مرت بوي الحرفه (8).
للكاتبهsajdah ahmed almozge.
موسى: احنا في السودان عندنا في بنات متدرسش.
اني: انهارك مغبر مشوم على راسك نحي مالي ومالهم وطلعت نجري شلشت .
موسى: المدام مفروض تخش في سباق يازول😃.
اني: قوة السيار قريب 110 ونجري نجري باش نلحق وفجاءه نجري وتجيني سياره تجري .
اني: وووووووه لا ياربي منموت ونلف السياره لليسار ونجي مهبوكه في محل كان انهبكت في السياره استر. 🙂
الراجل الي يسوق :طلع يجري هرب.
اني: المرش متع السياره كله كان طيح ومدشدش من القدام ومن الخلف 🙋.
الناس الي في محل مواد الغذائيه كلها طلعت واني السياره قاعده خاشه في باب المرش متع المحل.
الراجل: انهاااارك اسسسود الباب تعرفي هدااا بقداش قريب 2000 اني مدخليش خللللصي حقااااا توا.
اني: ياااناااس تعالو طلعوني.مافيش حد طبعا نضت بي السياسه وطلعت روحي من السياره وطبعا مافيش اضرار بشريه . 🙂.
الراجل: توا انتي مافيك شي هيا هاتي حق المرش .
اني: من وين منلقا فلوس تي اني الليله منموت تي المغرب مش الليله حي عليا بوي بيلزني من الحوازه .
الراجل: يلزك من الحوازه ولا البراكه مدخليش فيك.
اني: تي غير طلعولي السياره برا المحل بعدين نتفاهمو.
الراجل: ركب في السياره ووخر باها وكانت كلها مرش.
اني: قعدت نفكر كيف منهرب والسياره وين منخلاها ونفكر في الموت يااااربي لا منموت بكري اني الغبيه معقوله نطلع بي السياره واني مش متعلمه.
الراجل: خيرك انتي قتلك هاتي حق الباب .
اني: ربي كاتبلك اليوم الباب بينكسر شن منديرلك والله.
الراجل: نبي الفلوس اني هاتي الفلوس خيرلك.
اني: باهي دقيقه بس شويه ونجي وخلي السياره عندك لضمانه.
الراجل: عندك ربع ساعه .
اني : مشيت نجري على رجليه لقيت كثيبه مدايره بوابه.ياااخوي.
الولد: تفضلي يااحاجه.
اني: انهارك اسود توا هدا منضر حاجه حشم حالك قعدا في عز شبابي.
الولد: ضحك باهي تفضلي .
اني: اسمع بلاهي عليك اني توا درت حادت واحشيت السياره في محل وباب المحل ادشدش ادشديش والسياره مرشه طاح ديرلي حل،
الولد: ماعنديش مانديرلك يااختي بري لي ورشه توا تصلحلك.
اني: باهي ماهو اني طالعه بي السياره بدرقه وكان نقولهم درت هدا كله بيقتلوني.
أنت تقرأ
مرت بوي الحرفة .
Humorروايه (مرات بوي الحرفه). للكاتبه: sajdah ahmed almozge . المقدمه :- منعرفكم بي نفسي باهي اني البنت المنحوسه يعني ماعنديش حظ بكل . خلاص هيا اهوا منقولكم من اني :- اني أسمي سعيده المشكله مش سعيده ابدا المهم مواليد 2002. يعني عمري 18 سنه. واني امي متوف...
