مرت بوي الحرفه .
الحلقه (12).
للكاتبه: Sajdah ahmed almozge.
ام الخطيب : لو ماعندكمش مانع ولدي يبي يدير نظره شرعيه.
ام بتول: اي من حقه .قوليله يجي يشوفها خلي أنادي بوها يجي مشت نادت اب بتول .وجت هيا وياه
أم الخطيب : اتصلت بيه الو زياد تعال خش .
بتول:كانت متوتره.
زياد: طق طق طق وخش قعد يشبح لي بتول
زياد (مواليد 90 مكمل قرايته إدارة اعمال وحالته الماديه ممتازه).
بتول: شافت باستغراب ووقفت انننت.
ام بتول: شن قلتي؟
بتول: لالا شي وقعمزت .
ام زياد: هدا وليدي.
زياد: أهلا وقعمز جنب امه.
قعدو يهدرزو مع بعض.
بتول: كانت مستغربه وكانه شايفاته قبل .
.
ام الخطيب: هيا باش منعطلوش اني موافقه توا على ولدي .هااا شن انت .
زياد: اي موافق.
اب بتول: احني لين نسالو وانتم تقدرو نفس الشي ونعطوكم الرد غدوه.
زياد: اي معاك حق احني سألنا وقالونا ناس كويسه .مزالت انتم .
بتول: اكيده نعرفه اني .
ام بتول: قلتي حاجه بنتي.
بتول: لا شي .
ام زياد: هيا توا نستاذنوكم .
زياد: أشر بي ايديه لي بتول بمعنا بااي.
بتول: طلعت من المربوعه لقت سعيده قدامه .
اني: وووك عليا مشفتاش. قولي شن صااار.
بتول: مزالت بوي بيسال عليهم .
اني: كويس خيرك انتي مش تمام .
بتول: لا شي
اني: باهي شني انتي موافقه.
بتول: على بابا .
اني: باهي منحصلوش حاجه حلوه نسكافيه ولا هكي .
بتول: ههههه تعالي وانتي ديما همك في بطنك ومشينا للكوجينه وقعدنا ناكلو .
الساعه 7:20 .
اني: هيا بابا جي منمشي .
بتول: باااي.
اني : مشيت نجري ركبت في السياره لعند وصلت للحوش ونفس الروتين شوية عركات مع مسعوده ومشيت رقدة.
#تسريع في الحدات.
بعد أسبوع .
الساعه 5:30.
كنا مقعمزين نتسنو في المغرب امتا يذن عند عيت عمي باش نفطرو
اني: يابوي راهو غدوه العيد نوض نشرو خروف .
علي: تي ماهو عندنا زريبه مناخدو منها .
اني: اي حق نسيت واشرت لي هديل بمعنا تعالي .
هديل: ناضت سبقتني.
ومشينا نجرو لدار .
هديل : هاا شن فيه .
اني: شن وتيتي سلايط العيد راهو نبي انزل في النت .
هديل: بري ترا توا غدوه ندير سلاطه مشويه وتمت .
👑ساجدة أحمد المزوغي👑
اني: باهي نبو سلاطة بابا غنوج.
هديل: لا سلاطة بابا فروج جيبي البتنجان توا نديرلك .
اني: اسمعي هدوم راهو باين عليهم مايبوش ينوضو يجبو شي هيا نركبو في سيارتي😌 وانتي جيبي 100 دينار واني 100 وناخدو المشروب والحاجات الناقصه.
هديل: بالك تقتليني ياوخيتي مزالت نبي نعيش راهو .
اني: لالا ولا يهمك اني تعلمت وهداك اليوم سقت في السريع.
هديل: باهي بري وخري السياره من وراء الحوش باش ميشوفونش.
اني: باهي ،ردي بالك تشحطيلي سروال ولا تحطي حاجه على وجهك فاهمه. 🙂
هديل: علاش .
اني: بتجلبي الانظار لنفسك يعني مش لازم بري حطي فوقك عبايه واطلعي.
هديل : خلاص نتلاقو وراء الحوش .
اني: طلعت نجري من حوشهم ومشيت لحوشنا خشيت لدار لبست عبايه ووشاحي وطلعت نجري لاقتني مسعوده .
مسعوده: وين ماشيه.
اني: جدة هديل توفت منمشي نعزاه .
مسعوده: بري إنشاء الله تلحقيها.
اني: بري إنشاء الله ينطحك الخروف غدوا وغضروفك يتكسر 💅 🙂.
ومشيت نجري خديت المفتاح و100 دينار وطلعت نجري قعدت نوخر بي السياره لعند وصلت جنب حوش هديل واشرتلها بمعنى تعااالي.
هديل: جتني تجري ركبت في السياره.
اني: هيا شهدي يابنيت عمي .
هديل: شن شن مش قلتي نعرف .
اني : طلعت نجري من شاارعنا وطول للكياس...ماهو ياابنتي ماتعرفيش ربي شن كاتبلنا مرات نموتو توا يعني في هلبا ناس يموتو قبل العيد بيوم 🙂💔.
هديل: اي صح لاكن انتي نقصي السرعه.
اني: لا باش نلحقو. .حقا جبتي 100 دينار .
هديل: اي جبت.
بعد 10 دقائق :-
اني: هيا اول شي ننزلو ناخدو مشااريب.
هديل: خوديه كله بتري.
اني: جداك الحوله 🙂 نوعي بيبسي وبتري وجو .
هديل: باهي خلي نتفقو اهني نجيبو مشروب وكلينكس وهريسه عربيه وخبزه وشكاليط وكيكات.
اني: تي هوا عيد لحم ولا حلويات انزلي بسرعه نوازو اني وياك
ياحنه نزلنا للمول وقعدنا ندورو خدينا المشاريب ومشينا مناخدو الكلينكس ونتلفت نلقا واحد بيشح الشنطه.
اني: ياااعن شخشيرك تي هما 100 دينار خانبتهم بتزيد تخنبهم واني نشح وهوا يشح.
الخانب: يشح بجهده ومايجيب،
اما هديل دارت روحه كيوت وهربت على أساس مديرش العاار على 100 دينار .
اني: يااااكلبه تعالي وين هربتي ووووووك....يتبع
رايكم ❤🔥
أنت تقرأ
مرت بوي الحرفة .
Humorروايه (مرات بوي الحرفه). للكاتبه: sajdah ahmed almozge . المقدمه :- منعرفكم بي نفسي باهي اني البنت المنحوسه يعني ماعنديش حظ بكل . خلاص هيا اهوا منقولكم من اني :- اني أسمي سعيده المشكله مش سعيده ابدا المهم مواليد 2002. يعني عمري 18 سنه. واني امي متوف...
