💟بقايا طفلة💟مكتملة💟

🖤الفصل الثالث والعشرون 🖤

فى الاعلى
دخل مالك ومعه اريج وجلس مالك على الفراش ويبدو عليه الحزن
اريج:مالك يا مالك انت كويس فيك حاجة
مالك:لا يا حبيبى تسلمى بس تعبان شوية
اريج:هتخبى عليا انا
مالك:بصراحة كده يا اريج فى عندى مريضة اتعرضت للاغتصاب من عمها وحالتها متدمرة جدا
اريج: من عمها يا ستير يا رب لاحول ولا قوة الابالله هى وصلت للدرجة دى الناس بقت تطعن شرفها وتإذى اللى ليها
مالك:واكتر من كده فى اب بيغتصب بنته وفى اخ بيغتصب اخته او امه ربنا يحفظنا يا اريج
اريج:اللهم امين طيب ارتاح انت شوية
اماء لهامالك وتسطح على الفراش وهو يفكر حتى غفى ابتسمت عليه اريج وقبلت جبينه وغطته وخرجت من الغرفة واثناء خروجها سمعت حديث الخالة نصرة مع احد
اريج بصدمة:يا نهار اسود
لم تصدق اريج ما سمعته ولم تعرف ماذا تفعل هل تخبر الجميع بما سمعته ام تظل هكذا بدون ان تخبر احد وكيف تخبرهم ان خالتهم التى بحبوها تتحدث مع احد وتطلب منه ان يسرق ورق الصفقات الخاصة بالشركة ويقوم بحرقها
اختارت الا تخبر احد وهبطت الى الاسفل وجدت ريهام مازالت تتفحص هاتفها نظرت لها وتمعنت بها واخذت تفكر فمن يراها يظن انها فتاة سيئة ولكنها طيبة جدا ام انها تشبه الحرباء وتتلون بأكثر من لون لم تعرف اريج ماذا تفعل اتجهت اليها اريج وجلست بجوارها ابتسمت لها ريهام وتركت هاتفها
ريهام بسؤال :مالك بتبصيلى كده ليه
اريج بتنهد :مفيش ولا حاجة بس مستغربة
ريهام بإستغراب :مستغربة ايه
اريج بسؤال :يعنى انتى ليه لابسة كده
ريهام بحزن ووجع :صدقينى معرفش انا طلعت على الدنيا وملقتش حنان الام رغم انها عايشة اللى ربتنى الدادات وحتى اختى رضوى التؤام برضو نفس نظامى بقيت امى تختارلى لبسى كله وتقولى لازم تبقى على الموضة علشان اعجب اى حد واتجوز واحد يكون له منصب اجتماعى او عنده مال متخزن فى البنوك ده تفكرها فمحدش بقى فضى يعلمنى الحلال والحرام فهمتى بقى
اريج بتفهم وسؤال :فهمت ورضوى اتجوزت
ريهام بتنهيدة:ايوة اتجوزت من وكيل نيابة لكنها متعذبة معاه موريها النجوم فى عز الضهر كل يوم والتانى علقة
انتفضت اريج اثر ما سمعته فهى بالفعل قد تعالجت من الخوف ولكن حينما تستمع الى اشياء كهذه تخاف :طيب انا ماشية
لم تستمع الى حديث ريهام التى استغربتها وهى تنادى عليها واريج لم تلتفت لها حتى
ريهام فى سرها :مالها دى
اما اريج فهى صعدت الى الاعلى ودموعها تغرق وجنتيها وشهقاتها تعلو شيئا فشيئا دخلت غرفتها وبسرعة البرق كانت بداخل حضن مالك الذى انتفض حينما شعر بها وظل يملس على شعرها ويهدئها ويقرأ لها ما تيسر من القرأن حتى تهدأ دقائق وغفت بجوارهقبلها على جببنها ومسح دموعها و تنهد قائلا : ياترىحصل معاكى ايه اريج خلاكى تبكى كده
نهض مالك من الفراش وابدل ثيابه وصلى فرض العصر وتوجه الى حمزة وجده مستيقظ ويلعب بقدميه ويصدر اصواتا مضحكة ابتسم مالك عليه وحمله وهبط به الى الاسفل اتجه الى المطبخ وجدةعلياء تصنع كأس من الشاى
مالك:عزة معلش اعمليلى سيريلاك لحمزة
علياء: حاضر حاجة تانية
مالك:تسلمى
علياء:امال فين اريج
مالك:نامت فوق
علياء: تمام
انهت علياء صنع السيريلاك ووضعته فى طبق واعطته الى مالك الذى وضع حمزة فى كرسيه الخاص واخذ يطعمه وبعدانتهائه حمل الكأس الخاص به واسقاه الماء وبعد ذلك مسح له وجهه بالماء واخذه متجها الى الحديقة ليجلس على الارجوحة وهو يهتز قليلا ويبدا بتقبيل حمزة وملاعبته حتى يصدر اصواتا تدل على سعادته وضحكه ظل هكذا حتى مر الوقت وكان غفى حمزة معه اخذه وصعد الى الاعلى مرة اخرى ونيم حمزة بفراشه ونظر الى اريج التى كانت مستيقظة وتنظر الى اللاشئ شاردة قطب مالك حاجبيه مستغربا عليها وقام بوضع يده على كتفيها انتفضت اريج ونظرت اليه وحضنته واخذت تبكى وهو يسالها مابها ولا تجاوب حتى اخرجت مابداخلها عن طريق البكاء وقررت ان تبوح لها بكل شئ اذا سألها
مالك:مالك يا اريج وماتحاوليش تكذبى هعرف
اريج:مش هكدب كنت بتكلم مع ريهام وحكتلى على اختها رضوى واللى بيعملوا معاها جوزها قلتلى انه بيضربها غصب عنى افتكرت كل اللى كان بيحصل معايا
مالك:اهدى يا حبيبتى وانسى كل اللى فات ربنا يهدى جوزها
اريج بتردد:مالك عاوزة اقولك حاجة
مالك:قولى يا حبيبى
اريج:انا سمعت خالتك ب
قطع حديثها طرق على الباب امر مالك الطارق بالدخول وكانت عزة التى تطلب منهم النزول الى الاسفل ليتناولوا طعام العشاء اماء لها مالك واتجه الى اريج قائلا:كنتى بتقولى ايه
اريج :ولا حاجة يالا بينا ننزل
مالك: اوكيه يالا
لم تعرف اريج مالذى منعها من ان تخبره فهى لا تريد ان تفتعل مشاكل بينهم وتخبرهم بما سمعت لعلها تكون مخطئة ولكنها لا تعلم خطورة عدم اخبارها ماذا سيكلفها فيما بعد
💜💜💜💜💜💜💜💜💜💜💜💜💜💜💜
فى الاسفل
جلس الجميع يتناول الطعام وكل واحد منهم فى عالم خاص به حتى قطع شرودهم علياء التى كانت تنظر لهم منذ البداية
علياء:مالكم عاملين كده ليه زى اللى نزل عليهم سد الحنك
مالك والجميع:مفيش
علياء:مفيش ازاى ده انتوا باين عليكم انكم مهمومين قوى
الجميع:مفيش
علياء:طيب يارب دايما تكونوا كويسين
اخذت علياء تتحدث معهم حتى انتهوا من تناول الطعام وحملوا الاطباق وغسلتهم اريج وبعد ذلك صعدت الى اعلى وفى طريقهااستمعت الى الخالة نصرة تتحدثعلى الهاتف مرة اخرى
الخالة نصرة:اسمعنى بعد ماتسرق الورق احرقه ماشى وفى واحدة هنا اسمها اريج هبعتلك صورتها وصورة ابنها اتصرف عاوزك تحرقلى قلب مالك عليها هى او ابنها تخطفه بقى تقتله انت حر وهى عاوزك تخلصنى منها
المجهول:امرك يا كبيرة
الخالةنصرة:والمبلغ اللى اتفقنا عليه هتاخده
المجهول:طول عمرك صحبة واجب ياكبيرة
الخالةنصرة:يالا سلام
المجهول:سلام
الخالةنصرةفى سرها:ان ما حرقت قلبها عليك يا مالك ما يكون اسمى نصرة وهى كمان هحرق قلبها على ابنها
اما فى الخارج كانت اريج تستمع الى حديثها ولم تستطع التصديق انه يوجد احد يعيش وهو يحمل بداخله كل هذا الشر كانت تشعر ان عقلها توقف من كثرة التفكير الى ان هداها عقلها الى خطة تستطيع بها ان تكشفها على حقيقتها
اتجهت الى غرفتها وابدلت ثيابها وجلست على فراشها تنتظر مالك الذى اتجه الى عيادته بعد تناول طعام العشاء يطلبونه فى امر هام
بعد مرور اربع ساعات من الوقت وصل مالك الى المنزل وصعد الى الاعلى فقد كان الجميع بالداخل نيام اتجه الى غرفته فتح الباب واضاء النور اضاءة خافتة وجد اريج متسطحة على فراشها نائمة وحمزة بجوارها ايضا نائم ابدل ثيابه بأخرى للنوم وحمل حمزة ووضعه بداخل فراشه ونام بجوارها بعدما قبل جبينهم
💚💚💚💚💚💚💚💚💚💚💚💚💚💚
فى الصباح استيقظت اريج قبل مالك ونظرت له وابتسمت عليه فهو يحضنها وكأنها ستهرب منه قبلت جبينه ووجنتيه وجانب شفتيها وحينما حاولت القيام امسكها وارتدت بداخل صدره وهو يحدثها:رايحة فين
اريج بعشق:الصبح طلع خلاص يالا قوم
امسك مالك خصلات شعرها واخذ يقبلها بحب:خليكى معايا
اريج بحنان ومشاكسة:طيب ما انا معاك دايما ومش هسيبك ابدا
وكأنها تطمأن نفسها بتلك الكلمات فهى خايفة من المجهول وماتدبره الخالة نصرة لها
مالك بحب: طبعا هتكونى معايا دايما لانى مش هسمحلك تسبينى ابدا
اريج:طيب يالا قوم
مالك:حاضر يا عشقى
قامت اريج من جواره ودخلت الحمام لتستحم وتبدل ثيابها باخرى وحملت حمزة وهبطت الى الاسفل وجدت علياء تجهز الطعام اكملت التجهيزات معها ووضعوا الطعام على السفرة دقائق وهبط مالك معه وجلسوا يتناولون الطعام وااخالة نصرة تنظر الى اريج نظرة كره وحقد اما اريج تحاول بقدر الامكان عدم النظر اليها حتى تحدثت علياء:اريج ايه رأيك تروحى معايا المطعم
اريج:ليه يعنى
علياء:انا بقول تخففى عن نفسك شوية انتى امتحانك الاسبوع اللى جاى ومش هيكون عندك وقت انك تخرجى
اريج:هفكر
الخالة نصرةبلهفة:ايوة روحى معاها
نظرت لها اريج وعلمت انها تريد ان تنفذ مخططها
اريج:اوكيه هطلع اجهز ونروح سوا
ابتسمت الخالة نصرة على نجاح مخططها ولكنها لا تعلم ان الله سبحانه وتعالى يرد كيد الكائدين بكيدهم غافلة عن قول الله تعالى "ويمكرون ويمكر الله والله خير الماكرين "
عندمالك
اتاه اتصال من علياء وهى تبكى:الحقنى يا مالك اريج وحمزة اتخطفوا
🎄🎄🎄🎄🎄🎄🎄🎄🎄🎄🎄🎄🎄🎄🎄
انتهى الفصل
عاوزة اشوف تفاعل كبير وتعليقات اكتر اعملوا فولوا للصفحة بتاعتى وفوت للفصل
ياترى ايه اللى هيحصل مع اريج