#مرت بوي الحرفه .
الحلقه (11).
للكاتبه : Sajdah ahmed almozge .
بتول: شن اسمك انتي .
خيريه: انتي قبل قولي.
بتول: اني بتول .
خيريه: حتى اني بتوول انتي بتول واني بتتول لللللاااااااااااا كيف انتي مش بتول اني بس بتول كذااابه.منقتلك😈.
اني : جيت نجري اني ومحمد ياااابتول .
بتول: واخيرا
اني : يااخيريه تعاليلي.
خيريه : جت تجري لي سعيده .
اني: نجري في شراك الليم وهيا تجري في جرتي واني نعيط وووك عليا بتقلني.
خيريه:انتي منقتلك والله لما نقتلك وشعرك لما ناخده.
اني: هما شعرتين فرحانه بيهم .
محمد: نوضي ياحلوه.
بتول: اننن لا مره غير انت غالط وناضت نفظت حوايجه وتلتفت لقت سعيده جايه تجري وفي جرتها خيريه.
اني: اجرو بسرعه جت،✌✌😂
بتول: ناضت تجري
محمد: نفس الشي.
اني : اني كنت في المقدمه وهما وراي😂✌.يااااحمااار يامحمد انت مفروض تحمينا نضت تجري معانا.
محمد: ما عندي لاش نحميك حتى اني مزالت نبي نعيش .
بتول: ياااامامي شبكة العنكبوت .
اني: انتي اقعدي توا توريك خيريه وبعده قولي شبكة العنكبوت.
خيريه: والله لما نشدكم ونوكلكم لي صغاري.
محمد: عندها صغار هيا .
اني: القطاطيس قصدها😂.
بتول: اني نحب القطاطيس .
اني: تحبي امك ياقرده اجري .
قعدنا نجرو لين وصلنا لي حوشنا .
خيريه: وين طلعنا من شراك الليم قعدت تشبحلنا وتاشر بي ايدها بمعنى بااي👋👋.
اني: بري عطيك سحيقه قريب طلعت وخشيت من عقلي .
بتول: قصدكم انتم عندكم ناس هكي في حوازتكم.
محمد: يقلد في صوته على اساس بنت ايييي عندنا نااس هكي 😂
اني: باهي برا حسيتك من امبكري تعاكس في صاحبتي.
محمد: اني مستتحيل.
اني: اي عارفاتك ديما من جامع لي جامع ومن ختمت قران لي ختمه وديما تصلي، برا ارقد سلم ولد عمي .
محمد: مانحصلوش نمبر.
بتول: تعال يوم الجمعه تحصل عبمبر😂😂.
اني: قصف في منتصف الجبهه، برا سلم ولد عمي يوم الجمعه خطبتها.
محمد: مباارك، ومشي روح لي حوشه😂.
أنت تقرأ
مرت بوي الحرفة .
Humorروايه (مرات بوي الحرفه). للكاتبه: sajdah ahmed almozge . المقدمه :- منعرفكم بي نفسي باهي اني البنت المنحوسه يعني ماعنديش حظ بكل . خلاص هيا اهوا منقولكم من اني :- اني أسمي سعيده المشكله مش سعيده ابدا المهم مواليد 2002. يعني عمري 18 سنه. واني امي متوف...
