#مرت بوي الحرفه
الحلقه (13). ماقبل الاخيره🔥
للكاتبه Sajdah ahmed almozge.
ياحنه نزلنا للمول وقعدنا ندورو خدينا المشاريب ومشينا مناخدو الكلينكس ونتلفت نلقا واحد بيشح الشنطه.
اني: ياااعن شخشيرك تي هما 100 دينار خانبتهم بتزيد تخنبهم واني نشح وهوا يشح.
الخانب: يشح بجهده ومايجيب
اما هديل دارت روحه كيوت وهربت على أساس مديرش العاار على 100 دينار .
اني: يااااكلبه تعالي وين هربتي ياااناااس تعالو خاانب والناس تجمعو.
الخانب : شح الشنطه وطلع يجري .
اني: طلعت نجري في جرته زي الصااروخ، ،وقف يااااحمار ووقف ريقي جف صايمه.
الخانب: مستمر يجري .
اني: حي عليا الشنطه فيه مكياجي اووووووقف واني نجري نجري لين ننقز عليه🐍✌.
الخانب : خلاص خلاص خوديهم فلوسك معاش نبي شي ظهري تكسر.
اني: شحيت الشنطه وعطيته كف حراري 🔥وسلمته للامن🐍.
ومشيت نجري لي الكلبه هديل .
اني: خير جداك انتي خيرك مجريتيش معاي .
هديل: مصح وجهك كلهم يشبحولك ويضحكو تبيني نجري .
اني: جدري إنشاء الله،والله مزالت تعاوديه معاد جايباتك بسرعه خلي ناخدو الحاجات ونروحو.
خدينا المشاريب والكلينكس والحاجات متع العيد ،،،،الخ .وطلعنا من المحل .
اني: توا مزالت الخضرا.
هديل: كم مزال عندك فلوس .
اني:30 دينار .
هديل: روحي والله ماهو سادينا .
اني: تي لالا معا سعيده مافيش مستحيل اسمعيني توا شن منديرو ،،،،،الخ .
هديل: فكره تجنن لاكن نحس فيه بيجري فجرتك 😂.
اني :هيا توا بري حطي الشنطه متعك واركبي في السياره لأن احني الزوز مش راح يصدقنا وتعلمي من بعيد .😌
هديل: باهي ومشت تجري ركبت في السياره
اني : حولت وشاحي ودرته على هيئة خمار وخديت شويت تراب لبزت بيه العبايه ومشيت نجري لي براكة الخضره.
اني: خشيت عبيت طماطم وبصل وباذنجان ومعدنوس وجو هدا يعني خضرا مشكله ووقفت منخلص ،،كم الحساب ياخوي.
الراجل: 100 دينار يااختي.
اني: اه اه بلاهي من وين ليا 100 دينار بلاهي رخصلي ياخوي اني ام لي 5 صغار ورجلي ميت والله قعدنا متشردين حتى العيد مافيشي طعمه والله حتى ضحية عيد مشريتها.
على جيت راجل : يا اختي انتي وين تسكني احني جمعية توزع في خرفان العيد لي الارامل.
اني: لا صحيت ياخوي مانببش خروف اني جايه مناخد خضرا بس ومنروح.
الراجل 2: لا يااختي مدامك ارمله لازم تاخدي ضحية .
اني: قلت في سري وووك انكشفت المشكله كان منرفعه للحوازه بيشوفو الخرفان الي عندنا بيشكي فيا بتهمت نصابه ،لا ياخوي اني عندي خوتي كل عام يجيبولي توا في ليل ايجيبو خروف .
الراجل2: باهي على راحتك ومشي.
اني: وانت ياخوي بترخصلي.
الراجل: والله على حسب ما شفت معاناتك ربي يفرج عليك هاتي حتى عشره جني اعتبريه صدقه في اليوم المبارك.
اني: باارك الله فيك يااريت الناس كله زيك وعطيته 10 جني وخديت الكياس ومشيت نجري لي السياره💃💃.
هديل: قصدك صدقك.
اني: وخيره ميصدقنيش.
هديل: توا اكيد ابهاتنا فخورين بينا😌.
اني: فخورين بطياح سعدك على اساس درتي حاجه 100 جنيه قريب مشت قدام عيوني وانتي رمشه متحركتلكش ونلتفت نلقا حد يطقطق على المرش.
هديل: حي حي الراجل جي تم لك ياااسعيده.
اني: لا مستحيل وطلعت نجري بي السياره.
الراجل: خيرها هادي تجري عادي شكله تحشمت كنت منعطاها فلوس ومشي رجع للبراكه.
تبعدنا شويه على مكان السوق .
اني: الحمد لله قدرنا نهربو.
هديل: زعمك ربي يسامحك علي الي اديري فيه .
اني: اكيد مسامحني هيااا هني روحك بلا جو شيوخ انزلي وصلنا.
هديل: درسيه قدام وين مقعمزين هما .
اني: اي باش تجيني حاجه طايشه من بوي ويقتلني😀.
هديل: لالا مستحيل مدام مشينا وجينا سالمين .
اني: اي صح وقعدت نلف بي السياره قدام حوشهم.
محمد: ياااعمي على لحق في حد بيخنب السياره .
علي:طلع يجري .
اني: درستها وحطيت رجلي برا السياره فهمتوه هداك جو الهنود لما يحطو رجلهم ونقعدو ساعه نبو نعرفو بعدين أتم الحلقه 😀.نفس الشي درته.
كيف جايه منطلع نجري وتجيني اللوحه تزوووي من بعيد على رجلي،،،،يتبع.
هيا نبي تفااااعل غدوه احتمال الحلقه الاخيره لاكن مش في الاكيد أنزله غدوا لأن الضي مجااااناااش قعد واني توا معلقه روحي فوق الحوش من فوق يعني احتمال نطيح😀 لاكن كان في ضي راني مقعمزه على سريري و الواي فاي يضرب فوقي اني وين نكتب في الكلام اضبطتت التليفون 🙅 ،ما علينا هيا بعد غدوه منزل الحلقه الاخيره تفاااعلو وكترو تعليقات وأهم حااجه شن توقعاتكم وهل سعيده بتتجوز او لا 🐍🐍🔥...
أنت تقرأ
مرت بوي الحرفة .
Umorismoروايه (مرات بوي الحرفه). للكاتبه: sajdah ahmed almozge . المقدمه :- منعرفكم بي نفسي باهي اني البنت المنحوسه يعني ماعنديش حظ بكل . خلاص هيا اهوا منقولكم من اني :- اني أسمي سعيده المشكله مش سعيده ابدا المهم مواليد 2002. يعني عمري 18 سنه. واني امي متوف...
