عندما يعشق النمر

part 12

بسم الله الرحمن الرحيم معلش انا عارفه انى اتاخرت فى التنزيل بس معلش هعوضكو باذن الله بس اتمنى انكم تدعمونى لانى مش لاقيه دعم انه يشجعنى اكمل بقيت الروايه وكفايه كدا مش عايزه اطول عليكوا نبدا البارت بقا
......................................................................

احمد: هو حضرتك مرتبطه
سندس: لا ليه
احمد بفرحه : عادى بسال.... بصى انا عايز اقولك حاجه
سندس بفضول : اتفضل
احمد بجديه : انا معجب بيكى
سندس بضحك: هو انت اصلا تعرفنى انا اول مره اشوفك مش معقول يعنى تعجب بيا من اول مره و بعدين دى من طرف واحده تعجب بيها يا دكتور 😂😂😂😂
احمد بنرفزه : انا بتكلم جد مش بهظر
سندس: جد ولا جدة
احمد بنفاذ صبر : انا غلطان انى كلمتك انا هكلم الحاج جابر علشان اتقدملك
سندس بصدمه وفاه مفتوح : يالهوى دا بيتكلم جد
احمد: اومال انا بقول ايه من الصبح
سندس: لا مهو اذا كان اللى بيتكلم مجنون يبقى المستمع عاقل
احمد: والله انا مش بهظر انا من فتره كدا شوفتك عند كليه الهندسه فاعجبت بيكى و من ساعتها وانا مش عارف اشيلك من دماغى والنهاردة اول ما شوفتك بقيت فرحان وحسيت ان دى اشاره من ربنا
فا يعنى يا استاذه سندس ينفع اعزم حضرتك على الغدا فى اى يوم انتى تحبيه علشان نتكلم مع بعض شويه
سندس بصدمه: انت بتكلمنى انا ... اصل ده مش بيحصل غير فى الروايات بس
احمد بابتسامة جذابه : لا وفى العادى كمان
سندس بتوهان: يخربيت جمال امك يا شيخ
احمد بقهقه: لا هو انتى لسه شوفتى حاجه
سندس بخجل وخدودها احمرت: انت فهمتنى غلط انا مش بقول عليك انت
احمد بخبث : اومال بتقولى لمين يا فراولتى
سندس باستغراب: فراولتك
احمد بحب: اه فراولتى و سندسى و حياتى وكل حاجه
سندس بوجه احمر : ه هو ب بابا هيخلص امتى
احمد بضحك: متقلقيش زمانه جااى دلوقتى
بعد دقائق دخل عليهم جابر
احمد: اتفضل يا حج جابر
جابر: يزيد فضلك يا ابنى
احمد: معلش هتستنى معانا سعتين عقبال ما التحاليل تطلع او ممكن تروح وانا باذن الله اجيلك وهقولك المطلوب ايه رايك وانا كنت افاتح حضرتك فى موضوع كدا
جابر باستغراب : موضوع ايه يا بنى
احمد : انا بقول اجيلك النهارده كدا كدا التحاليل هنطلع بعد ساعتين
جابر : ماشى يا بنى تنور فى اى وقت .. خلاص احنا هنروح بس انت تعرف العنوان يا بنى
احمد بمكر: لا بس يعنى لو مش هدايق استاذه سندس انى اخد رقمها و اول ما اوصل المنطقه توصلني البيت
جابر : و لا تدايقها ولا حاجه ولا ايه يا سندس
سندس : حاضر يا بابا
تبادلوا الارقام ثم ذهبوا و ظل احمد يتامل الرقم بحب و ابتسامه تزين محياه فاخيرا سيحقق ما يتمناه
على الساعه السابعه مساءا ذهب احمد وهو فى كامل اناقته فهو اليوم ستقدم لفراولته كما اطلق عليها وقلبه يتراقص مع كل دقيقة تمر عليه من فرحته
..................................
احمد النوبيرى/ عنده 29 سنة شاب يتميز بجماله الجذاب فهو ذات بشره خمريه و عيون رصاصي غامق و شعر بنى غامق و وجه بشوش وجسده الرياض طوله 185 سم تخرج من كليه طب قسم قلب و اشتغل فى مستشفى صاحبه مالك وفى اقل من 3 سنوات اثبت انه ممتاز فهو الان يحضر الماجستير لديه اخت اسمها علياء فى اولى كليه اثار عندها 20 سنة و والده محمد النوبيرى رجل اعمال مشهور فى مجاله فى اواخر الخمسينات و معه ابنه امجد النوبيرى فهو يحب شغل ابيه لذالك اشتغل معه عنده 27 سنة و نهضو بالشركه سويا و والدته السيده كريمه سيدة طيبه و كريمه مثل اسمها فهى تحب ابنائها جدا و تتمنى لهم الخير فى اوائل الخمسينات
.......................................
وصل
احمد الى المنطقه فيظهر عليها انها منطقه شعبيه جدا فرن على سندس وهى كانت تنتظر اتصاله من مده فنزلت تاخذه .. بعد عدة دقائق رائها تاتى من الشارع الذى يقف هو به فترجل من سيارته
احمد بابتسامة: ايه القمر ده
سندس بخجل : بص انت مش هتعرف تدخل بالعربيه الشارع بتاعنا فخلى العربيه فى الجراش اللى هناك ده وتعالى معايا
اومئ راسه بابتسامة جذابه ثم قال : انا معاكى معاكى عمرى ما هسيبك
سندس وقد اشتعل وجهها
اردف احمد بضحك: خلاص يا فراولتى انا هركن العربيه واجيلك
اومات راسها فى صمت ثم توجهت على جانب الشارع لتعطى للسياره مساحه للخروج ركن سيارته ثم توجه معها الى منزلها البسيط و طول الطريق لم تسلم سندس من مغازلته لها
فى المنزل
جابر: نورت يا بنى اتفضل
احمد: بنورك يا عمى
جابر: دى تبقى مراتى و بنتى سوزان اخت سندس
احمد بابتسامة : ازي حضراتكو
سماح : الحمدلله يا بنى طمنى على التحاليل اللى طلعت
احمد: متقلقوش هو بس بيعمل مجهود كتير و بيتوتر و طبعا مع تقدمه في السن فده حاجه طبيعيه انا كتبتلك على علاج لازم تمشى عليه و تاخدو فى معاده بس اهم حاجه تقلل مجهودك شويه
سندس : شفت يا بابا انا قولتلك اقعد وانا هشتغل بدالك علشان تبقى تسمع كلامى
جابر : انا لو بموت عمرى ما ابقى قاعد انا فى البيت وسايب بنتى تشتغل يكون اخر يوم فى عمرى سامعه
سندس: والله مش هيحصل حاجه بس على الاقل روح شغلانه واحده بس مش التلاته
احمد: طب انا عندى فكره حلوه انا محتاج مساعدة معايا فى المستشفى وكدا ها ايه رايك ومتقلقش عليها هتبقى قدامى على طول
جابر : مش عارف والله يا بنى بس انا بخاف عليها ومبطمنش غير لما تبقى في  البيت .. والنبى الوقت خدنى ونسيت اسالك تشرب ايه ومفيش لاه
احمد بضحك: خلاص خليها قهوة
سماح : لا قهوه ايه خليها ببس
احمد بابتسامة: خليها ببس.. طيب يا عمى انا كنت عايز اقول لحضرتك انى معجب بالانسه سندس وجاى علشان اتقدملها ايه رايك
جابر : هو انت يا بنى تعرفها انت لسه شايفها النهارده
احمد بحب و ابتسامة جذابه حكى له الذى قاله لسندس عندما كانو فى المشفى
ثم اردف يقول : وبعد اذنك طبعا يا عمى اعزم بكره سندس على الغدا فى مطعم علشان نتعرف على بعض و باذن الله مش هنتاخر و لو هيا وافقت انا هجيب والدى و والدتى وهنيجى نتقدم رسمى لحضرتك
جابر: انا والله يا بنى معنديش اعتراض انت راجل محترم كفايه انك دخلت البيت من بابه بس ادينى يومين افكر و تكون انت و سندس روحتوا المشوار واتعرفتوا على بعض وهيا بردو تقول رايها و هرن عليك واعرفك
احمد بابتسامة: وانا تحت امرك يا عمى.. ها قولت ايه على موضوع الممرضة ده
جابر: موافق انا واثق فيك وياريت تكون قد الثقه دي
احمد بجديه: متقلقش يا عمى الايام هتثبتلك
بعد اذنك بقى يا عمى وباذن الله اجى اخد انسه سندس بكره على الساعه 4 وباذن الله الشغل هيبدا من يوم السبت تمام
جابر: ماشى يا بنى ربنا يقدم اللى فيه الخير
ثم ودعهم و نزلت معه سندس لتوصله للجراش
وفى طريقهم
احمد: انا عايز اسالك سؤال
سندس: اتفضل
احمد: انتى موافقة عليا ولا لاه
سندس: بص انا مش هنكر انى اعجبت بيك بس يمكن علشان شخصيتك او شكلك
احمد: امم يعنى فى امل
سندس بضحك: انشأ الله
اخذ احمد سيارته ثم ودعها و ذهب الى بيته و هى ذهبت الى بيتها
وهى فى الطريق رن عليها احمد
سندس باستغراب : نسيت حاجه ولا ايه
احمد : لا بس انا حبيت افضل معاكى على الفون لغايه ما تروحى علشان اطمن
سندس بابتسامة: متقلقش دى منطقتى مفيش حاجه هتاذينى
احمد بحب: ولو برده لازم اطمن عليكى افردى يعنى حد عكسك وانتى ماشيه
سندس بضحك: ياااه دا حصل كتير اوى
احمد بغيره: طب والله بعد كده اى حد يبصلك بس كدا لهمحيه من على وش الارض
سندس: مش للدرجادي عادى البنات كلها بتتعاكس
احمد: انا مليش دعوه بحد انا ليا دعوه بيكى انتى بس
وفضلوا يتكلمو لغايه ما روحت و قفلت معاه وهو كمان وصل البيت وتوجه الى اهله ليخبره بهذا الخبر
احمد : انا قررت قرار هيفرحكوا اوى
كريمه: شكلك كدا بيقول انك عايز تتجوز
احمد بابتسامة حب: يا بنت الايه يا ماما صح يا كوكو
محمد : والله واخيرا هتبقى عريس يا سيدى مين بقى اللى خطفت قلبك يا برنس
وانهى جملته بغمزه
احمد بحب : سندس اسمها سندس يا بابا
امجد: طيب يا سيدى خدتلنا معاد
احمد: انا اتكلمت مع والدها وهو قالى يومين كدا وهيرد عليا وانا طلبت منه انو بخليها تتغدى معايا فى مطعم علشان اتعرف عليها اكتر وهيا كمان
كريمه بزعل: اخس عليك يا احمد تغديها بره واحنا هنا عندنا الخير كله طب اعزم والدها و والدتها وهيا كمان تيجى تتغدى وبالمره نتعرف عليهم و هما كمان يتعرفوا علينا
محمد: اه والله معاكى حق يا كريمه اتصل بيهم يا احمد وهات انا اعزمه
علياء: الله يا ميدو اخيرا هشوف مراتك اه انا مستنيه اللحظه دى من بدرى
احمد بضحك: اهى جت اهى يا ست علياء .. اتفضل يا بابا انا والدها معاك على الفون
كلم محمد جابر واقنعه ان ياتى لزيارته غدا ليقضوا معهم اليوم ليتعرفوا اكثر على بعض وقال له انه سوف يرسل احمد اليهم ليجلبهم الى الفيلا
فوافق جابر بعد لحظات بسيطه عندما راى القبول في عيون ابنته سندس وقرة عينه
احمد: والنبى انتوا احلى عيله فى الدنيا
محمد: يا بكاش
امجد: احكيلنا بقا عرفتها ازاى
حكى لهم احمد كل شيء
احمد بخوف: بص يا بابا هما مستواهم الاجتماعي مش زينا هما ناس على قدهم علشان تبقى عارف
محمد: وفيها ايه يعنى كلنا واحد يا بنى ما انا كنت زيهم فى يوم من الايام
احمد بارتياح عندما وجد علامه الرضا على وجوه عائلته السعيده بهذا الخبر السعيد فهو الاكبر وفرحتهم الاولى

❤❤❤❤❤❤❤❤❤❤❤❤❤❤
هااا ايه رايكم انا حبيت اكتب البارت ده عن سندس واحمد علشان قصتهم تبدا تمام يارب البارت يكون عجبكم متنسوش الفوت و كومنت يشجعنى وكل سنة وانتم طيبين بمناسبة اقتراب عيد الاضحى المبارك ❤❤
بى قلم/
Fatma Sayed