الهروب للجحيم

صدمة عمري

راضي بحياء يبتسم: ما أنا عشان كدا جاي عندكم اليوم .. خلاص أخيراً لقيت رجل طيب ومحترم .. حبني من قلبه وطلب يتزوجني .. وأنا وافقت .. وجيت هنا عشان نوقع عقد زواجي هنا بينكم

جميله منصدمه من كلام راضي .. صابر بإستغراب: توقع عقد زواج مين؟

راضي بحياء: عقد زواجي يا صابر .. وجبت معايا ملابس وهدايا لكم كلكم عشان تلبسوا وتنبسطوا يوم زواجي

يتوجه راضي ويدخل الغرفه التي بها الهدايا .. يأخذ الهدايا الخاصه بجميله وصابر ويخرج من الغرفه يعطي كل منهما هديته .. صابر وجميله منصدمين من كلام راضي

راضي بفرح: خلاص يا جماعه أنا جيت عشان أعوضكم عن كل الأيام الصعبه اللي عشتوها .. وراح أغير حياتكم تماماً

راضي مستغرب من سكوت صابر وجميله وعدم فرحهم بالهدايا ولا بخبر زواجه: غريبه يعني كأنكم مو فرحانيين ليا ولا بالهدايا .. خير في حاجه!!

مازال الإثنين صامتين ومصدومين .. راضي بإستغراب أكثر: جميله في حاجه .. صابر إيش في ليش ساكت؟

راضي يمسك كتف جميله وهو يهزه: جميله .. جميله إيش فيه ليش ساكته .. ما تتكلمي .. إيش فيه؟

راضي بقلق: يا جماعه ما تتكلموا قولوا لي إيش فيه؟ .. يا سعيد .. يا سعيد .. إيش في؟ .. ليش أبوك وأمك ساكتين ما بيتكلموا؟

سعيد بإرتباك: تتزوج كيف يا راضي وإنت متزوج أصلا

راضي بصدمه: إإإإإيش .. إيش اللي بتقوله .. أأأأأأنا متزوج!!

راضي ينظر لصابر بصدمه: صحيح الكلام اللي بيقوله سعيد .. أنا متزوج .. صابر رد عليا .. أنا متزوج؟

صابر صامت لا ينظر لراضي ولا يرد عليه .. راضي يلتفت لجميله بصدمه أكبر: جميله .. جميله ردي عليه .. أنا متزوج؟

جميله لا تنظر لراضي .. وبإرتباك: ما ما ما ما .. ما ما ما إإإإإإحنا

راضي بإنفعال: ما إنتم إيش؟ ما تتكلمي زي الناس .. إنتم إيش؟

جميله بإرتباك: ما إحنا وقعنا عقد زواجك .. وصابر كان وكيل عنك

راضي بإنفعال أكثر: إيش؟ .. وقعتوا عقد زواجي .. وصابر وكيلي .. وكيلي على إيش؟

صابر يحاول توضيح الأمر لراضي: ما هو فرحان .. قال أكون وكيلك في التوقيع على عقد الزواج 

راضي وقد فقد أعصابه وبدأ بالصراخ: إإإإإإإيش .. زوجتوني لفرحان .. كيف؟ .. ومين قالكم تزوجني أو إني موافق على الزواج منه أصلا