💟بقايا طفلة💟مكتملة💟

🤍الفصل الرابع والعشرون 🤍

فى الصباح استيقظت اريج قبل مالك ونظرت له وابتسمت عليه فهو يحضنها وكأنها ستهرب منه قبلت جبينه ووجنتيه وجانب شفتيها وحينما حاولت القيام امسكها وارتدت بداخل صدره وهو يحدثها:رايحة فين
اريج بعشق:الصبح طلع خلاص يالا قوم
امسك مالك خصلات شعرها واخذ يقبلها بحب:خليكى معايا
اريج بحنان ومشاكسة:طيب ما انا معاك دايما ومش هسيبك ابدا
وكأنها تطمأن نفسها بتلك الكلمات فهى خايفة من المجهول وماتدبره الخالة نصرة لها
مالك بحب: طبعا هتكونى معايا دايما لانى مش هسمحلك تسبينى ابدا
اريج:طيب يالا قوم
مالك:حاضر يا عشقى
قامت اريج من جواره ودخلت الحمام لتستحم وتبدل ثيابها باخرى وحملت حمزة وهبطت الى الاسفل وجدت علياء تجهز الطعام اكملت التجهيزات معها ووضعوا الطعام على السفرة دقائق وهبط مالك معه وجلسوا يتناولون الطعام وااخالة نصرة تنظر الى اريج نظرة كره وحقد اما اريج تحاول بقدر الامكان عدم النظر اليها حتى تحدثت علياء:اريج ايه رأيك تروحى معايا المطعم
اريج:ليه يعنى
علياء:انا بقول تخففى عن نفسك شوية انتى امتحانك الاسبوع اللى جاى ومش هيكون عندك وقت انك تخرجى
اريج:هفكر
الخالة نصرةبلهفة:ايوة روحى معاها
نظرت لها اريج وعلمت انها تريد ان تنفذ مخططها
اريج:اوكيه هطلع اجهز ونروح سوا
ابتسمت الخالة نصرة على نجاح مخططها ولكنها لا تعلم ان الله سبحانه وتعالى يرد كيد الكائدين بكيدهم غافلة عن قول الله تعالى "ويمكرون ويمكر الله والله خير الماكرين "
عندمالك
أتاه اتصال من علياء وهى تبكى:الحقنى يا مالك اريج وحمزة اتخطفوا
انصدم مالك من ماسمع ماذا كيف حصل هذا من له يد فى محاولة خطفها سوى سالم وهو ميت الان اذن من يكون هذا الشخص توقف عقل مالك عن التفكير لا يعرف ماذا يفعل اغلقت علياء الخط واتت راكضة الى المنزل لتراهم وتخبرهم بما حدث وصلت علياء المنزل وجدت مالك فاقد الوعى والجميع بجواره ولا يعرفون ماذا حدث
علياءببكاء :فى ايه ماله مالك
معتز:معرفش انا لقيت مغمى عليه يدوب شلته وبحاول افوق فيه
علياء:طيب اطلبوا الدكتور بسرعة
معتز:انا طلبته وزمانه على وصول
دقائق ووصل الطبيب الى المنزل فحصه واخبره ان ضغطه نزل قليلا افاق مالك وهو يصرخ وينادى بإسم اريج وحمزة وعلياء تبكى
مالك بصراخ :قوليلى ايه اللى حصل
علياء ببكاء :حاضر هقول
فلاش باك
بعد ماخرجنا من البيت وركبنا العربية ووصلنا المطعم قعدنا شوية وبعدين فى ست نادت لاريج قالتلها ان فى واحدة ست عاوزاها خرجت هى وحمزة وبعدين ببص عليهم لقيت وحدة ست خدرتهم واخدتهم فى عربية ومشيت معرفتش اعمل ايه فاتصلت عليك
ايندباك
وده كل اللى حصل
مالك:انا هبلغ البوليس محدش هيساعدنى فى ده غير فهد
لم ينتظر مالك واخذ سيارته ووصل الى قسم الشرطة وطرق باب مكتب فهد ودخل وجلس على كرسيه
فهد:مالك يا بنى فى ايه
مالك:اريج وحمزة فين
فهد:ماتقلقش  هما فى البيت عندى
مالك:لما عرفت انهم اتخطفوا افتكرت انك مقدرتش تاخدهم وقدرت خالتى نصرة تخطفهم
فهد:الحمد لله هما بخير مكنتش قادر اصدق اللى مراتك حكته
مالك:مش عارف اذاى اريج متقوليش حاجة زى كده
فهد:يمكن خافت متصدقهاش
مالك:الحمد لله على كل حال مش قادر اصدق ان خالتى ممكن تحاول تإذى اخواتى ومراتى وابنى بالطريقة دى
فهد:الكره والحقد والغل بيعمل اكتر من كده
مالك:قولى هى اريج بلغتك امتى
فهد:امبارح
مالك:احكيلى ايه اللى حصل
فهد:اللى حصل كالاتى
فلاش باك
بعد ما استمعت اريج الى حديث الخالة نصرة مع المجهول  تحدثت مع فهد وقصت عليه ما حدث وجلب لها كاميرا صغيرة ارسلها  لها مع بعض الاغراض وفى المساء انتظرت اريج حتى تهبط الخالة نصرة الى الاسفل واستطاعت ان تضع لها  الكاميرا الصغيرة التى ارسلها لها فهد وصورت كل شئ حتى معاد الخطف فقد علمت اريج ان الخالة نصرة هى من طلبت منها ان تأخذ اريج وحمزة معها وبعد وصولها الى المطعم قام فهد بإرسال صورة لها يخبرها بأن تذهب الى الخارج وان الخطة قدبدأت
ايندباك
ورأت علياء ما يحدث واخبرت مالك الذى فقد وعيه وبعدما افاق ارسل له فهد تسجيل صوتى يخبره فيه ان زوجته وطفله حمزة معه واثناء الطريق حدثه واخبره كل شئ
فهد:وده كل اللى حصل
مالك: ده انا قلبى وقع فى رجليا لما عرفت ودينى عندها
فهد:طيب يالا هى عند عذراء
مالك:والله ده انت تحفة مش عارف اذاى اتأقلمت مع مراتك التركية دى
فهد:يا بنى انت ناسى ان بعد الحادثة بتاعتى بطلت اشتغل فى الشرطة ومرجعتش غير من فترة صغيرة
مالك:  واول القضايا كانت بتاعتى
فهد:يعنى عارف
وصل فهد ومالك الى المنزل وجد اريج وحمزة يتحدثون مع عذراء التى تتحدث العربية بتقطع رات اريج مالك وهبت واقفة وركضت اليه وضمته وزاد مالك فى ضمها ولا يصدق انها الان بخير هى وحمزة الذى بدأ يقبله بكثرة ضمهم الى صدره واخذ يتنفس بهدوء فهو شعر ان روحه قد سحبت من جسده
فهد:مالك سيبهم هنا لحد ما نعرف خالتك بتفكر فى ايه علشان ما ترجعش تإذيهم واحنا بنراقبها
مالك:طيب ماشى خلى بالك منهم يا فهد
فهد:متقلقش هسيبكم مع بعض يالايا عذراء
عذراء:يالا
خرج فهد وعذراء من الغرفة وترك مالك مع اريج وحمزة
مالك بزعل :انتى عارفة انا خفت قد ايه لما عرفت انك اتخطفتى حسيت ان قلبى وقف وروحى اتسحبت منى  واكمل بعتاب واضح:  ليه ما قولتليش كل حاجة سمعتيها ليه خبيتى عليا يا اريج
اريج بأسف :انا اسفة بس  خفت اقولك ابقى بعمل مشاكل بينك وبين خالتك مكنتش عارفة اعمل ايه افتكرت فهد  وقلتله كل حاجة سمعتها وهو قالى معملش اى حاجة علشان كل حاجة تبان طبيعية ونفذت الخطة ومشيت عليها انا حتى مقدرتش اقول لعلياء اى حاجة حتى
تنهد مالك قائلا :الحمدلله انك انتى وحمزة بخير
اريج بحب :فى خبر عاوزة اقولهولك
مالك بإبتسامة :قولى
اريج بخجل :انا حامل
مالك بصدمة :بتقولى ايه
اريج بحب وضحك : انا حامل انت هتبقى بابا
مالك بغباء :قولى والله
اريج بضحك :والله
مالك بصراخ وحب :هبقى بابا يا ناس ياهو هبقى بابا
حمل اريج بين يديه واخذ يدور بها وهو يضحك وهى ايضا حتى نزلها واخذ يقبلها الى ان انقطع النفس ببنهم وضع جبينه فوق جبينها ويدهعلى بطنها:ده  احلى خبر سمعته فى حياتى يا اغلى من حياتى يا عشقى ونور عيونى يا كل حاجة ليا فى الدنيا
اريج بدموع من حديثه:وانت اغلى حاجة فى حياتى انت نور عيونى انت عشقى انت عوض ربنا ليا فى الدنيا ربنا يحفظك ليا يا اغلى حاجة فى حياتى
ضمها مالك الى صدره وجلس بجواره وهو يضمها ويشدد عليها وهو يشكر الله على تلك النعم التى انعمها عليه
بينما فى الخارج كان فهد يبتسموهو يضم عذراء الى صدره ويدعوا الله ان لا يحرم صديقه من تلك السعادة التى حصل عليها مؤخرا
💞💞💞💞💞💞💞💞💞💞💞💞💞💞💞
فى المنزل كان يبدو على الجميع الحزن فمنذ ان علموا بإختطاف اريج وحمزة وهم فى حالة حزن يشعرون  بالخوف عليها ولا يعرفون من له يد فى اختطافها
والذى ذادهم قلقا اختفاءمالك فمنذ خروجه وهم لا يعلمون الى اين ذهب
علياء:وبعدين هنفضل ساكتين كده احنا لازم نعرف هى فين دى يا حبة عينى ملهاش حد غيرنا
معتز:يعنى هنعمل ايه ادينا مستنين نعرف اى اخبار مالك راح يبلغ البوليس ولحد دلوقتى ما جاش ومنعرفش راح فين
بينما على الجهة الاخرى الخالة نصرة وهى يبدو عليها الفرح لنجاح خطتها ولكنها  لم تكلف نفسها وتتصل بذلك الشخص الذى  طلبت منه ان يقوم بخطفها حتى تعرف اخبارها فيهمها ان تنجح خطتها ولكن ارادة الله اقوىمنهم فيمكرون ويمكر الله والله خير الماكرين فستقع الخالة نصرة فى شر اعمالها فمن حفرة حفرة لاخيه وقع فيه وستقع قريبا ويتم القبض عليها فى اقرب فرصة تاركة خلفها كره اقرب الناس اليها وهم اولاد اختها فمن اجل الانتقام من موقف جرى معها وهى الخاطئة فيه  ستخسر كل شئ فهى لم تكن ام جيدة والان اصبحت خالة غير جيدة ايضا دقائق واتاها اتصالا من المجهول يخبرها بفشل خطتها وانه لم يقوم بخطفها
الخالةنصرة بصدمة :امال مين اللى خطفها لو انت مخطفتهاش
اتاها الجواب على سؤالها:
مفيش حد خطفها يا خالتو اريج بخير هى وحمزة
🌻🌻🌻🌻🌻🌻🌻🌻🌻🌻🌻🌻🌻🌻🌻
انتهى الفصل
عاوزة تفاعل وتعليقات كتيرة قوى
نتقابل بإذن الله يوم السبت
فى رعاية الله
والمواعيد تانى يوميا ماعدا الجمعة