دارين :( وكان شن فيها ، وانت خيرك متبيش تهدرزى معاه حتى اصدقاء بس )
رهف :( ع من تضحكى انتِ هااا من امتى فيه صداقه بين الشب والبنت وبعدين من هو حتى نفتح معاه دق حنك وهدره وصداقه خوي ، عمى ، خالى ، ترى اخطينى و متزديش ولا حرف لان مش طريقه نسمع صوتك )
مشيت دارين لسرير رهف و قعمزت جنبها : (اسفه رهوف مش قصدى )
رهف :( بس معاش تفتحى الموضوع ارجوك )
دارين :( تمام الا زعلك يا عسل )
في الصبح ……
رهف :( فرخه دارين نوضي صارلى صداع من المنبه ارجووووك طفيه )
دارين :( لا رد ……
رهف :( فرخه دارين طفيه احسلك …)
دارين :( من يدوى ترى … نسيتِ روحك امس
و كمكمت روحها بالورغان و لفتت وجها وولت بترقد والمنبه قاعد يرن )
رهف :( انى نايضه باهى وخليه المنبه يقلب رأسك اوووف )
امشت توضت وصلت و لما بتحط نقالها في الشحن برقت في طاسة لميه و ابتسمت : ههههههههه تو انوريك يا دارين )
وهووووووووب اتبزعها ع دارين واتنوض ع طولها : تو انوريك باهى غير أنشدك )
وقعدت تجرى وراها
فاطمه :( ماشاء الله يابنت دارين معقوله تجرى ومش موتيه روحك الحافلة قريب اتجى )
رهف :( هههههههههههههههه لا ماهو قاعده أدير في تمارين بيش لما تفوتها الحافلة تلحق عليها هههههههههه)
دارين كرت موده من الصالون و رمتها ع رهف : فرخه غير أنشدك بس وبعدها لفتت لامها : ماما منيش ماشيه اليوم )
فاطمه : ( وخيرك هيا لعب رآك شهاده السنه هذه )
دارين :( وااك انتم شادين كان كلمه شهاده راهو بشر حتى احنى … بس ماما اليوم بس متغيب ارجوك … حقه بابا امتى بروح )
رهف :( غيرت الموضوع باهى ههههـههه )
دارين :( والله كان أنشدك بس )
ع نزلت خالد من الدروج
رهف :( خلود قول لديه تخطانى … وعلقت وراه )
خالد :( زيي توم وجيرى … بس حقــ … قطع عليه صوت الحافلة )
فاطمه : ( بالله عليك خالد امشي قوله مهيش ماشيه )
خالد : ( باهى به )
فاطمه :( دامكم نايضين تعالوا تفطروا في الجنان الجو يهبل )
دارين :( منرقد )
رهف : ( باله شو وين ماشيه … تعالى جيبي معايا الفطور )
دارين : ( امرى لله )
جهزوا الفطور و فعمدوا في الجنان يفطروا ☺️
خالد : ( به محد قالى ليش الجرى يلي امبكرى …!؟)
رهف : ( ماهى الافنديه يلي تفطر تو معدله المنبه خلتنى انوض وهيا راقده ولا على بالها فانى وجعتنى وخيتى وقلت حرام يضيعوا عليها دروس والحافله تفوتها فقلت اتـ… )
دارين قاطعتها : ( لا يا شيخه … به به كملى )
رهف :( هههههههههههههههه المهم خديت اشوي اشوي بكل من لميه وبخيت عليها … وبعدها برقت في خالد : درت شي غلط )
دارين :( ونبي اسكتِ … شكلك نسيته امس شن صار )
رهف:( ههههههههههههههههه مه هذه سنه الحياه ، انتِ اتنوضي بمنبهى وانى بنتاعك هههههه)
خالد :( الله عليكم هههههههه)
دارين :( بش تعرف منّا ياتى كل جديد ههههههههههه )
فاطمه :( حقه مقالش بوك امتى بروح لما كلمته ياخالد )
خالد :( مع المغرب ان شاء الله )
في العصر
