فصلية و حب 💓

البارت العاشر 10

(من براء )
اجه ورايه احمد و سحبني من أيدي كلش اذاني
أحمد : شنو قلة الادب هايه الي سويتيها جوه دانه تسواج و تسوه عشيرتج المخانثة هسه تنزلين تعتذرين منها فهمتي
براء : ما انزل و ما اعتذر اني فصلية خدامه
أحمد : اي انتي اخوج المجرم الي قتل اخوية بس والله الا ابجيكم عليه بس اشوفه
براء : ههههه عليمن ها اني و انت نعرف كلش زين اخوية ليش دچه لأخوك اخوك يريد ياخذ گاعنه غصب يالفاهم يا ابو الكلية اخوك راد يسلب كاعنا و بيومها اتجاوز و غلط على اخوية و اخوية فار دمه و ضربة
و بدون سابق انذار ما احس الا بحرارة الراجدي على وجهي و ملخني من شعري
أحمد : انتي شلون تحجين هيج على أخوية اليوم رح اسوي بيج الما صاير
لزمني ملخني تلمخ رفس على راجديات على سحل على التملخ كلشي جنت بس اريده يعوفني توسلت بيه ماكو بس يضرب لدرجة فقدت انغمى عليه متت يلا عافني و طلع
.................................................................
( من أحمد )
استفزتني بكلامها و لزمتها ضربتها ضرب بدون شعور لحد ما فقدت عفتها و طلعت نزلت جوه گالوا دانه اخذت جنطتها و راحت طلعت بالسيارة ادور عليها اشوفها وين راحت خابرتها متجاوب نوب غلقته دورت عليها رحت للكراج ماكو رجعت للبيت صعدت فوگ لگيت براء بالحمام دتغسل رفست الباب عليها و جريتها من أيدها
أحمد : تعاملت وياج بالحسنى بما فيه الكافية لدرجة ركبتي فوك راسي استلمي منا و رايح معاملة صدك معاملة فصليات 😡
براء : عادي 🙂
أحمد : لزمتها من ايدها و فتحت باب الغرفة و دفعتها بره
كلش ضجت من تصرفاتها و بنفس الوقت اكو شي داخلي يلومني لان اتصرفت وياها هيج و اذيتها و انقهرت اول مرة امد ايدي على مرة مو من مبادئي و مجنت اتمنى بيوم امد ايدي عليها خاصة هي جانت زينة ويايا بس حجت على اخوية المرحوم و لو هي حچيها كله صح
......................................................
(من براء )
من بعد هذا اليوم تعامله صار ويايا كلش سيء ظل يخبث عليه كرهني عيشتي مجنت اجادله ابداً اساساً اتعودت على الاهانة منهم جان يحاجيني كله بنتر سويلي اكل غسلي ملابسي نظفي حذائي و حسرة عليه اتأخر بشي يقوم قيامتي عليه هو و امه و امه ما عاونت صارت دبل
مرة جنت  كاعدة بالمطبخ  اجاني گال گومي حضري ملابسي اريد اصعد للكلية يلا بسرعة گتله صار
صعدت حضرتهن  بالجنطة و كل كتبه و اغراضة كملتهن
و نزلت جوه راح هو صعد نام ثاني يوم بدل ملابسه و اخذ غراضه و نزل سلم علينا سلم على الكل من اجه دوري گال تعاي وصليني للسيارة و اريدج بكلمة من وصلنا يم السيارة
أحمد : براء اني صح شيخ عشيرة و انتي فصليتي لأن اخوج كتل اخوية بس اني هذا كله مو ببالي والله اني من ضربتج كنت معصب بس بعدين ندمت ابريلي الذمة اني على وجه سفر
براء : مبري الذمة
ركب سيارته و راح و رشيت وراه مي
و صعدت فوگ دخلت للغرفة و قفلت على نفسي و كعدت ارتب بيها نوب نزلت سويت عشا و تعشينا و داغسل مواعين و ما حسيت الا على صوت العياط 😞
يتبع ............