# مرت بوي الحرفه .
الحلقه (14) الاخيره🔥🔥.
للكاتبه : Sajdah ahmed almozge .
محمد: ياااعمي على لحق في حد بيخنب السياره .
علي:طلع يجري .
اني: درستها وحطيت رجلي برا السياره فهمتوه هداك جو الهنود لما يحطو رجلهم ونقعدو ساعه نبو نعرفو بعدين أتم الحلقه 😀.نفس الشي درته.
كيف جايه منطلع نجري وتجيني اللوحه تزوووي من بعيد على رجلي.
اني: وووه عليا رجلي انهااارك أسود الي حدفتها.
محمد: شديته شديته ياااعمي .
اني : اعمي عيونك انشاء الله 🙂.
محمد: سعيده شن اديري اهني .
اني: سياارتي يعني شن مندير فيها .
محمد: شاف داخل السياره لقي هديل ..تي شن اديري معاه وين كنتي طالعه.
هديل: جبنا حاجات العيد .
محمد: يقنونتك وتقولي فها شن طلعك انتي اصلا من الحوش خيرك متسدادنيش.
هديل:......
اني: تكلمت بي كل قوه ..هي انت يياااروح امك مبروكه تعالالي اهني .
محمد: خيرها هادي شن تحسابي روحك تعلي في صوتك .
اني: جيت بحدا وذنه...اسمع ملاخير اني عيت وليا هلبا نبي نكشف سرك يعني فدديت وانت تزيد فيا .
محمد: لاااياا سعيده ورااسك بوي والله لما يلزني من الحوش خليني نحظر العيد بس خاطري نشوي .
اني :اسفه يااولد عمي لاكن اني مخاطريش نشوف خليقتك في العيد .
محمد: الله لاتربحك لا دنيا ولا اخره .
علي: شن اديري بسياره.
اني: حكتله كيف مشت وشن خدت.
علي: مشااء الله هدا كله بي 210 دينار بس .ربي يصون .
اني:توا نبي نقول حاجه وياااريت الكل ينتبه وبالاخص انتي ياامرت عمي مبروكه.
محمد: بلاهي عليك استريني.
اني:ربي يسترك اني مدخليش .رااااهو .
مبروكه: جت تجري خيره ولدي شن دااار.
اني: قولي شن مادارش.
مبروكه:بلاهي متخليش الفطور في الرقبه خلي نفطرو بعدين قولي .
اني: باهي موافقه ،وانت ياامحمد برا لم حوايجك لان احتمال متلحقش تلمهم .
محمد: خش يجري للحوش جاب سااكو وحط فيه سماعات وحاجات الدوه الزايده يعني ...الخ وطلع الساكو قدام الحوش باش بوه لم يضربه طول يااخد الساكو ويطلع..
Sajdah ahmed almozge❤
_________________________
ام بتول: خشت تجري لي دار بنتها ...ياابتول صاار من الخطبه بعد العيد بي أسبوع منديروها.
بتول : كويس .
ام بتول: خيرك مش فرحانه.
بتول: كيف مثلا تبيني نرقص ولا نزغرط.
ام بتول: وعلاش لا.
بتول: مالا خودي ياااستي لووووووولوووووولللووووووووي.
ام بتول : ايووا كدا صح ياااختي نوضي يااحنه المغرب قريب يذن.
بتول: ناضت وتت السفره وكانت فرحانه
أنت تقرأ
مرت بوي الحرفة .
Humorروايه (مرات بوي الحرفه). للكاتبه: sajdah ahmed almozge . المقدمه :- منعرفكم بي نفسي باهي اني البنت المنحوسه يعني ماعنديش حظ بكل . خلاص هيا اهوا منقولكم من اني :- اني أسمي سعيده المشكله مش سعيده ابدا المهم مواليد 2002. يعني عمري 18 سنه. واني امي متوف...
