نور : هلا رهف والله لما سالتينى لقيته طالع )
رهف : لا عادي مش مشكله ماديريش شي في بالك ...)
بعدها هدرزت مع نسرين وحطت قران بصوت إسلام صبحي لان لازم منها العاده هذه فيها ...)
خالد : اوووووه اختى الحلوى هنا مازالت نايضه ...)
رهف : مسحت ادموعها ...، )
خالد : له له له وتبكى من مزعلك دارين ؟...)
رهف تعنقاته وقعدت تبكى ...)
خالد : شن خطره عليك توا ع شان حاتم صح شن جابه لبالك،!! بس نبي انقولك حاجه ناسيه وأنسبها وعيشي حياتك لامته بتقعدي اتفكرى فيه راه ليه سنتين الموضوع ...)
رهف : انى كرهته بس يلي داره فيا مش ساهل ...!)
خالد : بينه وبين ربه و يلي داره حيلقاه ، غدوه ولا بعده حيجيك نصيبك شن تحسابي بتقعدي عله لمرتى وانى نقعد بينكم ...!!)
رهف : من بتختار انى ولا هيا ...؟)
خالد : امممممم !!!)
رهف : فيها اممممممم صااار ...)
خالد : منجدك انتى ، اكيده منوقف معاك حتى ولو غالطه ...)
رهف : مش لهدرجه عاااد ، ربي يحفظك ليا ♥️)
خالد : به امشي فرشيلي المربوعه ...)
رهف : و دارك ...؟)
خالد : غدوه مانيش ماشي بكرى ومانبيش انوض من الدوشة )
رهف : تمام ، يعنى منرقد في دارك انى ...)
خالد : السبب ...!!؟)
رهف : السبب والله ان الفرخه لبنى و دارين لتو نائبات و بنوضوا بكرى ، وانى منمشي نص ساعه ع شان نبي شيتات ومنروح ...)
خالد : خلاص لما اتنوضي نوضيني ونسقدوا جميع ...)
رهف : ان شاء الله ...)
رهف خشت للبنات : شن ثار فيكم كملتوا ...؟
دارين : مزال هكى نص ساعه بالك ومنرقدوا ...)
رهف : موفقات ...)
دارين : تعالي جيبي معاي منفرش ...)
رهف : مش لازم انى منرقد في دار خالد "متسالوش ليش " المهم محد ينوضنى ياويلكم ...)
دارين و لبنى : تمام تصبحي ع خير ...)
رهف : تصبحوا ع الف خير ...)
# الصبح 🌤
رهف ناضت 10:30 صلت ونوهت خالد فطروا وتطلعوا مع بعض ...
رهف وهي اتصكر في باب السياره : انى نص ساعه بس ان شاء الله ...)
خالد : خلاص حتى انى مشوارى حوال، نص ساعه ، بينا تلفون ...)
رهف : ان شاء الله ...)
رهف وصلت رفعت الشيتات يلي تبي تطبعهم وهي ملفته وجها من الكشك تلاقت مع بنت تعرفها اسمها ناهد اكبر منها بسنه : اهلا ناهد ...)
ناهد : يامراااااااحب ، شجوك ...)
وهف : الحمد الله وانتى ...)
ناهد : الحمد الله ، شنو مافيش شي مافيش حد خش حياتك من هنا ولا من هنا !!...)
رهف : ههههههههههههههههـ ، لا شن خطر عليك هالسؤال في هالوقت !!!)
ناهد : بجد ونبي قولى الحق ، عارفتينى فضوليه ...)
رهف : ناهد ههههه شن تخرطي دوختينى ...!!
ناهد : كل القصه ...اصبري تعالي معاي اشوي ، وكرت رهف واشرتلها ع مصطفي ...
ناهد : تذكرى يومها جيت لقيتك مقعمزه وسألته قلتي ان خشيتي لغير محاضرتك !!)
رهف : اي كمليييي!!)
ناهد : بعدها جي وقالي ...💭💭
مصطفي : ياأخت ...)
ناهد : نعم !؟
مصطفي : وين البنت يلي كانت جنبك !!
ناهد : من تقصد !؟
مصطفي : كااان اسمها ياربي راح من راسي هيا كيف ناضت لكن ...!
ناهد : اهه رهف خيرها ... ؟.
مصطفي : حك رأسه ، ايه انى ...هياااا كانت ماشيه وووــ ...
ناهد : به ماشيه وبعدين كمل نسمع فيك ...)
مصطفى : الصراحة نبي ايميلها نبي نسألها ع حاجات في المحاضرة ...)
ناهد : قول هكى من الاول سجل عندك ......... )
(وردينا للواقع توا )
رهف حطت يدها ع رأسها : مكويستك نااااهد ...)
ناهد : شن فيها يعنى ، انى حسيت ان مش هدا موضوعه الأساسي لكن شكله غالطه ، )
رهف : ناهد معاد اتعاوديها بجد نرفزتينى من تصرفك مش هكى عاااد ...!
ناهد : تي خيرك هكى نطيتي فيا وبعدييـــ ...،قاطع كلامهم صوت نقال ناهد يلي رن للمره الألف ... ناهد انى معاد نقدر نقعد بابا يكلم من بكرى سلااااااام 🙃)
رهف : اهربي عاااد )
ناهد : ههههههه سلام 😉
رهف : اووووف يا ناهد عندك كل شي عااادي ربي يهديك ...)
جهزوا شيتات رهف جاها خوها روحت خشت سعدت أمها في الغدي و بعد الغدي خشت انطرحت ع سريرها ع اساس تبي ترقد بس في موضوع شاااغل بالها ...
الرساله يلي جتها ... فتحت نقالها وعاودت تقراء فيها ...)
طبعا كانت الرساله من مصطفي :...............
# عند مصطفي ...
مصطفى : امى مش تنسي ...
خديجه :......
#يتبع
برأيكم شن مكتوب في الرساله
وهل رهف حتقتنع بيه أولا
ومزال نقوللكم زعمه عماد من البنت يلي أمه تبي تخطبهله هل طلعت او لااا ...
.
.
دمتم بخير .....وانتظرونى 😊
