Every Beat of Chaos (TUD Series 1)

CHAPTER VII

Chapter 7 - Mr. Patatas

Ilang minuto kaming namalagi ni Tina sa cafeteria dahil ang tagal niya kumain. At sa mga oras na 'yan ay nasa malayo lang ang tingin ko. Ayoko na kasing lumingon sa direksyon kung nasaan ang TUD dahil baka hindi ko kayanin. Lalo na't may balak yata akong tambangan nung mokong na 'yon.

Halos tulungan ko na siya sa pagkain. Doble ang isinusubo ko kumpara sa sinusubo niya. Kanina ko pa siya sinasabihan na bilisan niya subalit ayaw nito makinig. Baka raw kabagin ito pero tingin ko gusto lang 'ata ako nito pagtripan.

"Huy, Tina. Hindi na ba siya nakatingin dito? Tignan mo nga!" Sabi ko sa kanya habang hindi na maawat sa pagnguya. Kasi naman!

Saglit siyang lumingon sa grupo ng TUD bago siya humarap sakit at saka sumagot.

"Hindi na, Ya. Hehehe." Sabi nito habang nagpipigil siya ng tawa.

"Sigurado ka?" Tanong ko sa kanya na tinanguan niya lang naman. Medyo duda pa ako nung una pero para makasiguro ay lumingon ulit ako.

Anak ng teteng! Tarantado talaga 'tong si Tina. Nakatingin parin sa'kin si Chaos habang umiinom ng chuckie na hawak niya. Kaya naman sinamaan ko siya ng tingin. Hindi na kaaya-aya 'yong malademonyo nyang ngisi. It's pure evil!

Naalala ko nung unang beses ko siyang makitang ngumisi ng gano'n. Sa isang iglap ay minalas ako at napagtripan ng ka banda niya. Dapat lang na siya rin ang sisihin sa panahong 'yon. Siya ang may pasimuno kung bakit ako nabugbog ng yakap at bigat ng mga lalaking 'yon.

Eh kung ipukpok ko kaya sa ulo niya 'yong drumsticks na nasa bag ko? Mukhang magandang ideya 'yon! Matutuwa pa ako at matatahimik sa buhay 'pag nagkataon.

I'm starting to hate him, everything about him. Lalo na 'yong ugali't mukha niyang gwapo kahit hindi naman talaga. Duling lang siguro 'yong mga fans at mga nagkakacrush sa kanya. Bakit di niya sila samahan magpa-EO? Literal na nakakainis!

"Hi Jersey!" Napukaw ang tingin ko kay Flores na nasa tabi lang ni Chaos. Bumati siya sa'kin at saka kumaway. Napatango rin ako sa kaniya at pilit ngumiti. Kumaway rin ako pabalik. Pesteng kaway na naman 'yan! Nakakatrauma!

Noong una ay nagulat pa si Tina kung ba't kilala ako ni Flores pero nang muli kong banggitin sa kanya 'yong salitang sapak ay muli niyang naalala at sinimulan ulit humagalpak ng tawa.

Napansin ko namang nagbulong bulongan 'yong mga babaeng nasa paligid namin. Some gave me death glares and creased eyebrows.

"Naku! 'Wag mong pansinin 'yang mga, Ya. Ganyan talaga 'yong ibang fans lalo na kapag may pinapansin ang bandang TUD. Mga insecure." Napalingon ako kay Tina dahil sa sinabi nito. Siguro'y napansin niya rin 'yong naging kilos ng ibang fans.

"Hi Lucas!" Nakibati na rin si Tina sa grupong TUD. Kinindatan lang din siya ni Lucas, 'yong lalaking may kulay ang buhok. Napansin kong muling nagbulungan 'yong ibang tao. At gaya ng nangyari sa'kin kanina, nakatanggap din siya ng masasamang tingin na may kasama pang pambabatikos.

"Oh my gosh! Ang papansin nila."

"Yeah, right! Sinabi mo pa."

"As if naman may pag-asa siya. Lucas si mine!"

Ilan lang 'yan sa mga narinig ko. Tumingin ako kay Tina na nasa harapan ko lang pero ngumiti lang siya sa'kin sabay kindat.

"Ayan! Pareho na tayo. HAHAHA!" Muli na siyang bumalik sa pakain.

"Ako ba, hindi mo babatiin?" Sabay kaming napalingon ni Tina sa lalaking nasalita sa tabi namin. At pagtingin namin, halos sabay kaming napanganga ni Tina. Ang miyembro ng sikat na bandang TUD ay nasa harapan na mismo namin. Sila ang unang lumapit.