فصلية و حب 💓

البارت الثاني 2

من بيت براء :
براء : من بعد ما اخوية دچه لأخو الشيخ ابوية گله انهزم روح لخوالي لبغداد انهزم اخوية ظلينا اني و امي بخوف هذا اخوية الوحيد و معروف مصيره اذا لزموه رح يكتلوه سمعنا اخو الشيخ مات و صار الرمي ظلت امي تدگ و تلطم على اخوية و على الي رح يصير بينه مر يوم كامل و احنا مندري شنو كاعدين واحد فوگ الثاني و ننتظر مصيرنا صارت بالليل الساعة ب٨ و ما نحس الا صار الرمي علينا كسروا الجام طبوا علينا اخذوا لأبوية و راحوا مدري شسوي امي ظلت تبجي
براء : يمة اروح وراهم اني ادخل لديوان الشيخ و احاچيه
الام : يمة دسكتي شتحاجين الشيخ علمود يذبحج و مصيبتي تصير مصيبتين
براء : لازم اسوي حل ميصير اكعد و اسكت و ابوية عد الشيخ
لبست عباتي و ركضت رحت لعمامي كلهم جبناء محد قبل يساعدني رحت لبيت شيخ عشيرتنا حارس المظيف مقبل يدخلني توسلت بيه اخر شي قبل دخل صاحلي الشيخ ظل تقريباً ربع ساعة و  اجاني شيخ
براء : شيخنا دخيلك على الله و عليك ( حچيتله كلشي و شون اجوي المسلحين اخذوا ابوية )
الشيخ : روحي بنيتي لبيتكم و الصباح رباح تنحل ان شاء الله
و گال للحارس يوصلني
رجعت للبيت و منمت ظليت گاعدة للصبح
...........................................
( من بيت أحمد ) :
گعدت الساعة بـ٨ گالوا اجوي عشيرة غزوان و گرايبه گمت حتى اشوفهم بدلت و نزلت دخلت للديوان سلموا عليه رديت بثگل
شيخ عشيرتهم : اسمع يا شيخ احنا جايين نحل المشكلة شرايك تاخذ من غزوان فصل و فصلية ؟
أحمد : اني فلوس الدنيا ما تغنيني عن اخوية اخذ فصليتهم و كاعهم و يشيلون منا و ابنهم اذا اشوفه احط طلقة براسه
محد حچه گالوا طلباتك اوامر شيخ طلعوا راحوا
...........................
(من بيت براء) :
ظليت انتظر ابوية و بالعشرة الصبح اجه سوده عليه جان كلش تعبان و مهموم سألته امي شلون حيلتوها و حچه ابويه كلشي گاله الشيخ كلش انقهرت لان رح اروح فصلية و لان بعد ما اشوف امي و ابوية و رح يبعدون عني و اخوية الي ما ادري شنو مصيره ابوية گال روحي لمي ملابسج العصر ترحين لبيت الشيخ و يعقد عليج
يتبع......