عندما يعشق النمر

part 7

فى صباح يوم جديد تململت ملاك فى حضن اختها
ملاك: جودى جودى
جودى: امم
ملاك:يلا اصحى علشان نفطر
جودى:حاضر عامله ايه دلوقتى
ملاك:الحمدلله
ثم خرجت لتطمئن على والدتها
جودى: اه يا ملاك ربنا يريح قلبك يا حبيبتى
ثم توجهت الى الحمام
حنان: مالك يا قلبى ايه اللى حصل عينك منفوخه كدا ليه
ملاك: لا دا تلاقيها التهبت شوية
حنان:طب روحى حطى عليها تلج علشان مالك جاى يفطر معانا
ملاك: جاى يفطر هنا ليه
حنان :اصل هو عجبه اكلك اوى فقالى هاجى كل يوم افطر و اتغدى معاكو
ملاك:مليش دعوة انا هدخل اغير هدومى و اروح الجامعه
حنان : لا ما انتى هتحضرى الفطار و بعدين تاكلو و تمشو انتى وحلا ومالك هيوصلكوا
ملاك: هيا حلا هتيجى
حنان:اه
ملاك:امرى لله انا هدخل احضر الفطار و بعدين البس
حنان : ماشى
توجهت لتحضير الفطار و هيا سعيدة و تدندن ببعض الاغانى
بعد قليل رن الجرس توجهت ملاك وهى غافله تماما عن انها ببجامه بيتيه يصل البنطلون الى ركبتها و شعرها على شكل ذيل حصان يصل الى خصرها و مع جمالها فاعطاها جمال فوق جمال فتحت الباب
مالك بذهول من هذه الطفله كما اطلق عليها فهى ملاك
مالك بغضب:هو انتى اى حد بيخبط بتفتحي كده
ملاك بعدم فهم :كده ازاى يعنى
نظرت ملاك الى ملابسها برعب و شهقت بفزع واغلقت الباب فى وجهه وجرت الى الغرفه لتبديل ثيابها
حلا كانت لسه طالعه: انت لسه مخبطتش
مالك بضحك من هذه الطفله : لا لسه ثم طرق الباب مرة اخرى فتحت له حنان
حنان:تعالى يا حبيبى ادخل
دخل مالك و حلا وكانت تجلس جودى على المائدة
مالك: ازيك يا جودى عامله ايه
جودى: زى الفل يا برنس
مالك:برنس انتى عندك كام سنة يا بت انتى
جودى: انا عندى 17 سنة
مالك: يعنى فى تانيه ثانوى وبتقولى يا برنس
جودى:متفكرنيش انى فى ثانوى
مالك😂😂: ليه بس
جودى: يا عم اسكت كل شويه عمو طروقه يطلع يقول قرار جديد و قارفنا و بعدين انا نجحت اصلا لانه قال كل سنوات النقل ناجحه
مالك: طيب عايزة ايه تانى ما انتى هتنجحى
جودى:انت عارف انى هدخل 3 ثانوى بمعلومات 3 عدادى الترم الاول
حنان:خلاص بقى ربنا يحرقه مطرح ما هو قاعد
هى البت ملاك الفين الاكل كله جهز هى اختفت فين يا ملاك ملاك
ملاك من داخل الغرفه : نعم يا ماما
حنان:تعالى يا حبيبتى افطرى يلا
ملاك:حاضر
بعد قليل خرجت ملاك وهيا موطاه الراس و هى خجلة ووجهها احمر
مالك:تعالى اقعدى
فكان  حلا و جودى بجانب بعضهم و حنان على راس الطاوله و بجانبها ملاك و مالك بداو الاكل و بعد تناولهم الطعام شالو الاطباق
ملاك:يلا يا حلا علشان منتاخرش على المحاضرة
مالك: انا هوصلكوا
حلا: هو انت فيك حاجه او سخن مثلا
مالك بابتسامة : لاه و يلا عايزة حاجه يا طنط
حنان:سلامتك يا حبيبى خلو بالكوا من نفسكوا
مالك: يلا يا ست المتجبسه عايزة حاجه
جودى بغضب: لا مش عاوزة
ملاك: يلا هنتاخر
مالك: اشطا يلا
حلا: نهاااار ابيض اشطا بس انا كنت شكه لكن دلوقتى اتاكدت انت مش مالك
مالك: يلا يا بت من هنا ثم نزل و توجه الى سيارته وركبوا البنات العربيه فى الكنبه الخلفيه
مالك: هو انا سواق الهوانم و لا ايه حد يطلع يقعد قدام
حلا : انت عارف مبحبش اقعد قدام اقعدى انتى يا ملاك
ملاك: لا انا هقعد هنا جمبك
مالك بصوت حاد : ملااك قومى اقعدى هنا
ملاك: هو عنده انفصال فى الشخصية ولا ايه ثم نزلت وركبت بجانبه
حلا بمكر : انا هنام لانى هموت و انام و لما نوصل ابقوا صحونى
مالك : ماشى
بعد قليل
مالك: انتى بردو مجاوبتيش على اللى قولتهولك
ملاك بعدم فهم : هو ايه
مالك:لما قولتلك انتى بتفتحي لاى حد كده
ملاك بوجه احمر: لا انا نسيت انى بهدوم البيت
مالك:طب متتكررش تانى سااامعه
ملاك: وانت مالك افتح و لا مفتحش دى حاجه متخصكش
مالك بحده: ازاى متخصنيش هاااا
ملاك: ايوة انت ملكش دعوه انا اصلا لسه عرفاك من يومين
مالك: انا قولت متفتحيش بعد كده الباب بالمنظر ده تانى لاما والله مش هيحصلك كويس
رن هاتف مالك فاجاب
مالك: عايز ايه يا زفت
حسام: اسلام عايز يقابلك
مالك: و عايزنى ليه انشاء الله
حسام : معرفش هو مستنيك متتاخرش
مالك: طيب سلام
ثم القى الهاتف من يده
مالك: انا عازمك على خطوبتي بعد اسبوع
ملاك بصدمه وحزن غير قادرة على اخفاءه : ايه
مالك : ايه بقولك خطوبتي بعد اسبوع
ملاك بحزن : الف مبروك ربنا يتمملك على خير
مالك: يارب
ملاك: شكلك بتحبها اوى
مالك:فوق ما تتخيلى
ملاك و دموعها ابتدت تنزل
مالك بخضه مالك
ملاك: لا ده اكيد حاجه دخلت فى عينى
ركن العربية على جنب و ادار جسده لها و ضم و جهها بين يديه
مالك: مش عايز اى دمعه تنزل من عينك سامعه
هزت ملاك راسها و كانها مخدره بين يديه لا تعرف لما تستسلم له عندما يقترب منها او يتحدث معاها
مسح مالك دموعها وقال: دموعك دى غاليه عندى اوى
ملاك بحيره منه هل يحبها ام يحب اخرى كما اعتقدت اه منك يا قلبى لماذا ترهق نفسك فى الحب هكذا فبعض الاحيان نعشق شخص و لكن نعلم انه ليس مكتوب لنا و لكن لا نستطيع ان نبتعد عنه اه من هذا الحب اللعين
مالك: وصلنا يلا انزلو و انتو مروحين السواق هيوصلكوا
ملاك : ماشى يلا يا حلا
ثم توجهوا الى الكليه لياخذوا محاضراتهم
مالك: عملت ايه فى اللى قولتلك عليه
جمال: ظبتهولك يا باشا
مالك: تمام انا هعدى عليك النهاردة جهزهولى
جمال : تحت امرك يا نمر
ثم اغلق الهاتف
مالك بشر: علشان تبقى تفكر تقرب من حاجه النمر و اللى يقرب من حاجه النمر يموت
وتوجه الى الشركة
💯💯💯💯💯💯💯💯💯💯💯💯💯💯
اسلام: ازيك يا حسام اخبارك ايه
حسام: كويس يا صحبى و لا انت نسيت اننا صحاب
اسلام: انا بردو اللى نسيت اننا صحاب
حسام : امتى تفهم بقى يا شيخ قبل ما يفوت الاوان انتوا محسسنى انكو ولا تعرفو بعض بتنهشوا فى بعض زى الكلاب
اسلام: ما انا جاى بقى النهاردة علشان افهم
حسام: ياريت تفهم و تخلصونا بقى
اسلام: ايه هو مالك فين
حسام: جاى فى الطريق
بعد قليل جاء مالك
مالك: منور يا صحبى
حسام: اسلام جاى يفهم ياريت تفهموا كل حاجه بالراحه و انا هسيبكوا لوحدكو
ثم خرج من المكتب
مالك: جاى تفهم بعد ايه انت لو فعلا كنت عايز تفهم كنت فهمت ما الاول و مكانش ده كلو حصل جاى ليه دلوقتى تفهم هااااا
كان يتحدث بصوت عالى و غاضب فى نفس الوقت فكان فعلا مثل النمر
اسلام بصوت عالى: وانت اصلا عملت ايه علشان تفهمني ها قولى عملت ايه يا مالك علشان تفهمنى قولى
مالك: عملت ايه ده كلو وتقولى عملت ايه سبع سنين بحاول افهمك و انت ولا هنا بص من الاخر انا مش هفهم حد حاجه اللى عايز يعرف حاجه بيعرفها بنفسه مش مستنى حد يعرفوا مش كفايه انك كنت هتموت ابويا
اسلام: وابويا اللى ماات ده ايه ها و امى اللى مرميه فى المستشفى بقالها 7 سنين فى غيبوبة هاااا دا ايه فهمنى
مالك و قد ارتدى قناع البرود: معرفش روح اعرف بنفسك و بعدين اتكلم
اسلام:والله لهتندم يا مالك يا ابن الاسيوطى هتندم
مالك: برة
غادر اسلام المكتب لا بل الشركة باكملها بغضب و قاد بسيارته الى مكانه المفضل فى مكان لايوجد به احد يطل على البحر ركن سيارته و نزل منها و صرخ باعلى صوته
اسلام: عاااااااااااا لييه كدا ياارب حاولت افهم ال 7 سنين دول بس مش فاهم حاجه ياارب والنبى ساعدني اعرف الحقيقه انا خلاص تعبت امى فى غيبوبة و ابويا مات و مالك مش راضى يفهمني اعمل ايه يارب
ثم سمح لدموعه بالهطول
😢😢😢😢😢😢😢😢😢😢😢😢😢😢
ايه رايكوا فى البارت انا عارفه انه قصير بس باذن الله هحاول اطوله متنسوش الكومنتات بقى يا حلوين يلا اشوفكوا يوم الثلاثاء باذن الله
                                                بى قلم/
Fatma Sayed