فصلية و حب 💓

البارت الخامس 5

دانه : الو هااا حمود وينك ليش صارلك يومين ماكو
(طبعاً دانه تعتبرني انسان عادي ابد متعتبرني شيخ 😂💔 )
أحمد : ماكو حبيبي جنت مشغول هاليومين اخويا اتوفى 😞
دانه : يا عززاا البقاء بحياتك
احمد : حياتج الباقية رح اگلج شغلة بس اتمنى متضوجين
و تفهميني اني تزوجت
دانه : شنو تزوجت ؟!!!!!
أحمد : (حچيت الها كل الموضوع ) ما اقتنعت و سدت التليفون بوجهي رجعت اتصل مغلق رغم اني شيخ عشيرة و عالم تهابني ارجع يمها انسان عادي يترجى منها شفقة 😞
كلش ضجت رجعت للغرفة لگيت براء نايمة عصبت اكثر لان بسببها گعدتها گلت الها طلعي بره بسرعة باوعت بوجهي و طلعت بدون نقاش نوب ظليت افكر بيها گلت خطية طلعت اشوفها وين لگيتها متكرفسة و نايمة بالممر الموزع بين الغرف جبت بطانية و غطيتها و رجعت نمت
گعدت الصبح الساعة بالستة ملگيتها بمكانها نزلت جوه شفتها بالمطبخ گلت الها سويلي ريوگ بسرعة
براء : صباح الخير
أحمد : 😒😒😒 عود بسمار يعني
براء : لا شيخ داكولك صباح الخير
أحمد : هلا
راحت براء تسويلي ريوگ اجتي امي سولفت ويايا و ظلينا نحجي امور تخص العشيرة بعدين اجت ست براء جابت الريوگ و راحت تريگت و طلعت للديوان عندي قضايا العشيرة لازم احلها گعدت اربع ساعات نوب صليت و رجعت للبيت صبوا غدا براء مسويته اكلها طيب و خبزها اطيب بعد 😅
تغديت و صعدت فوگ نمت و كعدت ملگيت براء لان مخلين الشغل كله عليها و متلحگ خطية نزلت لگيتها تنظف گلت الها روحي صعدي ارتاحي و خليت ام وليد (مرت الحارس مالهم تنظف و تطبخ الهم ) و اختي يكملن عنها
....................................................
( من براء )
الشغل كله صار عليه الطبخ و المواعين و البيت شكبره كله اني انظفه جنت دانظف اجه احمد گال صعدي صعدت و اني عظامي مكسرة و حيلي مهدود طلعت دشداشة قصيرة سبحت و لبستها و مشطت شعري و تمددت رغم كل التعب ما اجاني نوم ظليت اتكلب اتذكرت اهلي امي و ابوية و اخوية كلش انقهرت ظليت ابجي و اشهگ بصوت و ما احس الا احمد دخل
أحمد : ها خير شبيج براء
براء : ما بيه شي 😭
أحمد : لعد ليش تبجين هيج احد زعلج من اهلي بس گولي
براء : محد زعلني بس اني مقهورة و تريد الصدگ مشتاقه لأهلي اني مالي ذنب كلشي صار بسرعة بسرعة اهلي عافوني اجيت هنا
أحمد : شوفي اني ادري ما الج ذنب بس شنسوي هاي عاداتنا
براء : (ظل يسألني و يسولف ويايا و يصبرني اتعجبت عليه عنده شخصية ثانية حلوة و مرحة مو نفس شخصية شيخ العشيرة )
أحمد : براء انسي اني أحمد شيخ العشيرة و سولفي ويا احمد شاب متعلم و فاهم
براء : مدري شيخ شحجي اني كلش مقهورة و مشتاقه لأهلي
أحمد : كلها كم شهر و ترجعين الهم
براء : ان شاء الله
.............................................
(من أحمد)
أنقهرت على براء من شفتها هيج ما الها ذنب و كلشي طاح براسها طفلة عمرها ١٨ اتزوجت غصب و فصلية يعني بدون فرحة و عافوها اهلها و ندمت على الي سويته بيها البارحة
يتبع ،،،،،،