فصلية و حب 💓

البارت الثامن 8

( من براء )
مرة چنت نايمة و دايخة اجتي ام احمد كعدتني من النوم گالت گومي نظفي الكاونتر و طلعي المواعين كلهن رتبيهن گلت الها صار و رحت طلعت المواعين و مسحت و اني جنت كلش دايخة ضغطي نازل و بدون اكل فدخت و وكعت و تعورت براسي و انكسرت ايدي 😞💔
ظليت اصرخ اجوي عليه الحجية ظلت تحجي على ام احمد و رزلتها اخذني اخو احمد للمستشفى و سوولي ايدي جبسوها و راسي شافوه و سوولي مفراس لأن گلت الهم وگعت عليه
و رجعت للبيت تمددت و بنفس اليوم خابر أحمد گلوله براء نايمة خافوا يحجي عليهم لأن وصاهم عليه و گال لحد يأذيها
و سمعت بعد ٤ ايام و يجي كلش فرحت و ارتاحيت لأنو بس
مرن هذن الاربع ايام و اني انتظر و انتظر اجه اليوم الموعود 😂
اجه جناب الشيخ و ويا وحدة لابسه لبس مو من ثوبنا و حركة مو مستقرة اتعجبنا عليها گال هاي ضيفتي سلمت على كل هذا الحجي ما منتبه عليه اني كاعدة بالكاع وراهم و هم واگفين مشافوني اخر شي يلا اتذكرني هم زين 😒
أحمد : لعد وين براء
براء : ( گمت على حيلي ) ها شيخ الحمدلله على السلامة
أحمد : الله يسلمج .. شبيج رحت عامرة اجيت مكسورة 😳
أم أحمد : ما بيها شي جذابة
براء : 😔
أحمد : تعاي ورايه براء و انتي دانه البيت بيتج اخذي راحتج بنات جهزولها غرفة
براء : صعدنا للغرفة فتح الباب لگاه مقفول
أحمد : هاي ليش قافله الباب وين المفتاح
براء : يم عمتي
أحمد : ليش انتي وين تنامين
براء : بغرفة الحجية
أحمد : من شوكت
براء : من اول ما رحت
أحمد : زين ليش هيج سويتي شي
براء : لا والله بس هي كالت ميصير تنامين هنا
بدون ميجاوبني عصب و راح نزل جوه
................................................
( من أحمد )
كلش ضجت من شفت مسوين هيج ابراء شكلها متغير و ضعفانة و التعب مبين بوجها و كاسرين ايدها نزلت جوه لعبت بيهم جولة
أحمد : يمة انتي شبيج ويا البنية ١٠٠ مرة گتلج براء مالها ذنب دفهميها عاد
ام أحمد : يمة يمة الحية شبسرعة حشت براسك
أحمد : من حقها تنام بغرفتي هي مرتي و غرفتي غرفتها
دانه : 😡😳🤯🤒🤕    (😂)
أخذت المفتاح و صعدت فتحت باب الغرفة گلت يلا حتى تسبحين و ترتاحين طلعيلج ملابس
براء : ملابسي جوه
أحمد : يا الله حتى ملابسج طلعوها
من وحدها طگت بجي كأنوا دتستغيث بيه و تشكيلي انقهرت عليها صبرت عليها و مسحت دموعها و مسدت على شعرها و حضنتها
أحمد : أنزل جوه اجيب ملابسج ؟
براء : لا صدگ جذب شيخ اني انزل
أحمد : لا گعدي اصيح البنات يجيبنهن
نزلت جوه و خليت البنات يلمن ملابسها و يصعدنهن فوك لغرفتي و سألت عن دانه گالوا گعدناها بغرفة الضيوف
يتبع ......