبت امبارح شوية بس عادي حضرتك عامل ايه وماما عامله ايه..
فريد بهدوء: كويسين الحمدلله خدي بالك من نفسك واسمعي كلام عمك عقبال ما اجي يا ضحي ومتعمليش مشاكل..
ضحي :يا بابا هو انا في ابتدائي انا كبرت يا والدي العزيز ومش بعمل مشاكل..
فريد بضحك:اشك في الموضوع ده يا بنتي دلوقتي سلام وهكلمك بعدين..
ضحي بإبتسامه: سلام يا والدي العزيز ..ثم اغلقت مع والدها وخرجت من غرفتها فاصتدمت بكرم
ضحي بفزع:اععع انت واقف ورا الباب من امتي ..
كرم بحدة:انتي يا هانم مش عارفه ان ورانا بطوله بكره يالا عشان التمرين..
ضحي بإستغراب: بطولة ايه يا كرم..
كرم بحدة:اسمي كابتن كرم ويالا قدامي..لتسير هي امامه حتي وصلا الي الطابق الاول فوجدت جميع الخدم يقفون في صف واحد ومن ضمنهم لمار و حازم
كرم بحدة:يالا انضمي لمجموعتك ..
ضحي بغباء:بتكلمني انا..
كرم بحدة:اومال بكلم نفسي..
ضحي بهدوء:خلاص يا كابتن ..ثم ذهبت ووقفت بجانب لمار
ليجلس كرم علي الكرسي
كرم بصوت مرتفع :انزلوا ستين ضغط..
ضحي بصدمه:نعم يا عنيا..
كرم بحدة:انتي هتهرجي..
لمار بهدوء:هي جديده هنا يا كابتن ومتعرفش..
كرم بهدوء:تمام وعشان جديدة هتعملي سبعين ضغط..
ضحي بإعتراض :بس..
كرم بهدوء وتفكير:ثمانين ضغط افضل ولا تسعين..
ضحي بصوت مرتفع:انت يابا هي الارقام ديه بتكبر منين ..
كرم بإبتسامه باردة:انزلي تسعين ضغط..
لمار بهمس لضحي:اعملي التسعين بدل ما يخليهم مية وتسعين ..
لتزفر ضحي بضيق ويبدأ الجميع في العد وبعد فترة طويلة
ضحي بتعب:يا صغيرة علي الشقي يا ضحي رجعوني للمدير انا المدير وحشني كنت بغنيله لنانسي عجرم كان بيسكت ده هغنيله لمين ولا لأني نادي بالظبط..
لمار بتعب :انا تعبت خالص لو حصلي حاجه يا ضحي اتصلي بالكلية قوليلهم المرحومه عايزه حق اشتراك الرحله..
ضحي بتساؤل:كانوا كام..
لمار :كانوا مية وخمسين جنيه..
ضحي بإبتسامه: متقلقيش هيرجعوا..
كرم بصوت مرتفع:انتوا بتتكلموا في التمرين..
ضحي بغيظ: لا بنكح يا كابتن..
حازم بهدوء:كابتن كرم انا مضطر امشي عايز اروح الحق الكلية بتاعتي ..
كرم بهدوء:اتفضل ومتتأخرش في الرجوع..ليخرج حازم بسرعه وهو يضحك بينما نظرت ضحي الي لمار
ضحي بتساؤل:بت مش هو مش حازم خلص كلية ..
لمار بضحك:اه خلص بس ديه الحجه عشان يخرج من الفيلا..
ضحي بصوت مرتفع:كابتن وانا بنتي في المستشفي وبجري علي يتامي ولازم اخرج..
كرم بحدة:مسمعش صوت و الكل يحاول يقف علي ايده..
ضحي بغضب:يا اخي اتهد بقي ..
كرم بحدة:نفذوا..
ليحاول الجميع بينما ضحي ولمار كلما يحاولوا يقعون علي الارض ليذهب كرم لهم
كرم بهدوء:تعالوا ورايا ..ثم نظر الي الجميع واكمل:وانتوا تكملوا ماحدش يوقف..
ليذهب بضحي ولمار الي غرفة الملاكمة
لتبتعد لمار بسرعة بينما ظلت ضحي واقفه في منتصف الغرفة ليرتدي كرم في يده الجلوفز بتاع الملاكمه ويعطي واحد لضحي
كرم بهدوء:لازم تقوي اعصابك بالملاكمة..
ضحي بخوف:انا اعصابي سابت دلوقتي ..ثم نظرت الي لمار
ضحي بخوف:اعمل ايه..
لمار بقلة حيلة:مش بإيدي حاجه اعملها ..
لتنظر ضحي له
ضحي بإبتسامه هادئه: ممكن يا كابتن ..
كرم بمقاطعه :دقيقه وهبتدي ..لترتدي هي بسرعه الجلوفز
كرم بحدة:حاولي تغطي وشك..ثم قام بلكمها
ضحي بألم:اه مش في الوش يا غبي..
كرم بهدوء:قولتلك تغطي وشك..
لتغطي ضحي وجهها ليبدأ هو بضربها مرة اخري
كرم بإستغراب :انتي مبتضربيش ليه..
ضحي بألم وسخرية:لو كنت شايفة كنت ضربت يا لماار الحقيني..
لمار بقلق:انا خايفه يا ضحي ورايا امتحانات ..
ضحي بهدوء:كابتن طب اه خلاص..فهو قاطعها بلكمه قوية في زراعها
كرم بهدوء:متتكلميش وسط التدريب وخليكي مركزه ..ثم ظل واقفا حتي تتحرك هي ولكنها خائفه من ان تمد زراعها لتلكمه فقرر ان يبدأ هو مرة اخري وفي تلك اللحظه قررت هي ان تبعد يدها عن وجهها حتي تلكمه فأتت لكمة كرم في وجهها بدلا من زراعها.
لمار بصدمة:يالهوي ..
كرم بقلق عليها:انتي كويسه ..لتقع ضحي علي الارض
ضحي بألم:انا مش شايفه ومش حاسه بحاجه..
كرم بغيظ:مش قولتلك تغطي وشك كويس..
ضحي بغضب:وقولتلي كمان ابتدي اضرب ده انت مفتري حرام عليك اه يا دنيا اه ..
لمار بهدوء:وريني وشك كده يا بنتي ..لتبعد هي يدها عن وجهها لتشهق لمار
ضحي بإستغراب: في ايه يا لمار في عاهه مستديمه طيب في سنان اتكسرت لون عيني اتحول ما تنطقي ..
لمار وهي تكتم ضحكتها :انا هجيب المرايا تشوفي بنفسك ..
كرم بحدة:انتي رايحه فين هي هتريح ودلوقتي دورك..
ضحي بضحك:البس يا معلم..
لمار بخوف:ا انا ل لا بص انا والله تعبانه وعندي الغضروف انا ..
كرم بحدة:مافيش نقاش يالا ادخلي ..
وفي تلك اللحظه عاد حازم وسالم من العمل
سالم بصوت مرتفع: ايه اللي بيحصل هنا..
كرم بهدوء :حضرتك ولي امر مين فيهم..
حازم بصدمة:بابا اتصل بالاسعاف ضحي بتموت..
ضحي بصوت مرتفع:انا لسه بخيري يا حازم ..
حازم خوف:بابا ديه لسه بتتكلم..ثم بضحك:يا عيني علي شبابك اللي ضاع يا اختي هتخشي الحربية ازاي..
ضحي بخوف:متخوفنيش ..ثم بنداء:عمي رد عليا انا وشي ماله اصل حسه انه متخدر..
سالم بتساؤل:ايه ده هو انتي ضحي..
ضحي بصراخ:احييه غيرلي ملامحي الجميله..
سالم بهدوء وقلق:طيب قومي قومي نشوف وشك..
كرم بهدوء:بنتك يا فندم مبقتش تدرب بقوه زي الاول وزادت عن الوزن المناسب ..
ضحي بحده:نعم يالا مين ديه اللي تخنت..
حازم بغيظ:انتي فيكي حيل تنطقي ..
ضحي وهي تحاول الوقوف :سيبني عليه يا حازم هقتله واشرب من دمه سيبني يا حازم..فوجدت حازم بعيد عنها
ضحي بنداء :حازم تعالي ..ليقترب حازم منها
ضحي بهمس:امسكني عشان برستيجي ميقعش كفايه لحد هنا عشان انا اتهانت جامد..
حازم بضحك:حاضر حاضر ..ليمسكها
ضحي بإكمال ما كانت تقوله:سيبني يا حازم عليه ..
كرم بهدوء:بنت حضرتك هبله يا فندم..
سالم بهدوء: انا هاخد بنتي من هنا وهجيبهالك بكره يا كابتن..
كرم بهدوء :تمام..ثم اقترب من ضحي مع حازم ليساعدها في الوقوف
ضحي بصراخ:ابعدوه عني  هيكسر فيا ايه تاني ..
لمار بضحك:الصراحه مافيش..
كرم بهدوء للمار :انتي متمشيش عشان لسه متمرنتيش ..لتصمت لمار بصدمة فهي افتكرت انه نساها
ضحي بضحك:تستاهلي ..ثم بهدوء:عمي احجز سريرين في العناية المركزه ..ليساعدها حازم وسالم في الوقوف وبمجرد خروجهم سمعوا صوت لمار من الداخل
سالم بهدوء:ادخل خرج اختك...
ضحي بغيظ:لا سيبوها عشان فضلت تضحك عليا..
حازم بخوف:لا انا مش هدخله لحسن يفتكر يدربني انا كمان..
سالم بضحك:جبان..
حازم بهدوء:طب ماتخرجها انت يا بابا..
سالم بهدوء: يالا بينا ندخل نجهزلها الثلج..ليضحكوا جميعا وبعد نصف ساعه دخلت لمار وشعرها يقف فوجدت ضحي تجلس وتضع الثلج علي وجهها
لتجلس بجانبها وتأخذ احد اكياس الثلج وتضعه علي وجهها هي الاخري
لمار بألم:ضحي انا وشي عامل ازاي..
ضحي بألم:لو شايفه هقولك صدقيني..
لمار بألم:خلاص انا اطمنت..ليدخل حازم
حازم بضحك شديد:شكلكوا يموت من الضحك انتوا شوفتوا شكلكم في المرايا ..لتومئ هما الاثنان بمعني لا ليأتي بالمرايا لهما لتصرخ كل واحده منهما فضحي شعرها يقف ووجنتها متورمه ولها عين متورمه ايضا بينما لمار فمها ووجنتها متورمان وشعرها يقف ..
ضحي ببكاء:اه ياني ياما انا عايزه اروح من هنا ..
لمار ببكاء:هروح الكلية ازاي..
لينزل لهم سالم
سالم بهدوء قبل ان يري وجههم :اهدو يا بنات شكلكم كويس ..ثم وقف امامهم فصدم من وجه لمار اما ضحي فوجهها قد تورم اكثر فهي منذ قليل لم تكن كذلك
سالم بصدمة: كرم اللي عمل فيكم كده..
ضحي بغيظ: عمي انا مش قادره اكمل ..
لمار بألم:ولا انا يا بابا انا عايزه اتعالج بره مصر ..
سالم بهدوء: كفاية دلع وكل واحده تطلع اودتها تاكل فيها وتنام قبل ما كرم يدخل ويرجعكم للتمرين ..لتجري كل فتاه منهما الي غرفتها بسرعة شديده تحت ضحكات الخدم وسالم وحازم ليدخل كرم
كرم بإبتسامه هادئه وقد عاد الي طبيعته:ازيك يا بابا ..ثم وضع يده علي رأسه:حاسس بصداع كأني كنت نايم وصحيت في غرفة الرياضه..
سالم بإبتسامه هادئه: انت فعلا نمت من الارهاق اقعد دلوقتي كل معانا واطلع كمل نوم في اودتك ..
كرم بتساؤل:حازم هي لمار فين كمان فين البنت اللي شوفتها امبارح اسمها ضحي تقريبا ..
حازم بإبتسامه: اه ضحي بنت انكل فريد هتقعد معانا شويه هنا لحد ما انكل يرجع من السفر ..
كرم بهدوء:تمام طيب هما فين..
سالم بهدوء: مع بعض في اودة ضحي بنات بقي وبيتكلموا ..
كرم بهدوء :ابعتولي حد بالاكل في اودتي عشان تعبان هاكل وهنام علي طول ..ليذهب الي غرفته بينما جلس سالم وحازم علي الاريكه
سالم بحزن:هيفضل كده لحد امتي احنا بنصحي مش عارفين هو هيبقي ايه ..
حازم بإبتسامه هادئه: هنعمل ايه يا بابا احنا ندعيله وضحي كمان موجوده وضحي شاطره فإن شاء الله هتعالجه المهم مافيش حد يجيبله سيره عن اللي بيحصله واظن ان لمار وضحي فاهمين كده ..
ليومئ سالم له بمعني نعم ثم تأتي الخادمه بالطعام ليتناولوه ويذهب كل منهم الي غرفته  وارسلت الخادمات الاخريات الطعام الي غرفة كرم وغرفة لمار وغرفة ضحي
في غرفة ضحي
ضحي بألم وهي تعالج وجهها: كابتن كرم اسوأ من المعلم كرم اه مش قادره وشي وجعني اوي ..لتأتي بدفترها وتسجل به ما حدث ثم استلقت علي السرير
ضحي بنعاس فهي ارهقت للغايه اليوم:يا تري بكره هتبقي مين يا كرم ..ثم تثاوبت بنعاس لتنام بينما في غرفة كرم كان كرم يحلم بأحد افلام الاكشن
فيا تري ماذا سيحدث

متنسوش الكومنت برأيكم والتصويت لو سمحتوا عشان ديه هي الحاجه اللي بتشجعني اكمل لو التصويتات قليله للاسف مش هكملها💔🖤❤