الجزء 4
ابتسام : فيا السرطان ...)
رهف : قدر الله وماشاء فعل ...به اهلك يعلموا ... وشنو من امتى تتعالجِ...)
ابتسام : مستحيل انخبرهم واصلا انى مش متعالجه ...)
رهف : بس هكى غلط ولــ)
ابتسام : انتِ مستحيل اتحسي بيا ولو كنتِ مكاني بعيييييد السوء كنتِ حديري كيفي ...تي بالله من منخبر ؛ امى الله يرحمها وبابا مسافر هو و مرته ولا كأنه حتى احنى لينا حق فيه واختى ههه تي متعلم عليا بكل من بعد عزاء امى معاد شفتها و من قعد خويا مستحيل ندويله ساده مسؤلية ...)
رهف : تعنقت ابتسام ربي يخفف عليك ويشفيك ...)
# عند مصطفى ...
مصطفى : امى يا امى )
خديجه : نعم وليدي ، وجئت قعمزت جنبه في الصاله...)
مصطفى : نبي نفتح معاك موضوع ...)
خديجه : قول سلم وليدي ان شاء الله خير !!)
مصطفى : نبي انقولك نبي نخطب ...)
خديجه : هذا يلي كنت نستنى فيه لوووووووووووووووووولي ...شنو اندورلك ولا انته تبي وحده ...)
مصطفى : الحق حاط وحده في بالي )
خديجه :ومن هي يلي أمها داعيتلها هذه ...)
مصطفى : اسمها رهف مره شفتها في الكليه وطلعت أخت صاحبة نور )
خديجه : خلاص اماله ليام الجايه ان شاء الله نمشولها ، انته قريب تتخرج وخدمتك تراجي فيك وحوشك واتى الحمد الله )
مصطفى : ربي يكتب يلي فيه الخير ...)
خديجه : ان شاء الله )
#في حوش عماد ...
عماد : ها يامى كيف حالك ...)
نواره : دامك بخير انى بخير ، كيف حال قرايتك !؟)
عماد : الحمد الله خلاص قربت النهايه )
نواره : ربي يوفقك ، كيف حال مصطفى صاحبك )
عماد : ايي حقه قال بيخطب )
نواره : ها ريت هذه الناس الفالحه ، وانته مش ناوي تنسي وتخطب ...)
عماد : يا امى هذه المره الألف يلي انقولك فيها كل البنات نفس بعض يدوروا في لفلوس وخلاص ...)
نواره : تي لا مش كلهم كيف هديك الملعونة يا وليدي صوابع يدك مش كيف بعض وحتى بنات حواء مش كيف بعض ...!!)
عماد : نسيتى يامى حتى صاحبتك مش نست العشره يلي بينكم وبرقت في راجلك هذا كله على شان شن ، مش على شان لفلوس ...!!!؟)
نواره : ياوليدي تي اسمع منى خيرك مسكر رأسك ، صدقنى مش كلهم هكى اهو انى خيرنى مش زيهم أندور في لفلوس !)
عماد عارف كلام أمه صح بس النماذج يلي شافهم في حياته خلاته يسكر رأسه يمكن لانه خايف يعاود نفس التاريخ : انتِ مفهمتيش قصدي ...)
نواره تدوى بجديه : لا فاهمتك ولو محولتش التفكير يلي في رأسك و جيت قلتلي منخطب انى حاطه عيني على وحده منخطبها ليك ولو بتفرض لا انته ولدي ولا نعرفك ... ولفتت وجها و مشيت للمطبخ تاركه خلفها بركان بينفجر هي عارفه انها غلط يلي أدير فيه بس واجعها حال ولدها لامته رافض فكرة الزواج ...!!)
عماد بضيق : طوووووووط ...طووووووط ... : الو مصطفى )
مصطفى حس بنبرة صوته : خيرك شكلك مضايق !!)
عماد : مممكن نتلاقوا )
مصطفى : في مكانه ...)
#في مكان اخر
حليمه : ايمانا نجلاء هيا بسرعه الناس بتروح ...)
نجلاء: ماما لازم نطلع هكى هكى مش موافقه )
حليمه : خوفك وعارفتيه لو لقائهم كويسين يوافق انتِ امانه برقبته بعد المرحوم بوم ...)
نجلاء وبلعت غصنها : ياربي يطلع ماينفع و سكير سرراق ...! بعدها برقت لقت نقالها يرن : الو نسمه ...)
نسمه : اهلين نجوله شجو ...)
نجلاء : بخيــ...)
قطع عليها صوت حليمه : نجلاااااء...)
نجلاء : نتصل بيك بعدين قبل مايفور البركان ...)
# عند رهف ...
رهف : هلا نور كيف حالك ...)
نور : الحمد الله وانتِ)
رهف : بخير الحمد الله )
نور : شجو كليتك ...)
رهف : الأسبوع الجاي امتحانات نصفيه وعندنا دكتور حصله وامتحاناته زيي السم بس قالوا يعاود فيهم ...)
نور : باهي كويس خودي من البنات ...)
رهف : ياااريت وهي هنا المشكله البنات حصله لما تدوى لوحده ترد لا والله حتى احنى درنا بدون مانشوفوا الأسئلة ونجحنا انتم شن ناقصكم ...)
نور : لهدرجه !!... اعود بالله منهن ...)
رهف : اوووف والله انخمم ...)
نور : انتِ في ITصح ...تو انشوفلك خوي هو تو اندير في مشروعه ...)
رهف : مش مشكله عادى رآه ...)
نور : لا تو نقوله وان شاء الله قاعدات )
رهف : ان شاء الله ...)
نور : اسفه رهف اشوي منسكر ماما اتنادي عليا ...)
رهف :خودي راحتك ...)
فاطمه : بنات الجرس يرن يلي فاضيه تفتح ...)
رهف : نايضه هوا ... وصلت للباب منو ...!)
علي : افتحي هذا انى ...)
رهف وهي مستغربه : بابا !! غريبه مش عندك المفتاح ...)
علي :......
زعمه ابتسام شن بصير فيها !؟
و عماد زعمه أمه تنفد يلي قالت عليه ...!؟
ونجلاء شن تقرب لنسمه ...؟!!
و رهف هل توافق على مصطفي .....¡¿
كل الأسئلة ايجابتها في الأجزاء القادمة بإذن الله ♥️
يتبع
دمتم بحفظ الرحمن .....وانتظرونى☺️
