روايه تركتنى وحيدا …
إلحاقه 1
( لماذا الحياه قاسيه هكذا كنا نعيش في سلام ولكن ماذا حدث … لا اريد ان أذكر !!
حتى بعد مرور تلك السنين لم أنساك ، اخر لحظات لا زالت تعاد في ذاكرتِ … وهمساتك ، ياإلهى كم كنت احمق …
أنا كنت احبك و لازلت أعشقك حتى وأنا اقف هنا …!!! )
قبل اربع سنوات ♥️🍃
رهف :( ااههههه … وهيا أطفئ في المنبه و بعدها رجعت تكمل في نومها )
دارين: ( رهف نوضي يا فرخه هذه رابع مره اطفيه … لو ان مره تانيه منتمى نقالك وانتِ عرفتينى)
رهف :( اوووف باهى فهمنا خلاص أصلا تو الساعة 8:15 … ايـــهه حي عليا
ونطيت تجرى )
دارين :( احسن حتى هو الف مره رن وانتِ ولا على بالك )
رهف :( سألتك بالله انخمدى بلى فلسفه زايده خير مانفش هكى فيك )
[ طبعا مشيت صلت و فطرت لان مستحيل رهف تطلع بلي فطور و بدلت و ركبت مع خوها خالد ]
خالد :( صباح الخير )
رهف : ( صباح الخيرات بالله بسرعه تو 8:50 لو موصلتش 9:00 مش حنلحق )
خالد :( ههههههههههههههههـ من يومك هكى تتأخرى حاضر متخافيش تو نوصلوا بسرعه )
رهف :( والله الدكتور قرف يلي يجئ بعده 9 مستحيل يدخله )
خالد :( انتِ تو سنه كم !؟)
رهف :( خويا وتنسي فيا … )
خالد :( هههههه تانيه صح غير نبي نتأكد )
رهف :( هههههه اي صح )
[ وصلت رهف طبعا كانت الساعة 9:00 بضبط خشت بسرعه للقاعه …… بس للأسف الغلط 🤦♀️]
رهف :( اول ما خشت حست لوجوه غريبه فقعمزت في اول كرسي جى قدامها وبعتت رساله لهناء: هناء في اي قاعه اليوم ، قاعه رقم 7 صح!؟ )
بعد دقيقتين وصلتها رساله :( هناء : رهف شن تخرطي ع الصبح راهو مصارش امس نزل الدكتوبأجلها )
رهف :( بسوط عالى و بدون ما تحس ع روحها شهقت )
الكل لفت ليها
الدكتور :( لو سمحتِ يابنتِ لو متبيش المحاضرة اطلعي مش مجبوره )
رهف راح وجها زيي الطماطمه والكل يبرق فيها لمت قشيشها : اسفه يادكتور …
وطلعت وبعدما اتصلت بخالد كم مره رد قاللها ربع ساعه وجايك
طبعا كان في شخص منتبه لكل حركه دارتها رهف
عماد : ( مصطفي شفت البنت مسكينه شكلها حاصلة في عمرها هههههههههههـ )
مصطفي سرحان
عماد :( مصطفي وين عقلك شكله مشي مع البنت !!)
مصطفي :( هــا …لا بس سرحت بس حرام عليك مرات جاها خبر يفجع لانها انصدمت )
عماد :( اشبــ …)
قطع عليهم صوت الدكتور : ( انت وياه برى هيا راحت مربوطه مش محاضره )
عماد و مصطفي طلعوا لان هكى هكى عقولهم مش مع الدكتور …
عماد :( مصطفي البنت طلعت و خلتنا نلحقوها هههههههههههههـ )
مصطفي :( برق غادى هيا نفسها صح !!؟)
عماد :( اي هيا والله هههههههههههههههههه)
مصطفي :( والله مفيش شي يضحك )
عماد :( اووووهــــه شكلها خديت عقلك هههه )
مصطفي أعطى لعماد نظره و طلعوا من الكلية …
طبعا بعد ربع ساعه خالد روح برهف وكاينه طايرتلها اول ما روحت رقدت …
{ احم احم احم …هههههههههههههههههههـ معرفتش ع الشخصيات
رهف عمرها 20 سنه طالبه في كليه تقنيه المعلومات IT بوها علي ديمه عنده سفرات ميقعدش واجد أمها فاطمه اختها دارين عمرها 18 وطبعا الأخ الكبير خالد عمره 27 يخدم مهندس وهذه عائلتهم 🖤 …
وهناء صاحبتها من الابتدائي …
مصطفي عمره 23 طالب في تقنيه المعلومات بوه متوفي وأمه خديجه اخته نور عمرها 18…
عماد صاحب مصطفي عنده روح فكاهيه حب بنت بس سيباته ع شان حالته مش كيف ماتبي هيا "بمعنى ان لقت أغنى منه غرمان حالته كويسه " …
الباقي مع الوقت حتعرفوهم }
دارين :( ههههههههههههههههههههههـ أما انتِ ههههه نكته والله لو كنت ف القاعه رانى متت من الضحك )
رهف :( به ساد سااااد تكرهى الواحد يدويلك )
دارين :( مع كم حضرتِ …!)
رهف :( تو والله مانعلم انىخشيت وجهى احمر قريب بكيت )
دارين :( وهههههههههههههههههههههههههـ )
رهف رمت المخده ع دارين
رهف:( بالك ترقدىوراك غدوه تناويه … احم احم انى عطله ولله الحمد )
دارين :( ههههههه احسن ان عطله لان كمهذا احتمال نلقوك في كليه الهنديه لا طب الأسنان هههههههههههههههههه)
^طبعا في مصراته كليه تقنيه المعلومات و كليه طب الأسنان و الهندسه جنب بعض ^
رهف :( تو ارقدى ارقدى )
خديت رهف تقلب في الفيس وافقت ع طلبات الصداقه طبعا كانت تقبل بنات بس
وهيا تقلب فيهم لقت مصطفي من بينهم …
دارين : ( وقفى وقفى )
رهف :( بسم الله من وين جيتى !!)
دارين : ( ههههه غير اصبرى ليش موفقتيش ع طلب مصطفي )
رهف :( دارين من امتى نقبل في أولاد وبعدين زيه زي غيره !)
دارين :( بس هذا حلو بالله عليك شوفي صفحته )
رهف :( اوووف انتِ مش بترقدى )
دارين : ( انشوف صفحته و نرقد …)
رهف :( به …)
خشت دارين ع صفحته وشافت ليه صور في كليه IT : رهوف شكله معاك في الكلية )
رهف :( مرات جاي مع صحابه وبعدين حتى لو معايا شن دخلنى فيه )
دارين :( مرات شافك في الكلية بعتلك )
رهف :( منين يعرفني بالله )
دارين :( بالك سال عليك وخدى إيميلك !)
رهف : ( وههههههههههههههه والله المسلسلات الهنديه اتروا عليك وين عقلك )
دارين :( انى عندى احساس ان معجب هههه يعنى صهرى احلى من اختى )
رهف :( ااهـــه ياارب … تعرفي انى يلي منرقد اقعدى انتِ )
دارين :( رهووف مناخد نقالك ، طبعا نقالى بلى شحن )
رهف :(باهى غير حطيه جنب راسي بعدين )
دارين :( حااااااااااااااضر )
قعدت تقلب في نقال رهف لين وصلها مسج من مصطفي …
مصطفي :( السلام عليكم …!)
دارين :( وعليكم السلام :) )
مصطفي :( كيف حالك …؟)
دارين :( الحمد الله وانت )
مصطفي :( الحمد الله )
صحيت دارين :( رهف قولى من بعتلك )
رهف : ( من يا حنه )
دارين :( مصطفي :) )
رهف :( اطلعي من الفيس بطوبته وهاتف النقال )
دارين :( فات الأوان )
رهف : ( فرخه هاتى النقال )
خديت رهف النقال ولقت مسج جديد من مصطفي ……
يتبع
شنو المسج يلي باعته مصطفي وهل رهف حترود :!؟
عماد زعم شنو قصه البنت يلي سيباته وهل متطلع في الروايه أو لا برأيكم !؟
مصطفي هل زي ماقالت رهف زيه زيي غيره ولا لا !؟
من برأيكم يلي يحكى في اول الروايه ؟!
ومن وين حصل إيميل رهف ؟!
كلها اسئله حنلقوا الايجابه في الأجزاء الجايه بإذن الله ♥️🍃
دمتم بحفظ الله
