فصلية و حب 💓

البارت الحادي عشر 11 و الاخير

(من براء )
سمعت صوت العياط ركضت عليهم گالوا أحمد مسوي حادث على الطريق  السريع و هسه هو بالمستشفى معرفت شسوي كلش انقهرت و ظليت ابجي و تذكرت حچيه ويايا قبل ليروح راحوا امه و اخوه و ابن عمه للمستشفى ظليت اني محتاره شسوي ما ادري كعدت بالغرفة بس ابجي و الوم بنفسي دخت من البجي و غفيت فزيت على صوت الباب يندگ
براء : تفضل
طلعت الاء اخت احمد الصغيرة
الاء : اني كلش خايفة على أحمد
براء : لتخفين ان شاء الله يكوم منها لازم ندعيله
الاء : ان شاء الله
براء : اتصلتي بيهم ؟!
الاء : داتصل محد يجاوب
راحت من يمي و اني افكر يا ترى شون احمد هسه رح يرجع اكدر اشوفه بعد غفيت شويه اجتني الاء گالت احمد عنده كسر برجله رح يدخل عملية يخلون برجله بلاتين و جروح و ضربة براسه و كسر بأيده الحمدلله ماكو شي خطير اطمنت ارتاحيت شوية و وره ٣ ايام جابوه للبيت من شفته لا شعورياً ظليت ابجي و حمدت الله رجع النا بالسلامة
طول فترة مرضه و اني اهتم بيه بكلشي ملابسه و حمامه و اكله و البيت ابد ما يخلى من الناس و كل يوم واحد جايب عجل لو خروف و ذابحه مشكلة الغسل والله 😂💔
ظل احمد ٥ شهور يلا اتعافى تماماً جانت علاقتنه كلش زينة جان يگلي انتي قمتي بواجبي رغم عملتي وياج المرة الاخيرة
مرة جنت داكوي ملابس اجه و جايب ويا علاگة حلوة و علبة حلويات گال هايه هدية مني الج لأن انتي تستاهلين كل خير فتحت العلاگة و شفت تليفون كلش حلو
براء : مشكور كلش فرحت بيه 😍 بس تدري كلشي ما اعرف بيه 🤦🏻‍♀️
أحمد : عادي اني اعلمج
براء : تمام
أحمد : و اكو بيه مفاجأة ثانية 😬
براء : شنو
اخذ التليفون مني و خابر مكالمة فيديو و انطاه الي و هوب طلعت امي بوجهي 😞💔 جكد بجيت بيومها و حجيت ويا امي هوايه ظلينا نحجي ساعتين
من خلصت المكالمة حضنته و شكرته لان خلاني احجي ويا اهلي
تعلمت على التليفون و ظليت اتابع برامج طبخ و عناية بالبشرة و گروبات لبس و مكياج لان جنت كلشي ما اعرف 🙃
ظليت اهتم ببشرتي و اوصي البنات على لبس و ماسكات و احف وجهي و حتى بالعيد غيرت لون شعري اتعجب عليه احمد 😌😌
مرة جنت كاعدة بالحديقة بالليل راسلني اخوية
اخوها : ها براء شونج اني محمد
براء : يا گلبي يا عمري مشتاقتلك شون اخبارك
محمد : اني زين بس ندمان لأن رحتي فصلية من ورايه اكيد يعذبوج
براء : اني زينة و كلش زينة بس انت لتخليهم يشوفونك يكتلونك و امسح رقمي لتراسلني بعد احمد مرات يلزمه تمام
ما احس غير انخمش التليفون مني و طلع أحمد
ظل يباوع بيه قرا كل المسجات و خابر على الرقم گله اجيبك اجيبك يا حرمة و ظل يعيط و يغلط 🥲 جنت بوكتها اتمنى الكاع تنشگ و تبلعني 🙃
خلص من المكالمة شمر التليفون أخذني سحل للديوان يعني لازم يكتلني 🙂💔 نوب خلاني بالسرداب مكان يخوف اظلم جوه الديوان يظمون بيه زوالي كلش خفت لان ظلمة عندي فوبيا منها حطيت راسي بين رجليه و ما احس الا شي لدغني و دخت و المكان كلش حار عبالك چويه جسمي كله عرگ و بردت ظليت اتلوه من الوجع و بعد محسيت بشي 😔💔
.................................................
(من أحمد)
من بعد ما حبست براء ظليت كاعدة بالحديقة ادخن اجه الحارس و ابنه جبير بيه ٢٠ سنة يم الديوان خفت خاف ابنه يفتح السرداب و يشوف براء لا حجاب و لا هايه فـ مخليتهم ينظفون طرتهم
اتذكرت هي تخاف من الظلمة رحت يم الباب حركته مسمعت الها صوت و لا حركة فتحت الباب هم ماكو شي شغلت الضوا من الديوان و نزلت للسرداب شفتها مغمي عليها و رجلها مورمة بيها لدغة و حرارتها مرتفعة شديت رجلها بالغترة و صحت لاختي جابت الها عباية و أخذناها للمستشفى گالوا متأخرين حاولوا يعالجوها ظلوا يطبون و يطلعون و اني بس اباوع و كلش خايف عليها و قلقان 😞💔
اخر شي اجه الدكتور گال راح الخطر عنها بس تبقى بالمستشفى اليوم
ظليت يمها الليل كله و حرارتها مرتفعة و بس تهذي
ظليت گاعد للصبح اول مگعدت باوعت بوجهي گلت الها صباح الخير دارت وجها و غمضت عيونها
أحمد : حقج والله اني اسف حبيبتي و اعتذر سامحيني
براء : انت اذيتني ردت اموت بسببك
أحمد : و حچيج لاخوج ما يسمونه خيانة
براء : گلتها اخوج انت ليش تريد تكتل اخوي علمود كتل اخوك مو صح يعني جنت تحب اخوك و تخاف عليه اني هم مثلك بالضبط
.................................................................
( من براء )
طلعوني من المستشفى رحت للغرفة نمت ظل اسبوع كامل و هو ساحل روحه علمود احجي ويا عجبتني سالفة الثگل حلوة 😂🤦🏻‍♀️
صادف مرة بالليل جنت كاعدة دخل هو طلع جنطتين حضر ملابسه و كتبه و اغراضه و باوعلي
أحمد : شنو تردين اخليلج ملابس
براء : ملابسيش
أحمد : ترحين ويايا لبيتي تداريني تعودت عليج ما اكدر بدون مدارتاج
بس ملابسج كلها معاجبتني من نروح هناك نشتري كلشي جديد
و فعلاً ثاني اليوم الصبح رحنا وصلنا بيت صغير حلو بيه غرفتين و مشتملات گال يلا دخلي و راواني البيت كله
راد يلزم ايدي وخرتها غندب فوگ ما غلطان 😒
كلشي حلو صار بهذا البيت تغيرت حياتنا صرنا سعداء حياة بسيطة و حلوة جان دائما يگلي لتگولين شيخ گولي أحمد
براء : يا عزا شون
أحمد : بالكلية يسموني حمود بنات و ولد
براء : يا عود صدگ
جان حتى يساعدني بشغل البيت و اتعجب عليه
و عاشوا بسعادة 😁❤️
النهاية .
أرائكم + شنو تحبون مواضيع قصص اكتب عنها ؟!