فصلية و حب 💓

البارت الاول 1

....................................
اني الشيخ أحمد عمري ٢٨ سنة اخذت المشيخة من عمر ٢٣ من توفى ابوية عمي سواني الشيخ .. رغم تعب العشيرة و المسؤلية بس جنت مستمر بدراستي و كلما اخذ شهادة يعجبني ادرس غير شي و دادرس دراسات عليا .. جان ابوية الله يرحمه دائماً يگلي يا ريت تكون الدراسة من شروط المشيخة لان اكيد الشيخ رح يكون مثقف و ثقافته تساعده بالحكم بين الناس جنت اعيش بالكلية و اجواء المدنية شكل و بالعشيرة و المشيخة و بالسلف مالنه شكل 😅 جنت احب زميلتي بالكلية مو حب حب انما اعجاب و تعلق و اكتشفت هذا الشي بعدين جنت بالبداية عبالي أحبها .. جنا عايشين بالبيت اني و جدتي ام ابوية و امي و مرت ابوية و اخواني ٢ و خواتي ٢
عدنا قطع آراضي و بساتين كلش هوايه و الحمدلله بس جان اخوية الاصغر مني بسنة مصطفى يلح على گاع بيت غزوان يريد يشتريها  منهم اجباري لان كاعهم حلوة و جبيرة و بيها ترعة كلش جبيرة و هاي الترعة هي التمد المي للبساتين الباقية
لذلك جان يريدها چنت دائماً اگله عوفهم براحتهم كاعهم و بكيفهم ميقبل
مرة جنت نايم گعدتني امي الحگ احمد اخوك مصطفى ديتعارك ويا ابن غزوان لبست دشداشتي بسرعة و ركضت وصلت لگيت اخوية مصطفى متمدد و سابح بدمه داچينه سچينه ابطنه معرفت شسوي احتاريت اسودت الدنيا بوجهي كلش انقهرت على اخويه جان بيه نفس اخذوه اخويه و ابن عمي للمستشفى وگفت بنص گاع غزوان گلت الهم تجيبون لي غزوان و ابنه من جوه الگاع لا احرگ الدنيا عليكم هسه اجاني غزوان
غزوان : شيخ والله ابني ماله ذنب ابنكم اتعده
احمد : ولكم اذا اخويه صارله شي احرگ گاعكم عليكم
عفته و رحت للمستشفى وصلت گالولي اخوك مات حسيت حيلي انهدم عليه على گد ما انقهرت بأخوية على گد ما اريد انتقم نسيت كل مبادئي كملنا الاجراءات اخوية گال ما ندفنا لحد ما ناخذ الثار گتله ميصير اكرام الميت دفنه قنعته دفناه و كملنا رجعت للبيت دزيت زلم گلت الهم لو تهدون السلف عليهم مالي غرض المهم تجيبون لي غزوان و ابنه راحوا رجعوا بغزوان گالوا ابنه انهزم
يتبع ،،،،،