فصلية و حب 💓

البارت السابع 7

راح أحمد صعدت فوگ للعرفة داارتبها و ما احس الا الباب انرفست عليه و ام احمد باوعت بوجها
براء : ها عمه محتاجه شي
ام احمد : عمت عينج ان شاء الله
لزمتني سحلتني و طلعتني بره الغرفة و فتحت الكنتور و ظلت تشمر بغراضي و تحجي عليه و تفشر و اجت عليه كتلتني گطعتني تگطع اجتي الحجية و البنات فكوني منها و اخذتني الحجية نزلتني جوه و البنات ظلن يلمن هدومي و غراضي وجهي تخرمش و جسمي يوجعني و بطني رفستني بيها
و گالت هايه الغرفة بعد متدخليها
كلش انقهرت و تذكرت احمد شون جان يدافعلي و ميخلي احد يحاجيني ظليت ابجي دخت و نمت
مرت ايام و احمد ميتصل و لا يسأل و امه مطيحه حظي و حسرة عليه اغلط غلطة صغيرة لو تشوفني كاعدة بدون شغل
تلعب بيه جولة البنات شويه زينات ويايا
................................................
(من أحمد )
التهيت كلش بالدراسة ابد ما صار عندي وقت اتصل بأهلي جنت عايش بيت وحدي كله اني اغسل ملابسي و اطبخ وينج يا براء 😂 بس بهاي الامور افتقدها
رجعت علاقتي بدانه قوية و اتصالحنا بالنهار بالدوام و العصر نطلع اني وياها و بالليل ارجع للبيت ادرس و مخلص يومي هيج
بيوم چنت بالكلية باقي بس ٤ ايام و نخلص الامتحانات و ارجع لبيتي
أحمد : دانه مداصدگ رح نخلص
دانه : قصدك مستعجل تنزل و تشوف مرتك 😒
أحمد : ولج والله ما احبها انتي شبيج احبج الج
دانه : مداصدگ والله
أحمد : وج علاقتي بيها كلش مو زينة عادية و اساساً حالها حال خدامة بس تطبخ لي و تغسل ملابسي
شرايج تنزلين ويايا لبيتي استضيفج كم يوم حتى هم تتونسين و تغيرين جو و هم تشوفين براء و علاقتي بيها شلون
دانه : ما اعتقد ماما تقبل بس عجبتني الفكرة رح احاول أقنعها
أحمد : اوك ان شاء الله تقبل
ظلينا نسولف و تغدينا سوا رجعت للبيت فكرت اتصل بأهلي اتصلت على اختي فيديو كول و حاجيتهم بس مشفت براء جنت شويه مشتاق او ربما مو اشتياق بس محتاج اشوفها حتى اعرف اخبارها سألت عنها گالوا نايمة حسيت اكو مشكلة لأن ارتبكوا و غيروا الموضوع بسرعة گلت الهم اني بعد اربع ايام  و راجع و براء من تگعد  خلي تخابرني ممرتاح الكم اني
يتبع .....