عندما يعشق النمر

part 15

وفاء: الو يا اسلام بقولك انت هتيجى امتى
اسلام: معلشى يا ماما انا هتاخر شويه النهارده
وفاء: ماشى يا حبيبى عملت ايه مع مالك
اسلام: بكرة باذن الله يا ماما هحل كل حاجه
وفاء: ربنا معاك يبنى و يبعد عنكم و لاد الحرام
اسلام: ربنا يخليكى لينا يا ماما يلا عايزة حاجه يا حبيبتى
وفاء: لا يا حبيبى مع السلامه
ثم اغلقت الهاتف معه و حست بدوار شديد في راسها فتاجهلته ثم ذهبت الى غرفتها لتنام
اما على الناحيه الاخرى
مجهول: هاا عملتى اللى قولتلك عليه
بهيه: اه يا باشا و خدت العصير و انا شيفاها و هى مش قادرة تمشى
مجهول: تمام متنسيش كل يوم فى نفس المعاد و فلوسك هتوصلك لما تخلصى
بهيه: تحت امرك يا باشا سلام
مجهول2: كلو تمام يا باشا خدت الحبايه و كل يوم هتاخدها
مجهول1 بشر: تمام اوى ناقص نعرف اى اللى حصل مع الجوز التانيين
رن هاتف مجهول2: اى الاخبار
الرجل: كلو تمام بس الطلقه مجتش فيها جت فى.....
مجهول2 بنرفزه: ما هو انا مشغل بهايم معايا اقفل و تختفى من على وش الارض علشان انا عارف مالك مش هيسيبك
ثم اغلق فى وجهه الخط
مجهول1: اى اللى حصل
مجهول2:**********
مجهول1: عادى مش مهم نحرق قلبهم و بالمرة ابوه يظهر و نخلص كل حاجه
..........................
اما عند ملاك
مالك بصراخ: ملاااااك قام بشدها و للاسف جاءت الرصاصه فى هو
ملاك بصدمه وهى ترى مالك يخرج من صدره دم
مالك بابتسامه: بحبك يا مجنونة و هفضل احبك عارفه انا فرحان لانى مت وانا فى حضنك اشوفك بخير يا حبيبتى ثم اغمى عليه
ملاك بهستيريا و صدمه: لاااااااا مالك علشان خاطرى اصحى فوق بالله عليك يا حبيبى انا مقدرش اعيش من غيرك يا حبيبى قوم بقا
اتصلو بالاسعاف و جات بعد دقائق و اخذو مالك و ركبت ملاك معه و توجهوا الى المشفى ثم دخلوه غرفه العمليات
ملاك وهى تكلم حنان وحكت لها ما حدث و هى تبكى اطمئنتها حنان وقالت لها انها فى دقائق بسيطه و سوف تكون امامها
حنان: جودى
جودى: نعم يا ماما
حنان: البسى بسرعه مالك فى ناس ضربوه بالرصاص وهو دلوقتى فى العمليات لازم نكون جمب اختك يا بنتى
جودى بصدمه وبكاء: ابيه فى العمليات
جرت على غرفتها لبست وهى تلبس رن عليها اسلام فاخبرته بكل شئ تصنم مكانه من ما سمعه هل صحيح سوف يتركه عندما علم بالحقيقه ثم اخبرته عنوان المشفى و اخذ متعلقاته و جرى حتى يطمئن على اخوه وصديق ضربه وهو في الطريق اتصل على هانى واخبره بما حدث فانصدم بشده و ذهب الى المشفى وحاول الاتصال على حسام و لكن تليفونه كان مغلقا
...........................
اما عند حلا
حسام كان يحيط به الاجهزه و سالت الدكتور عليه قال لها انه دخل في غيبوبه و احتمال ان يفيق بعد شهر او سنة
انصدمت وجرت عليه جلست على الكرسى بجانبه و هى تبكى و تمسك يديه
حلا ببكاء: كدا يا حوسو تسبنى و تمشى كدا انا.. انا بحبك اوى يا حسام بس كنت خايفه اقولك علشان انت مش شايفنى غير اختك بس انا مقدرش اعيش منغيرك اصحى بقى علشان حلا زعلانه منك و مش هتكلمك تانى انا كنت بكلمك كل يوم بحجه انى بطمن على مالك بس انا كنت بحب اسمع صوتك و بحب اناكش فيك وبحب دلعك و كلام ليا قووم بقا علشان خطرى و الله مش هزعلك تانى بس قوم انت يلا
حسام فى نفسه"يا حبيبتى يا لولو دى طلعت بتحبنى بس انا لو قمت دلوقتى هتعرف انى كنت بضحك عليها علشان اعرف هى بتحبنى و لا لاه طب اعمل ايه انا هقوم بقا و اللى يحصل يحصل هى كدا كدا خربانه "
قام حسام من السرير و ضمها الى صدره و هى يمسد على خصلاتها بحنان و حب
حسام بحب: شششش اهدى يا قلبى انا محصليش حاجه انا بس كنت عايز اعرف انتى بتحبينى ولا لاه و الحمدلله طلعتى بتحبينى زى ما انا بحبك يا لولو
حلا بصدمه: انت معملتش حادثه و لا دخلت فى غيبوبه و كمان سمعت كل اللى قولته
حسام بخبث وهو يهز دماغه: اه سمعت كل حاجه
حلا بعصبيه: طيب يا حسام والله العظيم لو فكرت انك تكلمنى تانى او اشوف وشك بس والله لهقتلك يا حسام و ملكش دعوه بيا تانى مفكرتش انا هتبقى حالتى عامله ازاى هااا مفكرتش انى ممكن كان يحصلى حاجه بسببك هااا انطق
حسام بحب: والله العظيم غصب عنى يا حبيبتى انا والله عملت كدا علشان بحبك و قولت انى هقولك علي كل حاجه بس لما اعرف اذا كنتى بتحبينى ولا لاه
حلا بتحدى: وانا بقى كنت بحبك بس دلوقتى كرهتك يا حسام
حسام بحزن: ماشى يا حلا خلاص اللى انتى عيزاه انا هعمله انا بحبك ومقدرش على زعلك بس خلاص انا هبعد عنك ومش هخليكى تشوفى و شى تانى مش هستحمل نظرتك دى ليا بس عايزك تعرفى حاجه انا بحبك و عمرى ما هحب غيرك
ثم تركها و ذهب و هى تقف في مكانها مصدومه مما حدث قبل ان يخرج حسام جائته رساله بان اسلام حاول الاتصال عليه فاستغرب و وجد رساله مكتوب فيها " حسام انا رنيت عليك تليفونك كان مقفول مالك فى حد ضربه بالنار و هو دلوقتى فى مستشفى**** متتاخرش سلام "
حساام بصدمه و صوت وصل الى مسامع حلا
حسام: مااالك
حلا وهى تجرى عليه: حسام مالك مالك ماله
حسام بصدمه و دموعه على وشك النزول: مالك فى المستشفى فى ناس ضربته بالنار
حلا بصدمه: انت بتقول ايه مالك محصلوش حاجه انت بتكدب عليا صح انتوا اكيد عاملين مقلب زيك صح بالله عليك قولى ان ده كدب كانت تتحدث بانهيار و كسره اول مره يراها هكذا فاخذها فى حضنه يربت عليها فتشبثت به بشده و ظلت تبكى حتى ترنح جسدها و لا تقدر ان تقف علي قدمها
حسام بقلق: اهدى يا حبيبتى كل حاجه هتبقى تمام يا قلبى مالك هيبقى زى الفل متخافيش ثم حملها و هى لا تدرى باى شئ و ذهب بها الى السيارة و توجه إلى المشفى ليطمئنو على مالك
............................
ملاك بانهيار: يارب يارب تشفيه يارب و ميحصلوش حاجه انا مقدرش اعيش من غيره يارب
حنان ببكاء: اهدى يا حبيبتى كل حاجه هتبقى تمام متخافيش
اما عند جودى كانت تبكى و هى ترى اختها بهذه الحاله و حبيبها و هو حزين ومكسور بهذا الشكل
جودى بحزن: متقلقش يا حبيبى كل حاجه هتبقى بخير و مالك هيبقى زى الفل علشان خاطري مش بحب اشوفك زعلان كدا
اسلام بنبره المتها: انتى متعرفيش مالك دا بالنسبالى اى كان اخويا وصحبى و كل حياتى بس انا بغبائى ضيعته من ايدى انا مش قادر استحمل
حضنته جودى و ربتت على ظهره فانصدمت عندما و جدت دموعه تغرق رقبتها فظلت تهدئه حتى هدا ثم نظر اليها بحب
اسلام: شكرا يا جودى لانك فى حياتى
جودى: ششش متقولش حاجه ارتاح انت بس وبعدين ابقى اشكرنى براحتك انشاء الله كل حاجه هتبقى تمام
وصل حسام وحلا جرت حلا على ملاك وحضنتها و ظلو يبكوا مع بعضهم فحزن كل من يراهم هكذا
بعد اربع او خمس ساعات فى الغرفة العمليات خرج الطبيب قامت ملاك و حلا بلهفه
حسام: طمنا يا دكتور مالك عامل ايه
الدكتور باسف: احنا عملنا كل اللى علينا هى الطلقه جت جمب القلب بس الحمدلله عرفنا نخرجها بس استاذ مالك للاسف توفى
صدمه الجمت الجميع نعم هل ماسمعوه حقيقه هل انتهى كل شئ الان
ملاك بصراخ: لاااااااااااا انت بتقول اى اكيد مالك كويس انا عايزه ادخله انا عايزه اشوفه هو اول ما يشوفنى هيصحى على طول هو قالى انا مستحيل اسيبك ازاى بقى
مقدرتش تستحمل الصدمه واغمى عليها اما كانت حنان تبكى بهستيريا على مالك فهو بمسابه ولدها و جودى كانت تبكى اما حلا فكانت لا تتحدث كانت ترى امامها كل شئ اسود لا ترى امامها
اما حسام و اسلام كانو فى صدمه عمرهم هل هذا حقيقه هل تركنا و ذهب
............................
مجهول1: مات الحمدلله خلصنا من واحد عقبال الباقى
مجهول2: بس متنساش ان اسلام وحسام و هانى مش هيسكتوا غير لما يعرفوا مين اللى ورا اللى حصل ده
مجهول1: متقلقش انا عامل حساب كل حاجه
............................
احمد بصدمه: ازاى ده يحصل ايه الهبل ده
قال هذا عندما كان يتصفح الانترنت وراى الفيديو الذى كان مالك فيه مع ملاك و جاء فى اخر الفديو طلق النار على مالك فانصدم بشدة و جرى على المشفى ليتاكد من هذا الخبر
............................
تفتكرو اي اللى هيحصل لما مالك مات.؟
ملاك ايه اللى هيحصلها!؟
اسلام هيعرف ان فى حد عايز ياذى مامته!؟
حسام هيعرف مين اللى قتل مالك!؟
حلا هتعمل اى من بعد ما اخوها الوحيد مات!؟
ممكن الاسيوطى يظهر ولا لاه؟
اسلام هيعمل اى علشان ينتقم من اللى قتل ابوه و مالك؟
بى قلم/
Fatma Sayed